Yith 36:11 - JAM DE NHIALIC 2011

¹¹ Ëtɛ̈ɛ̈n go Eliakim ku Cebana ku Jowa lɛ̈k Rabcaka bɛ̈ny ë rem de tɔŋ an, “Jam në thoŋ de Aram ku abuk piŋ. Du jam we wook në thoŋ de Ɣeberuu, ke cïï kɔc bï piŋ ëbɛ̈n kɔc nu ë kal ë pänydït kɔ̈u.”

Yith 36:11 ပူးပေါင်းရင်းမြစ်များ

Edhr 4:7

Ku në akööl ke Ateradath, go Bicalam, Mitheredath, ku Tabeel, ku kɔc luui kek acïk awerek gäär Ateradath Melik de Perthia. Ku awerek aa gäär në thoŋ de Aramaik ku pukic wën kueenë yen.

Yith 22:15

Bɛ̈nydït Awärjäŋ ë ya yɔ̈ɔ̈k laar tëde Cebana, bɛ̈ny muk ka baai de Bɛ̈ny ku lɛ̈k en an,

Yith 22:20

Go Bɛ̈nydït lɛ̈k Cebana an, “Të lee ee kënë lɔ tuöl, Yɛn bï awundï Eliakim wën ë Ɣilikia cɔɔl.

Yith 36:12

Go Rabcaka bɛ̈ɛ̈r an, “Yak tak duëër aa këdun në melikdun wapäc, yen ë tooc ë melik de Athiriya yɛn bä kakë bɛ̈n lueel? Acie yen, yɛn jiëëm kɔc rɛ̈ɛ̈r ë kal ë pänydït kɔ̈u ayadäŋ, kɔc ee kek bï wärken cam ku dekkï lacken në week ëtök.”

Yith 36:13

Ëtɛ̈ɛ̈n go Rabcaka bɛ̈ny ë rem de tɔŋ ye röl jat nhial ke jam ke kääc në thoŋ de Ɣeberuu lëk kɔc nu ë kal ë pänydït kɔ̈u an, “Piɛŋkï jam lëk ë melik de Athiriya week!

Danyel 1:4

Abïk dhil aa dhuök läk, ku yek atëët në pɛlënɔm ëbɛ̈n, kɔc de ŋïnydekäŋ, kɔc ee dap wëët, ku cïnkï gup tëdak, kɔc bï luɔi de paan ë melik lëu. Ku abï Acepenadh keek wɛ̈ɛ̈t në kuën ku gäär ë thoŋ de Babilonia.

Danyel 2:4

Gokï jam de melik bɛ̈ɛ̈r në thoŋ de Aram an, “Yïn bï pïïr anandu melik, lɛ̈kë wook nyuöthdu, ku abuk wɛ̈ɛ̈ric yïn.”