Yith 35:9 - JAM DE NHIALIC 2011

⁹ Acïn kɔ̈ɔ̈r bï nu ëtɛ̈ɛ̈n, acïn län rɛɛc bï tëëk ë kueerë. Ee kɔc cïï Bɛ̈nydït luök, kek abï cath në ee kueerë yic ke ke lɔ baai.

Yith 35:9 ပူးပေါင်းရင်းမြစ်များ

Diɛt 107:2

Yak wëlkë nyɔk yiic, ke we piɔny Bɛ̈nydït, wek kɔc cï keek kony wëi wedhie. Acï week luök tëde kɔc ke aterdun,

Bɛ̈n 15:13

Yïn ë nhiëërduön agɔk döt apiɛth, go kɔc cï luök kuaath, ku wat keek në riɛldu, abïk ɣet piny ɣeric.

Yith 1:27

Në biäk piɛth ë Bɛ̈nydït piɔ̈u abï Dhiɔn kony, ku raan lɔ yepiɔ̈u puk thïn abï kony në piathëpiɔ̈u.

Yith 30:21

Të cä wek määr kueer ke we lɔ ciɛɛm ku cuëëc abäk piŋ röl ke yɔ̈ɔ̈k week an, “Kueerkï pɔ̈kkï röt, tɛ̈kkï tënë.”

Yith 30:6

Kënë ee jam bɔ̈ tëde Nhialic në biäkde läi ke piny de wöuwic an, “Tuuc yak tooc, ayek cath piny ë riɔ̈ɔ̈c de yic kɔ̈ɔ̈r ku karɛc de thook wurïï ayï ŋuäl ee päär. Ayek mulken ku thɔ̈rɔ̈ɔ̈lken thiɔ̈ɔ̈ŋ kɔ̈ɔ̈th në kajuëc ke miɔ̈c le gäm jur cïï keek ee kony.

Yith 43:19

Wɔikï ka bä ke piac looi. Acïk röt guɔ looi, aduëër ë tïŋ ënɔɔnë! Yɛn bï kueer ee tëëk ë jɔ̈ɔ̈r yic looi, ku yiɛ̈n week nyïïn ke pïïu ëtɛ̈ɛ̈n.

Yith 5:29

Rem de tɔŋ ayek ŋäär cï kɔ̈ɔ̈r cï lɛ̈i nɔ̈k, ku mukkï ke cïn raan duëër ye bɛ̈ɛ̈i bei tëde keek.

Yith 51:10

Aa ye yïn ë tɔ wɛ̈ɛ̈r tɔ dëu aya ku loi kueer në pïïu yiic, ago kɔckuön kɔɔr bä ke kony wɛ̈ɛ̈r teem.

Yith 62:10

Kɔc ke Jeruthalem, lakkï biic në pänydït yic Ku luɔikï kueer de kɔckuön dök ciëën! Guiɛɛrkï kueer dït yic, nyaaikï kur thïn! Tääukï beer nhial ke bï ë juöör ŋic.

Yith 62:12

Wek bï aa cɔɔl an, “Kɔc ɣer yiic ke Nhialic,” Kɔc cïï Bɛ̈nydït ke luök. Nyan de Dhiɔn abï aa të nhiɛɛr ë Nhialic,” “Pänydïït kën ë Nhialic pɔ̈l.”

Yith 63:4

Acä lueel an kööl bän kɔckï luök acï bɛ̈n, aaye kööl bän kɔckɛn ke ater luöi këtuc.

Yith 65:25

Aŋuööth ku thök abïk aa cam ëtök, kɔ̈ɔ̈r abïk nyuäth ë wal cï ɣɔ̈k ku karɛc ee mol piny acïï ke bï bɛ ya diɛɛr në wurïï. Në Dhiɔn kuurdiën ɣeric nɔm, abï ciën kë bïï kɔc bɛ riɔ̈ɔ̈c në biäk de karɛc.”

Jeremia 30:10

“Kɔckï duökï riɔ̈c, kɔc ke Yithriɛl duökï piɔ̈ɔ̈th riɔ̈c. Wek bä luök ee piny mecë, piny ya wek kɔc cï peec thïn. Wek bï bɛ̈n ciëën baai ku rëërkï në mät, wek bï luök, ku acïn raan bä wek bɛ riɔ̈ɔ̈c.

Edhekiɛl 34:25

Yɛn bï mät looi wo keek, män bï rëërdɛn tɔ tiëc. Yɛn bï läi rac tɔ̈u roor në piny yic nyaai, ago amɛ̈lkï ciën kë bï ke bɛ cam në duum yiic ku yek nïn roor.

Edhekiɛl 34:27

Tiim abïk luɔk ë mïth, ku duum abïk luɔk në rap, ka raan ëbɛ̈n abï rëër ke cïn kë riɔ̈ɔ̈c en pinyde. Të lan kuat rek ë kɔckï tueny, gäm ke nɔm lääu tëde kɔc cï keek tɔ ee lïïm, ëtɛ̈ɛ̈n abïk jɔ ŋic nɔn ee Yɛn Bɛ̈nydït.

Ɣodh 2:18

Ku ëtɛ̈ɛ̈n, Yɛn bï mät looi wokë läi roor, ku diɛt, ku ka ee mol piny, në biäk cïï kek kɔckï bï bɛ luöi kërac. Ku këriëëc de tɔŋ ëbɛ̈n, abä ke nyaai pinyden: abätäu, ayï dhaŋ abïk liu, ke kɔckï ë ke bï tɔ̈c ë läŋ kedhie.

Lebai 26:6

“Wek bä gäm mät pinydun. Ka wek bï aa niin, ku acïn raan bï week tɔ riɔ̈c. Yɛn bï läi rac nyaai pinydun, ku acïn abätäu bï wundun reetic.

Galatai 3:13

Kërtho acï wo wɛ̈ɛ̈r bei ë aciɛɛn ë löŋic, luɔi cï e tɔ ye aciɛɛn në biäkda: luɔi cï e gɔ̈ɔ̈r an, “Raan ëbɛ̈n raan nɔ̈ɔ̈k ë tim nɔm, ka cï cieen.”

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

1 Pet 1:18

Në ŋïny ŋiɛc wek en an, acie ka duëër dhiap, cït ateek ku adhääp, kek ë wëërë we bei në täuduön ɣɔ̈ric cäk yök tëde kuarkun,

Nyuuth 5:9

Ku kitkï din ë piɛc cak, luelkï, an, “Yïn rɔ̈ŋ we luɔi duëër yïn awerek nööm, ku kuek adɔ̈kkë bei: Ë luɔi cï yï nɔ̈k, ago wo wɛ̈ɛ̈r bei në riɛmdu në këde Nhialic ë dhiën yiic ëbɛ̈n, ku thok yiic ëbɛ̈n, ku kɔc yiic ëbɛ̈n, ku juöör yiic ëbɛ̈n,