Yith 35:7 - JAM DE NHIALIC 2011

⁷ liɛɛt tuc dɛ̈p abï aa baar ë pïïu, ku piny ril abï thiäŋ kekë nyïïn ke pïïu. Të ɣɔn ye kɔ̈ɔ̈rgɔl cieŋ, wal juëc ku aguöt abïk cil thïn.

Yith 35:7 ပူးပေါင်းရင်းမြစ်များ

Diɛt 107:35

Bɛ̈nydït acï jɔ̈ɔ̈r puk ke ye të de yic awuul ke pïïu ku tɔ piny cï riɛl de yic awɛɛŋ ee wat ë pïïu.

Yith 13:22

Ɣööt bär ku ɣööt ke bääny ayek awuɔɔu de aŋuööth ku kɔ̈ɔ̈rgɔl aa gamic ëbɛ̈n. Kööl de Babilon ëbɛ̈n! Aköölke acïk thiɔ̈k ë thök.”

Yith 19:6

Nyïïn ke Kiir abïk dëu, wëk ke Rip abïk yiic ŋuäc në luɔi bï aguöt ku wal tɔ̈c ee luɔk ë Kiir yɔu ëbɛ̈n biɔɔr,

Yith 29:17

Në kaam thiin bï bɛ̈n, roor ë Lebanɔn abï rɔt puk ke ë tëde duum, ku tëde duum abï rɔt puk ke ye roor.

Yith 30:25

Në kööl bï wëth ke kɔc ke aterdun dɔm ku näk kɔc nu thïn, abï dɛ awɛɛŋ ke pïïu bï riŋ ke ke bɔ̈ piny në kur nïïm ku ɣään thöny ëbɛ̈n.

Yith 34:13

Kuɔɔth ku thil, acïn të cïï kek bï cil thïn piny ayï kɛ̈l ke wuöt yiic, ku kɔ̈ɔ̈rgɔl ku agumuut abïk ceŋ thïn.

Yith 41:18

Yɛn bï kiɛɛr tɔ tëk në kɛm ke kur kor cïn ka ye cil thïn ku nyïïn ke pïïu tëk në wëk yiic. Yɛn bï jɔ̈ɔ̈r puk ke ye awuul ke pïïu ku pɔ̈k piny cï riɛl ke ye nyïïn ke pïïu.

Yith 43:20

Ayï läi roor abïk A dhuëëŋ guöp, kɔ̈ɔ̈rgɔl ku wuut abïk A piɔɔny, të le Yɛn kiɛɛr tɔ wat ë jɔ̈ɔ̈r yic, ke ya gëm kɔckiën cä lɔc pïïu.

Yith 48:21

Wään bïï ë Bɛ̈nydït kɔcke tëëk të tuc, ë jɔ̈ɔ̈ric, akënkï bɛ̈n nuan në rou. Acï pïïu bɛ̈n tɔ bɔ̈ bei në kuuric në biäkden, acï kuur bɛ̈n pakic abïï ɣɔ̈ɔ̈r, ku jɔ pïïu wɛ̈t bei.

Yith 49:10

acïkï cɔk ke bï kɔn nɔ̈k ayï rou. Tuöc de akɔ̈l ku jɔ̈ɔ̈r acïï ke bï nɔ̈k, në biäk bïï raan nhiaar keek wat. Abïï keek lɛɛr në nyïïn ke pïïuwiic.

Edhekiɛl 47:8

Go lɛ̈k ɛn an, “Pïïukë ayek piny reetic ëbɛ̈n ke ke lɔ aköl amiäk, ku lekï ë Wak de Jordan yic, ku Wɛ̈ɛ̈r de Amilɔ. Ku të cï kek lɔ në Wɛ̈ɛ̈r de Amilɔ yic, ee pïïu cï wac tɔ̈u ee wɛ̈ɛ̈rë yic waar në pïïu piɛth.

Math 21:43

Yen a yɔ̈ɔ̈k ɛn week an, “Ciɛɛŋ de Nhialic abï nyaai tëde week, ago gam jur däŋ, jur ë luɔk ë mïth röŋ në yen.”

Luk 13:29

Ku kɔc abïk bɛ̈n të lɔ aköl amiäk ku bïkkï të lɔ aköl athɛ̈i, ku rut, ku wöuwic, bïk ku nyuckï ë ciɛɛŋ de Nhialic yic.

Jɔn 4:14

ku raan ëbɛ̈n raan ë dek ë pïïu bä gäm en acïï bï bɛ aa yal anande, pïïu bä gäm en abïk aa nyin de pïïu ë yeyäc, awaŋ bï aa cool ë tul ɣet pïïr athɛɛr.”

Jɔn 7:38

Raan gam ɛn, acït man cï këcïgɔ̈ɔ̈r e lueel, an, kiɛɛr ke pïïu ke pïïr abïk aa kuëër bei ë yeyic.”

Luɔi 26:18

Lɔ keek liep nyïïn, ke ke bï röt yäl bei ë mɔ̈ɔ̈thic lek tëɣer, ku yɛlkï röt bei ë riɛl ë Catanic, lek të nu Nhialic, agokï nyiɛɛi de karɛc yök, ku yökkï kë bïk lɔ̈ɔ̈k lak në kɔc ëtök kɔc cï tɔ piɛthpiɔ̈ɔ̈th në gäm cï kek a gam.’

Nyuuth 18:2

Go cööt arëët ë röl dït, an: “Babilon dït acï wïïk, acï wïïk, ka cï aa panɔm de jɔɔk rac, ku ye të cï atïptïïp ke jaak nhiany mac thïn ëbɛ̈n, ku mɛcë diɛt rac nhiany thïn ëbɛ̈n aya.

Bäny 6:38

Na ɣɔn amiäk, ajɔt Gidiɔn rɔt, ke jɔ guɔ aa yen, ku nööm nhïm, ku mɛ̈ɛ̈t ke yiic ku nyiith thäc wei në ke kɔ̈ɔ̈th abïï abïny thiɔ̈ɔ̈ŋ ë pïïu.