Yith 35:6 - JAM DE NHIALIC 2011

⁶ Ŋɔl abï kɛɛc nhial ku cöŋ, ku kɔc cïï jam lëu abïk kïïu në miɛtëpiɔ̈u. Awɛɛŋ ke pïïu abïk wat jɔ̈ɔ̈ric,

Yith 35:6 ပူးပေါင်းရင်းမြစ်များ

Neɣe 9:15

“Ɣɔn cïï cɔk ke nɔ̈k acï ke bɛ̈n gäm kuïn paannhial, ku gämë ke pïïu ë bɔ̈ bei ë kuuric ɣɔn cïï kek yal. Acï lɛ̈k keek an, bïk piny cï than an bä gäm keek dɔm.

Diɛt 107:35

Bɛ̈nydït acï jɔ̈ɔ̈r puk ke ye të de yic awuul ke pïïu ku tɔ piny cï riɛl de yic awɛɛŋ ee wat ë pïïu.

Diɛt 46:4

Ade kiir ye nyïïnke miɛtëpiɔ̈u yiɛ̈n pänydïït de Nhialic, tëɣeric ceŋ ë Nhialic Awärjäŋ.

Diɛt 51:15

Bɛ̈nydït, liep a thok, ke thoŋdï abï lɛcdu nyuɔɔth,

Bɛ̈n 17:6

Yɛn bï lɔ kɔ̈ɔ̈c në yïnɔm në kuur ë Thinai. Lɔ tɔŋ kuur kɔ̈u, ku pïïu abïk bɛ̈n bei thïn në yeyic, ke kɔc ë ke bï dek.” Go Mothe looi aya në röördït ke Yithriɛl nïïm.

Yith 30:25

Në kööl bï wëth ke kɔc ke aterdun dɔm ku näk kɔc nu thïn, abï dɛ awɛɛŋ ke pïïu bï riŋ ke ke bɔ̈ piny në kur nïïm ku ɣään thöny ëbɛ̈n.

Yith 32:2

Raan ëbɛ̈n ë keyiic abï ciët gëlgël ë yom ku cït tëde thiaan në amaŋ. Abïk ciët awɛɛŋ ke pïïu wat ë jɔ̈ɔ̈ric, ku cïtkï atïm liir ë kuur dït nu piny tuc cie luɔk.

Yith 32:4

Abïk käŋ aa looi ka cïk yök yiic në wëët, ku abïk käŋ aa looi në ŋïnydekäŋ ku abïk yek lueel aa looi.

Yith 35:1

Jɔ̈ɔ̈r abï piɔ̈u miɛt, ku wal abïk gaak moc ë jɔ̈ɔ̈ric.

Yith 42:11

Takkï jɔ̈ɔ̈r ku pɛ̈ɛ̈nydïtke piɔny Nhialic, takkï bɛ̈i ke Kedar piɔny Yen! Takkï kɔc rɛ̈ɛ̈r në pänydïït de Thela moc kiɛɛu de miɛtëpiɔ̈u, në kur nïïm.

Yith 44:3

“Yɛn bï piny nɛ̈k rou miɔɔc në pïïu, ku ta pïïu tɔ wat piny ril. Yɛn bï wëikï wäl në mïthkun gup, ku athiɛɛidï në kuatdun gup.

Yith 48:21

Wään bïï ë Bɛ̈nydït kɔcke tëëk të tuc, ë jɔ̈ɔ̈ric, akënkï bɛ̈n nuan në rou. Acï pïïu bɛ̈n tɔ bɔ̈ bei në kuuric në biäkden, acï kuur bɛ̈n pakic abïï ɣɔ̈ɔ̈r, ku jɔ pïïu wɛ̈t bei.

Yith 51:3

“Yɛn bï Jeruthalem nyuöth kokëpiɔ̈u, nyuöth raan ëbɛ̈n raan rɛ̈ɛ̈r në ye ɣööt cï riääk yiic. Na cakaa nɔn ye pinyde jɔ̈ɔ̈r, abä tɔ ee dom, abï ciët dom cä com ë Eden. Dhuëëŋ ku miɛtëpiɔ̈u abïk tɔ̈u ëtɛ̈ɛ̈n, ku diɛt ke thieithieei ku lɛ̈c leecë Yɛn.

Jowɛl 3:18

“Ku në ee köölë, kur abïk aa thuat në mɔ̈n kuil, ku wat kur kor nïïm në ca, ku nyïïn ke pïïu ke Juda, abïk wat në pïïu kedhie. Ku awaŋ de pïïu abï rɔt mɔc nhial Luaŋdït, ku piɔɔk wak de Akacia yic.

Dhek 14:8

Kööl bïï ë kënë rɔt looi pïïu piɛth abïk wɛ̈t bei ë Jeruthalem, biäk tök abï wɛt ë Wɛ̈ɛ̈r de Amilɔ yic ku biäk däŋë abï wɛt në Abäpdit yic. Abï wat ë ruöön thok ëbɛ̈n, abï wat mɔ̈i ku abï wat rut.

Malakai 4:2

Ku na week, wek kɔc ee rinkï riëëu, wek bä yiɛ̈n piathëpiɔ̈u ku rëër lɔ dïu cït man ye akɔ̈l thok bɛ̈n. Wek bï nïïm lääu, ku miɛtkï piɔ̈ɔ̈th cït man ë dɛɛu cï luöny bei kɛl.

Kuɛ̈n 20:11

Go Mothe thieec yɔɔk ku yum en kuur kɔ̈u raan rou, go pïïu juëc lɛ̈u. Go akutnɔm de kɔc dek kedhie ku dëk këriëëcden ëbɛ̈n.

Math 11:5

Cöör ayïnkï, ku ŋöl aciɛthkï apiɛth, kɔc de gup wɛth acïk gup waar, mïŋ apïŋkï, kɔc cï thou acï ke jat nhial ka cïk pïïr, ku kɔc kuanynyïïn aye ke guiëër wëlpiɛth.

Math 12:22

Na wën, ke raan de guöp jɔŋ rac bïï yë të nu yen, ku ye cɔɔr, ku cïn ethok të jam, ago tɔ dem, arëk abï raan wën cï cɔɔr ku cïn ethok të jam abï jam ku dɛɛi.

Math 21:14

Go cöör ayï ŋöl bɛ̈n të nu yen Luaŋdït, ago ke tɔ dem.

Luk 1:64

Go thoŋde rɔt liep ënɔnthiinë, ku däk liep rɔt, go jam, ku leec Nhialic.

Luk 11:14

Na ɣɔn, aa cieec jɔŋ rac jɔŋ cïn thok. Ku na wën, aacï bɛ̈n bei, ke raan wën cïn thok, ke jam, go kut ë kɔc gäi.

Luɔi 3:2

Ku ade raan ëtɛ̈ɛ̈n, raan ë dhiëth ke ye aduany, ku aaye kɔc jɔt e aköölnyïïn kedhie lek tääu ë kal ë Luaŋdït thok, kal thoŋ cɔl Läkëläk, ke ye lip ë käŋ tëde kɔc ee lɔ Luaŋdït ë Nhialic.

Luɔi 8:7

Jɔɔk rac acïk bɛ̈n bei ë kɔc juëc gup, kɔc cïk dɔm, ke ke cöt ë röl dït, ku dem kɔc juëc cï duany, ayï ŋöl.

Kolothai 3:16

Yak jam de Kërtho tɔ rɛ̈ɛ̈r ë weyiic në pɛlënɔm ëbɛ̈n, abäk kuɛth ë ye, yak röt wɛ̈ɛ̈t wapäc ku yak wenïïm tak në diɛt, ku diɛt ke Nhialic ku diɛt ke Wëidït, ku yak Bɛ̈nydït kɛ̈t në miɛt ë wepiɔ̈ɔ̈th.

Nyuuth 22:1

Na wën, ke tunynhial nyuth ɛn kiir ë pïïu ke pïïr, kiir ee pïïuke lɔ kïr cït man ë kuruthalo, ke bɔ̈ bei ë thöönydïtic thöönydïït ë Nhialic kekë Nyɔŋamääl, tëëk ë kueerdeyic cil.

Nyuuth 22:17

Wëidït ku Nyɔŋamääl aluelkï, an, “Bä!” Ku raan pïŋ, ë lueel, an, “Bä!” Ku raan cï yal, ë bɔ̈, ayï raan de piɔ̈u keek, ë nöm pïïu ke pïïr youyou.