Yith 35:5 - JAM DE NHIALIC 2011

⁵ Nyïïn ke cɔɔr abïk daai, ku miŋ abï piŋ.

Yith 35:5 ပူးပေါင်းရင်းမြစ်များ

Jop 33:16

Yen aye ke tɔ piŋ kë lueel, ku ayek riɔ̈ɔ̈c në jamdɛn kithic.

Diɛt 146:8

ku tɔ kɔc cï cɔɔr daai. Bɛ̈nydït ee kɔc cï löny jat nhial, ku anhiaar kɔckɛn piɛthpiɔ̈ɔ̈th.

Bɛ̈n 4:11

Go Bɛ̈nydït lɛ̈k en an, “Eeŋa ë lui raan thok? Ku eeŋa ee ye tɔ thiek yïth ku tɔ miŋ? Eeŋa ee ye tɔ daai, ku nɔn tɔ yen cɔɔr? Cie Yɛn, Yɛn Bɛ̈nydït?

Kɛ̈ŋ 20:12

Bɛ̈nydït acï raan cäk nyïïn ku yïth, bï ke luɔɔi.

Yith 29:18

Të le ëköölë bɛ̈n, miŋ abï awerek piŋ ke kuen ë röl dït, ku cɔɔr ë rɛ̈ɛ̈r ë cuɔlic abï yenyin liep ku dɛɛi.

Yith 42:16

“Yɛn bï cöörkï wat në kueer kën kek kɔn tëëk. Yɛn bï mɔ̈ɔ̈thden tɔ ye ɣɛɛr ku luɔi piny de yic ŋɔny ke lip në kenïïm. Kek gutguut cä lueel ka, ku abä ke muk ke ke cïï mär në yanɔm.

Yith 42:18

Aye Bɛ̈nydït lueel an, “Piëŋkï wek kɔc cï miŋ! Bä tiëŋkï tëthiɔ̈k, wek kɔc cï cɔɔr!

Yith 43:8

Aye Bɛ̈nydït lueel an, “Cöölë kɔckï në luk nɔm. Adekï nyïïn ku acïk cɔɔr, adekï yïth, ku acïk miŋ!

Yith 48:8

Aa ŋiɛc nɔn cïï ë week duëër ŋɔ̈ɔ̈th, në biäk cïï ë week ŋic ke we ye kɔc ee käŋ rɛɛc. Yeka kɛ̈n wek ee kë cït ee kënë kɔn piŋ taitai, eeŋö cïn en wɛ̈t töŋ cï kɔn tëëk në weyïth ë wïl.

Yith 50:4

Bɛ̈nydït Awärjäŋ acï a wɛ̈ɛ̈t në jam, aguɔ kɔc cï dak riit piɔ̈ɔ̈th. Në run ë piny ë ceŋ ee yɛn tɔ kɔɔr luɔi bän tïŋ në kë bï Yen a wɛ̈ɛ̈t.

Yith 50:5

Bɛ̈nydït acï ya gäm yöŋ de käŋiic, ku akɛ̈n rɛɛc, ku yɛn kën rɔt yal wei në yelɔ̈ɔ̈m.

Jeremia 6:10

Guɔ bɛ̈ɛ̈r luɛɛl an, “Eeŋa bï këdï piŋ na la jam wo keek ku jääny keek? Ayek kɔc ril nïïm ku acïk jaai bïk jamdï piŋ, ayek kë cï lëk ɛn bä lueel dɔl.

Math 12:22

Na wën, ke raan de guöp jɔŋ rac bïï yë të nu yen, ku ye cɔɔr, ku cïn ethok të jam, ago tɔ dem, arëk abï raan wën cï cɔɔr ku cïn ethok të jam abï jam ku dɛɛi.

Math 21:14

Go cöör ayï ŋöl bɛ̈n të nu yen Luaŋdït, ago ke tɔ dem.

Luk 4:18

“Wëidït ke Bɛ̈nydït acïk nyuc ë yaguöp, En aa tɔc en a guöp, bä kɔc kuanynyïïn aa guiëër wëlpiɛth. Acï a tooc bä kɔc cï piɔ̈ɔ̈th jiɛth bɛ̈n duut piɔ̈ɔ̈th, Ku bä kɔc cï mac bɛ̈n guiëër luny bï ke lony, Ku guiëër cöör yïn bï kek bɛ yïn,

Jɔn 11:37

Go kɔc kɔ̈k ë keyiic lueel an, “Na raanë raan wään liep cɔɔr nyin, adï kën raanë pɛ̈n thuɔɔu ayadäŋ?”

Jɔn 9:39

Go Yecu lueel an, “Ee guiëërëlöŋ yen aa bïï yɛn ë piny nɔm, ke kɔc cie daai ë ke bï bɛ̈n daai, ku bï kɔc daai bïk cɔɔr.”

Luɔi 26:18

Lɔ keek liep nyïïn, ke ke bï röt yäl bei ë mɔ̈ɔ̈thic lek tëɣer, ku yɛlkï röt bei ë riɛl ë Catanic, lek të nu Nhialic, agokï nyiɛɛi de karɛc yök, ku yökkï kë bïk lɔ̈ɔ̈k lak në kɔc ëtök kɔc cï tɔ piɛthpiɔ̈ɔ̈th në gäm cï kek a gam.’

Epethiei 5:14

Yen a lueel en en an, “Jɔ pääc, yïn ë raan ninë, jɔt rɔt ë kɔc cï thou yiic, ke yï bïï Kërtho riaau.”