Yith 34:7 - JAM DE NHIALIC 2011

⁷ Kɔc abïk aa wïïk cï ɣɔ̈k roor ku miöör kor, ku piny abï aa thiir ke riɛm thiäŋ ke kɔl.

Yith 34:7 ပူးပေါင်းရင်းမြစ်များ

Diɛt 22:21

Kony yɛn në kɔ̈ɔ̈r thook, yɛn ë ciën kony. Yïn cï lɔ̈ŋdï bɛ̈ɛ̈r, luäk ɛn në tuŋ ke thön.

Diɛt 68:30

Ŋɛ̈nyë Rip, yen län roor cï thiaan aguötic, ŋɛ̈nyë juöör ril cït miöör cï miɔ̈l, agut të bï kek kenïïm guöt piny ku miɔckï Yïn në ateekken. Thiäiyë kɔc nhiaar tɔŋ piny.

Diɛt 92:10

Ku Yïn cï yɛn gäm riɛl thöŋ ke riɛl ë thɔn anyaar, Yïn cï yɛn thieei ë miɛtëpiɔ̈u.

Yith 63:6

Në agönhdï yɛn juöör dum yiic ëbɛ̈n ku wɛɛr ke piny. Ku wäl riɛmdɛn de pïïrden piny.”

Jeremia 25:34

Dhiaukï, wek bäny, wek kɔc ee kɔc tiit, dhiaukï arëët! Dhiaukï ku dalkï ë abuui yic. Akööl bï ë week tɛm röt acïk bɛ̈n, ku wek bïï tɛm röt cï nyök ke amääl.

Jeremia 46:21

Ayïï remdɛn ë tɔŋ ë riɔp, acïk ciɛ̈n naamden cï daau. Akënkï kɔ̈ɔ̈c ku thɔ̈ɔ̈rkï, acïk kekɔ̈ɔ̈th wɛl kedhie ku kɔtkï. Kööl de thonden acï bɛ̈n, kööl bïï ë keek riɔ̈ɔ̈k.

Jeremia 50:11

Aye Bɛ̈nydït lueel an, “Wek kɔc ke Babilonia, wek cï jurdï rum. Wek mitpiɔ̈ɔ̈th ku lak piɔ̈ɔ̈th yum, wek wïïl piny cï weŋ käm rap, ku ciëtkï jöŋgör kïïu,

Jeremia 50:27

Näkkï remdɛn ë tɔŋ ëbɛ̈n! Tɛmkï keek röt! Amawoou në kɔc ke Babilonia acïk riääk! Akööl acïk bɛ̈n akööl bï ë keek luöi këtuc!”

Edhekiɛl 32:6

Yɛn bï riɛmdu wäl wei aɣet abïï kur thiɔ̈ɔ̈ŋ nïïm ku thiɔ̈ɔ̈ŋ nyïïn yiic.

Edhekiɛl 39:17

Bɛ̈nydït Awärjäŋ acï yɛn an, “Mɛnh ë raan, cɔl diɛt kedhie ku läi bïk bɛ̈n në ɣään kedhie, bïk miɔ̈c näk cä guiëër keek bɛ̈n cam. Abï aa dhuëëŋ dït agök në kur ke Yithriɛl nïïm, të bïï kek rïŋ cuet ku dekkï riɛm.

Edhekiɛl 39:18

Abïk gup ke rem de tɔŋ bɛ̈n cuet, ku dekkï rim ke bäny cieŋ pinynɔm, keek kedhie abïï keek nɔ̈k cït nyök ke amɛ̈l, ku nɔn ee kek nyök bɔɔth, ku nɔn ee miöör.

Kuɛ̈n 23:22

Acïï Nhialic ke bɛ̈ɛ̈i bei Rip, ku ee tɔŋden thɔ̈ɔ̈r cït thɔn cï jök.

Kuɛ̈n 24:8

Acïï Nhialic ke bɛ̈ɛ̈i bei Rip, ku ee tɔŋden thɔ̈ɔ̈r cït thɔn cï jök. Ayek juöör ka ater riɔ̈ɔ̈k, ku dhuuŋkï yomken abïk lɔ mot, ku muuckï keek në dhaŋ.

Nyöŋ 33:17

Jothep ade nɔm riɛl de thɔn, kekë tuŋ ke thɔn cï jök, tuŋke ayek aguum ke Manatha, ku aguum kathiëër ke Eparaim, ku në ee tuŋkë ayen ke juöör guööt, ku jiëp keek ë piny thar.”