Yith 34:6 - JAM DE NHIALIC 2011

⁶ Abätäude abï kɔ̈u thiäŋ në riɛmden ku kɔlden, cït man de riɛm ku kɔl de amɛ̈l ku bɔɔth ke miɔ̈c näk. Bɛ̈nydït abï ee miɔ̈cë gam ë pänydït de Bothera yic, abï ë nääkdïïtë looi piny de Edom.

Yith 34:6 ပူးပေါင်းရင်းမြစ်များ

2 Tham 1:22

Dhaŋ de Jɔnathan ee nɛ̈k, ku abätäu de Thaulo acïn kokëpiɔ̈u, ee jööt näk piny, ku nɛ̈k kɔc ke ater.

Diɛt 137:7

Tak Yïnɔm Bɛ̈nydït, në kë cï ë kɔc ke Edom looi, kööl ë peecë Jeruthalem. Tak këdɛn wään yek lueel an, “Jäpkï piny! Jäpkï piny abï riääk taitai!”

Yith 29:2

ku ëtɛ̈ɛ̈n Nhialic abï riääk bɛ̈ɛ̈i pänydïït ye cɔl an, “yïïŋ de Nhialic.” Abï dɛ dhiëëu ku dhuöör, ku pänydït ëbɛ̈n abï ciët yïïŋ cï riɔk ëbɛ̈n në riɛm.

Yith 34:5

Bɛ̈nydït acï abätäude kiëët paannhial, ku ënɔɔnë abï Edom yup, kɔc cï ke tɔ ye kɔc bï riɔ̈ɔ̈k.

Yith 63:1

“Eeŋa ë kë bɔ̈yë në pänydïït de Bothera nu ë Edom? Ku eeŋa kë ceŋ lupɔ amujuŋë, raan ril laath ë riɛl.” Ee Bɛ̈nydït, raan dïït ril ee kɔc kony, abɔ̈ bïï tiëmde bɛ̈n lɛ̈k kɔc.

Yith 63:3

Go Bɛ̈nydït bɛ̈ɛ̈r an, “Yɛn ee juöör ke piny nɔm dum yiic, cït man ë kë dhiim mɔ̈n de enap, ku acïn raan cï A bɛ̈n kony. Acä ke dum yiic në agönhdï, go riɛmden lupɔɔkï riɔk kedhie.

Yith 65:12

Abï aa thök de pïïrdu bä thon në tɔŋ, në biäk kɛ̈n wek cɔ̈tdï puk nɔm wään caal ɛn week, ku kɛ̈nkï piŋ wään jam ɛn wo week. Acäk lɔc bäk a rɛɛc thok ku luɔikï karɛc.

Jeremia 12:12

Ë wuöt ke kur ë jɔ̈ɔ̈ric ëbɛ̈n, kɔc acïk bɛ̈n bïk bɛ̈n rum. Yɛn cï tɔŋ tuɔɔc bïï piny lɔ riɔ̈ɔ̈k ëbɛ̈n, acïn raan bï rëër ë mätic.

Jeremia 25:34

Dhiaukï, wek bäny, wek kɔc ee kɔc tiit, dhiaukï arëët! Dhiaukï ku dalkï ë abuui yic. Akööl bï ë week tɛm röt acïk bɛ̈n, ku wek bïï tɛm röt cï nyök ke amääl.

Jeremia 46:10

Kënë ee kööl de Bɛ̈nydït Awärjäŋ, abï rɔt guöör ee köölë, ee köölë abï kɔc ke aterde luöi këtuc. Abïï abätäude ke cam abïï kuɛth, ku dek riɛmden abï thiäŋ. Ee köölë Awärjäŋ anäk kɔc ke aterde të lɔ rut, ë wɛ̈ɛ̈r ë Yuparat yɔu.

Jeremia 49:13

Yɛn guöp, Yɛn cïï kuëëŋ, nɔn bïï ë pänydïït de Bothera aa të bïï kɔc aa riɔ̈ɔ̈c të tïŋ ë yen, ku abï aa jɔ̈ɔ̈r, abï kɔc aa dɔl guöp, ku yek rinke tɔ aa aciɛɛn. Ku wuöt kor thiääk në yen abïk riääk aɣet athɛɛr. Acä lueel, Yɛn Bɛ̈nydït.”

Jeremia 49:7

Kën ë lueel Bɛ̈nydït de rɛm kï në biäk de Edom an, “Cï kɔc ke Teman nïïm määr në guiëërdɛn piɛth? Cïn kë duëër ë kɔckɛn ee ke jääm lɛ̈k keek, kë bïk looi? Cï pɛlënɔmden ëbɛ̈n jäl tëde keek?”

Jeremia 50:27

Näkkï remdɛn ë tɔŋ ëbɛ̈n! Tɛmkï keek röt! Amawoou në kɔc ke Babilonia acïk riääk! Akööl acïk bɛ̈n akööl bï ë keek luöi këtuc!”

Jeremia 51:40

Abä keek lɛɛr, le keek tɛm röt, cït man ë amɛ̈l, ku nyök bɔɔth, ku nyök ke amɛ̈l. Acä lueel, Yɛn Bɛ̈nydït.”

Edhekiɛl 21:10

Acï theer thok ke bï näk, acï gɔɔk ke bï aa lɔ biliny cï wilëdeŋ. Aduëër ciën miɛtëpiɔ̈u ëtɛ̈ɛ̈n, në biäk cïï kɔckï jäny ku këtuuc bï luöi keek rɛɛc.

Edhekiɛl 35:15

cït man wään cä wek piɔ̈ɔ̈th miɛt në riäŋ baai de Yithriɛl, kɔc ke nɔmdï. Kur ke Theyir, piny de Edom ëbɛ̈n, abï yic ciën kɔc. Ëtɛ̈ɛ̈n abïï raan ëbɛ̈n ŋic nɔn ee Yɛn Bɛ̈nydït.”

Edhekiɛl 35:8

Yɛn bï kur thiɔ̈ɔ̈ŋ nïïm në gup ke kɔc cï thou, ku gup ke kɔc ë näk ë tɔŋic, abïk kur kor ku wɛ̈k kum nïïm.

Amoth 1:11

Aye Bɛ̈nydït lueel an, “Kɔc ke Edom abä keek luöi këtuc, në biäk de karɛc juëc cïk looi. Arëk abïk kɔc ke Yithriɛl, mïthëkɔcken yɔ̈ɔ̈p në abätɛ̈ɛ̈u, abïk jɔ tïc ëgɔk nɔn cïn en kokdepiɔ̈u tɔ̈u ke keek taitai. Ayek tɔ̈u ke ke diu piɔ̈ɔ̈th aköölnyïïn kedhie. Ku ayek agönhden mukic ananden.

Dhep 1:7

Lak lik në Bɛ̈nydït Nhialic nɔm, në luɔi cï akööl thiɔ̈k, kööl bï Yen nyuc ke guiir löŋ. Bɛ̈nydït akïït kɔcke bïï ke gam ke ke ye miɔ̈c näk, ku acï kɔc ke ater cɔɔl bïk Juda bɛ̈n yakic.

Nyöŋ 32:14

Ku ɣɔ̈kken ku thöken abïk nïïm dɛ cɛk juëc, ku abïk dɛ amɛ̈l ku bɔɔth, ku ɣɔ̈k ke Bacan, ku agamɔ piɛth, kekë mɔ̈n mit.

Nyöŋ 32:41

An, yɛn bï abätäudiën abilbil theer thok, ku tiëŋ yith ke ke loi. Yɛn bï guur looi në kɔc ke aterdï, ku duöi kɔc man ɛn.