Yith 34:3 - JAM DE NHIALIC 2011

³ Gupken acï ke bï tɔ̈ɔ̈u, abïk dhɔt piny ke ke cï nhiany ku thiäŋkï piny në aŋuäc, ku kur abïk nïïm aa thiir ëbɛ̈n ë riɛm.

Yith 34:3 ပူးပေါင်းရင်းမြစ်များ

Yith 10:4

Wek bïï nɔ̈k tɔŋ ku nɔn thel week ke we mac. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Yith 34:7

Kɔc abïk aa wïïk cï ɣɔ̈k roor ku miöör kor, ku piny abï aa thiir ke riɛm thiäŋ ke kɔl.

Yith 66:24

“Të jël kek, abïk gup ke kɔc cï thou tïŋ, gup ke kɔc cï a rɛɛc. Ku ruöi lɔ ke cam acïï bï thou, ku many bï ke nyop acïï bï kɔn liu. Të tïŋ ë keek në kɔc nyïïn abï aa kërac arëët tëde mɛnh ë raan ëbɛ̈n.”

Jeremia 22:19

Täuden piɛth, abï thɛl wei cï mul cï thou, ku cuɛtë wei ë kal ë Jeruthalem thok.”

Jeremia 25:33

Në ee köölë, gup ke kɔc cï Bɛ̈nydït ke nɔ̈k, abïk dhɔt piny ke ke cï wɛɛr gɔl aguk baŋë lee aguk däŋë. Acïn raan bï ke dhiëëu, ku acïï keek bïï jɔt, lek ke tɔ̈ɔ̈u. Abïk dhɔt piny cï tiɔɔm awäi cï kut nɔm.

Edhekiɛl 14:19

“Na tuɔɔc jɔk ee pinyë, ku jat wëi ke kɔc juëc në agönhdï, näk kɔc ku läi,

Edhekiɛl 32:4

Yïn bä cuat piny biic, ku bɛ̈ɛ̈i diɛt nhial kedhie ku läi ke pinynɔm bïk yïn bɛ̈n cam.

Edhekiɛl 35:6

Ka ënɔɔnë, ee yic, ke ya ye Bɛ̈nydït Awärjäŋ, yɛn ee Nhialic pïïr, thuɔɔu yen ee këdun, ku acäkï bï ban. Wek de gup awäny de nääk, ku nääk, abï we kuany cök.

Edhekiɛl 38:22

Abä ke luöi këtuc në juäi ku kuëër de riɛm. Rel de deŋ ku deŋ kɔɔi, kedhie në mac ku thulpur, abïk röt wäl në yenɔm kekë remdɛn ë tɔŋ, ku rɛm ke tɔŋ ke juöör kɔ̈k tɔ̈u në biäkde.

Edhekiɛl 39:11

Go Bɛ̈nydït lueel an, “Të le kakë tuöl kedhie, Yɛn bï Gok gäm piny bïï ë yen tɔ̈ɔ̈u në Yithriɛl ëtɛ̈ɛ̈n, në Wak de Kamaanic, ë biäk të lɔ aköl amiäk de Wɛ̈ɛ̈r de Amilɔ. Gok kekë remdɛn ë tɔŋ ëbɛ̈n, abïï ke tɔ̈ɔ̈u ëtɛ̈ɛ̈n, ku wak abï aa cɔɔl an, ‘Wak de Rem Tɔŋ de Gok.’

Edhekiɛl 39:4

Gok kekë remdɛn ë tɔŋ ku kɔc mät në yen ëtök, abïk löny kedhie thoukï në kur ke Yithriɛl nïïm, ku yɛn bï gupken tɔ ye këcam ke diɛt ku läi roor ëbɛ̈n.

Jowɛl 2:20

Ku rem de tɔŋ de kɔyɔm wään bɔ̈ të lɔ rut, abä cuɔp wei tëmec ke week, yɛn bï kɔ̈k ɣɛɛt në jɔ̈ɔ̈ric tëril. Abïk nïïm lɔ gut në Wɛ̈ɛ̈r de Amilɔ kɔ̈u baŋ të lɔ aköl amiäk, Ku ka thïk kecök ciëën, abïk ɣet në wɛ̈ɛ̈r tɔ̈u të lɔ aköl athɛ̈i. Aŋuäc de gupken abï dït. Abä ke riɔ̈ɔ̈k në baŋ de kajuëc cïk luöi week.

Amoth 4:10

“Wek cä luöi riääkdït, cït riääk ɣɔn cä kɔn luöi kɔc ke Rip. Yɛn ë wɛ̈ɛ̈t dhuökkun tɔ näk tɔŋ, ku jöŋgöörkun abä ke peec ë tɔŋ. Ku ta we tɔ nɛ̈k aŋuäc de kɔc cï thou ë pɛɛnykun yiic. Ku wek ŋoot ke we kën röt pɔ̈k Ɛn. Kë cïï Bɛ̈nydït lueel ka.

Naɣum 3:3

Kɔc ke jöŋgöör alek tɔŋ, në abätɛ̈ɛ̈u ariauriau, ku tɔɔŋ lɔ bilbil. Ku näk kɔc juëc, ka kɔc cï thou acïk kenïïm dɔ̈ɔ̈r në akuut juëc arëët, ku acïï ke duëërë lëu në kuɛ̈n, ago kɔc ë bïï tɔŋ aa kɔ̈th në keek!

Nyuuth 14:20

Go kën ee mɔ̈u dhiim thïn duöm piny ë jöŋgöör ë pänydït këc biic, ku jɔ riɛm bɛ̈n bei ë kën ee mɔ̈u dhiim thïn yic, abï pëk ë joth ee jöŋgöör mac thook, thiëëŋ piny abï ɣet nhial në meel bot kaarou ku thuthde aaye akeem kadhïc.