Yith 34:16 - JAM DE NHIALIC 2011

¹⁶ Kaarkï awerek de Bɛ̈nydït yic në biäk de ka pïïr, ku kuɛnkï kë cï lueel. Acïn töŋ de kë cï cak bï liu thïn, ku acïn kë bï nɔm ciɛ̈n kë ye kek rou. Acï Nhialic ke yɔ̈ɔ̈k bïk tɔ̈u aya. Yen guöpde abïï ke mat nïïm tëtök.

Yith 34:16 ပူးပေါင်းရင်းမြစ်များ

Cäk 6:17

Në luɔi bän piny nɔm mool, ku riääk kapïr ë piny nɔm ëbɛ̈n abïï ciën töŋ dɔ̈ŋ ke pïïr.

Diɛt 33:6

Paannhial aa cak në kë cïï Bɛ̈nydït lueel, ku aköl, ku pɛɛi, ku kuɛl kedhie aake ciɛk ke në kë cï lueel ë yethok.

Diɛt 33:9

Kë cï lueel ë rɔt bɛ̈n looi, ku löŋde ee kɔ̈ɔ̈c ë cökiic.

Kɛ̈ŋ 23:12

Tääuwë yïpiɔ̈u në wëëtic, ku yïnydu ke pïŋ de wël ke ŋïny de käŋ.

Yith 1:20

Ku na lak A rɛɛc thok, ke wek bï nɔ̈k abäk thou, ee Yɛn Bɛ̈nydït Yɛn ë jam.”

Yith 14:31

Rɔ̈lkï arëët ku dhiëëukï kuɔɔny, wek pɛ̈ɛ̈nydït ke Pilithiin! Jakï riɔ̈ɔ̈c wedhie! Luän de tɔɔr abɔ̈ të lɔ rut, ee rem de tɔŋ cïnic ariɔ̈ɔ̈c në tuŋ yiic ëbɛ̈n.

Yith 21:17

Kɔc ke dhɛ̈ŋ kek aye jööt ke Kedar, ku ee kɔc liiakäŋ kek abï döŋ apïïr. Acïï lueel Yɛn Bɛ̈nydït Nhialic de Yithriɛl.”

Yith 30:8

Acïï Nhialic lɛ̈k ɛn gäär kënë në awerekic yen tän tɔ̈u ë kɔc, ke bï dɛ kë cï gɔ̈ɔ̈r në biäk de rac ë karɛcken.

Yith 40:26

Tïŋ tënhial! Eeŋa cak kuɛl ye tïŋ? Raan ee keek wët bei cït rem de tɔŋ, aŋic yek dï ëtɛ̈ɛ̈n ku aye ke cɔɔl ëtök, tök në rin! Riɛlde adït arëët, acïn töŋ liu në ke yiic!

Yith 40:5

Ku dhuëëŋ de Bɛ̈nydït abïï nyuɔɔth, ku abïï mɛnh ë raan tïŋ ëbɛ̈n. Ku Bɛ̈nydït guöpde acï lueel.”

Yith 58:14

ke we bï miɛtëpiɔ̈u ee bɛ̈n në luɔidï yic yök. Wek bä tɔ rïïuwë gup ë piny nɔm ëbɛ̈n, ku we bï piɔ̈ɔ̈th miɛt piny cä gäm kuaar Jakop jɔ yök. Acä lueel Yɛn Bɛ̈nydït.”

Amoth 3:7

Bɛ̈nydït Nhialic acïï këdäŋ ee guɔ looi, ke kën tït ke Nhialic awuutke kɔn nyuöth kë cï kiëët.

Dhek 4:6

Go jɔ puɔ̈k nɔm ɛn an, “Kënë ee jam lëk ë Bɛ̈nydït Dherubabel an: Acie riɛl, ku acie jööt, ee në wëikï. Yen kë cï Bɛ̈nydït de rɛm lueel ka. Eeŋö bä cök nɔm yïn kuur dït? Yïn bï rai piny në Dherubabel nɔm tueŋ, ka yïn bï nɔm kït wekë piny.

Malakai 3:16

Ku ëtɛ̈ɛ̈n, kɔc ee Bɛ̈nydït riëëu acïk bɛ̈n jam në röt kapäc në baŋ de ee kakë, go Bɛ̈nydït kë luelkï piŋ. Rin ke kɔc ee Bɛ̈nydït riëëu, ku dhuëŋkï guöp acï keek gäär piny në awerekic në Bɛ̈nydït nɔm.

Math 5:18

Wek yɔ̈ɔ̈k ë yic, Të ŋootë tënhial ayï piny ke ke kën guɔ nyai, ka cïn gut tök ku acïn të thiin cï ɣɔ̈ɔ̈t bï nyaai në löŋic, të ŋootë käŋ ke ke kënë thöl kedhie.

Luk 21:33

Tënhial ku piny abïk liu, ku wëlkï acïkï bï liu ananden.

Jɔn 10:35

Ku të cï en keek tɔ ye yiëth, kek kɔc ɣɔn bïï jam ë Nhialic tëde keek (ku këcïgɔ̈ɔ̈r acï duëërë dhɔ̈ŋic).

Jɔn 5:39

We ye kacïgɔ̈ɔ̈r cök ë kuɛɛn wek keyiic, luɔi aa wek e lueel an, yak pïïr athɛɛr yök në keyiic, ku kakë ayek cäätɔɔkï,

Nyöŋ 31:21

Ku të le karɛc juëc ku nuɛɛn juëc keek yök, yen ee dinë abï ya cäätɔ gɛɛny keek. Në biäk cïï mïth ke mïthken nïïm bï määr në yen. Yɛn ŋic këdɛn bïk looi, ayï wään ŋuɔɔt ɛn ke ke kɛ̈n bɛ̈ɛ̈i piny ɣɔn cän kuëëŋ an bä gäm keek.

Jocua 1:8

Du awerek de ee löŋë kɔn tɔ jël në yïthok. Ye cool ë ŋɛk yïn e yic, aköl ku wäkɔ̈u ke yï bï luɔi de këriëëc ëbɛ̈n jɔ lëu, kë cï gɔ̈ɔ̈r thïn. Ke yï bï jɔ tiam.

2 Pet 1:19

Ku wo cath në jam de tït aya, jam yic ëgɔk, jam wär jamë, ku apiɛth tëde week të dɔ̈t wek jamë, luɔi ee yen ciët manyëalath ee riau tëcol, a ruu piny, ago ciëër ë runëpiny rɔt jɔt ë wepiɔ̈ɔ̈th.