Yith 33:2 - JAM DE NHIALIC 2011

² Bɛ̈nydït kokëpiɔ̈u we wook, ee cï aŋäthda tääu në yïguöp. Ye we gël akööl yiic ëbɛ̈n ku kony wook në akööl ke nuan.

Yith 33:2 ပူးပေါင်းရင်းမြစ်များ

Diɛt 123:2

Cït man ye lïm bɛ̈nyde woi nyin, ku cït man ye nyan lui tiiŋ lui kek woi nyin, yen acït luɔi ye wok Yïn woi nyin Bɛ̈nydït Nhialicda, aɣet të bï Yïn piɔ̈u kok we wook.

Diɛt 143:8

Ye yɛn täk nɔm aköölnyïïn ëbɛ̈n në biäk de nhiëërduön agɔk, në biäk ŋääth yɛn Yïn. Nyuöthë yɛn kueer bän lɔ thïn, lɔ̈ŋdï ee lɔ nhial tëde yïn.

Diɛt 25:3

Ee yic, acïn raan ee Yïn ŋɔ̈ɔ̈th ee yäär, ee kɔc ee Yï dap rɛɛc thok kek ee yäär.

Diɛt 27:1

Bɛ̈nydït ee ɣɛɛrdï ku ee konydï, acïn raan duɛ̈ɛ̈r ɛn bɛ riɔ̈ɔ̈c. Bɛ̈nydït yen aye yɛn gël ë kërac ëbɛ̈n, yɛn cïï bï kɔn riɔ̈ɔ̈c.

Diɛt 33:22

Ye wo nyuöth nhiëërduön agɔk Bɛ̈nydït, të cï wok yï ŋɔ̈ɔ̈th.

Diɛt 37:39

Kuɔɔny de kɔc piɛthpiɔ̈ɔ̈th ee bɛ̈n tëde Bɛ̈nydït, ee Yen ee ke gël në akööl ke nuan.

Diɛt 46:1

Nhialic Yen ee gëlgëlda ku riɛlda, atɔ̈u ëceŋ ke bï wo kony në akööl ke nuan.

Diɛt 46:5

Nhialic anu ë pänydïïtë yic, ku acïï bï riɔ̈ɔ̈k taitai, aye Nhialic kony miäk adurduur.

Diɛt 50:15

Ye ya cɔɔl në kööl cïï nuan bɛ̈n, yïn bä kony, ka yïn bï Ya dhuëëŋ guöp.”

Diɛt 60:11

Luäk wook të biök wok në kɔc ke ater. Kuɔɔny de mɛnh ë raan acïn naamde.

Diɛt 62:1

Ee Nhialic Yen atiɛɛt bïï yɛn kony, ee Yen ŋääth Yetök

Diɛt 62:5

Yɛn ŋäth Nhialic Yetök, yɛn cï aŋäthdï tääu ë yeguöp.

Diɛt 62:8

Kɔckï yak, Nhialic ŋɔ̈ɔ̈th aköölnyïïn. Yak lɛ̈k kë nuan week ëbɛ̈n, Nhialic ee tëde thiaan.

Diɛt 90:15

Miɔc wook ënɔɔnë në miɛtëpiɔ̈n dït, kë cït ke guöm dïït cï gäm wook në run ɣɔn nuɛɛn wok kedhie.

Diɛt 91:15

Të cɔɔl kek Ɛn, Yɛn bï cɔ̈tden piŋ, tëde yen nuan cï ke yök, yɛn bï tɔ̈u wo keek. Ku abä keek luäk bei, ku dhuɛ̈ɛ̈ŋ keek gup.

Bɛ̈n 14:27

Go Mothe yecin yaak nhial në wɛ̈ɛ̈r nɔm, na ɣɔn amiäk, ke pïïu ë ke puk röt tëdɛn awään. Go kɔc ke Rip ë them luɔi bɛ̈n kek, go Bɛ̈nydït ke bɛ aa cuat wïïr.”

Yith 17:10

Yithriɛl wek cïï nïïm määr në Nhialic ɣɔn luäk week, ku gël week cï kuur dït. Ënɔɔnë we cï röt cuöm duum yaath, në luɔi bä wek yiëth lei aa lam.

Yith 25:4

Kɔc kuanynyïïn ku kɔc cïn käŋ acïk kɔt të nu Yïn ku acï ke kony në akööl ke nuan. Acï ke gäm gëlgël në amaŋ ku atïm gël keek në atuöc kɔc ke akuöörkuöör ayek kɔc mak cït man amaŋ de rut ë ɣöt kɔ̈u.

Yith 25:9

Të le yen rɔt looi, abï raan ëbɛ̈n aa lueel an, “Yen ee Nhialicda! Wo cï aŋäthda tääu ë Yeguöp, ku ë wo luök. Yen ee Bɛ̈nydït! Wok cï aŋäthda tääu në Ye guöp, ku ënɔɔnë wok mit piɔ̈ɔ̈th ku yok dɔl në luɔi cï Yen wo kony.”

Yith 26:16

Bɛ̈nydït Yïn cï kɔcku luöi këtuc në arɛɛm gokï Yïn lɔ̈ŋ.

Yith 26:8

Wok ee këde piɔ̈ndu kuany cök ku tɛ̈ɛ̈uku aŋäthda në yïguöp, ee Yïn yok kɔɔr në wopiɔ̈ɔ̈th ëbɛ̈n.

Yith 37:3

Gokï lɛ̈k tiët an, kë cïï melik Ɣedhekia lueel kï an, “Köölë ee kööl ë nuan, wok cï luöi këtuc, ku wok cï yɔ̈ɔ̈r. Wok cït tiiŋ rɔ̈p ku acïï dhiëth lëu në luɔi cïn en riɛl.

Yith 40:10

Bɛ̈nydït Awärjäŋ abɔ̈ bïï bɛ̈n cieŋ në riɛl, abɔ̈ ke kɔckɛn cï keek kony, ku athiɛɛidɛn cï gäm keek.

Yith 51:5

Yɛn bï dap bɛ̈n bä ke kony, kööl de tiëmdï acï thiɔ̈k. Yɛn guöpdï Yɛn bï juöör cieŋ. Piiny mec atitkï yɛn bä bɛ̈n, atitkï yɛn në aŋäth bän keek bɛ̈n luök.

Yith 59:16

Acï gäi arëët në yen e tïŋ ke cïn raan kony kɔc yɔŋ. Ka yen abï piathëpiɔ̈nde nyuɔɔth bïï yen kɔcke luök.

Yith 8:17

Bɛ̈nydït acï rɔt thiaan ë kɔcke, ku aya ŋɔ̈ɔ̈th, ku yɛn aa aŋäthdï tääu në Yeguöp.

Jeremia 14:8

Yïn aye aŋäth töŋ de Yithriɛl, Ee Yïn ee raan ee wo kony ë riääkic. Eeŋö jɔ Yïn ciët alei pinyda, eeŋö ee Yïn ciët raan keny ee nïn tök thöl?

Dhiëëu 3:23

Apiɛth cï miäk rial, ku atiëc ë gɔk cï bɛ̈n de akɔ̈l thok.

Ɣodh 14:2

Puɔ̈kkï wenïïm Bɛ̈nydït, lak läŋkï, lɛ̈kkï ee kënë ke ee yen ee miɔ̈cduön gämkï Yen an, “Pälë wook awɛ̈ɛ̈ckuɔ kedhie, ku gam lɔ̈ŋda në dhuëëŋ de yïnpiɔ̈u, ku Yïn buk jɔ aa piɔɔny cït man cï wok gutguut lueel.