Yith 33:17 - JAM DE NHIALIC 2011

¹⁷ Wek aya wek bï melik tïŋ ke cï kuɛth ku mɛc piny dïït lääuwic në tuŋ ëbɛ̈n.

Yith 33:17 ပူးပေါင်းရင်းမြစ်များ

2 Lëk 32:23

Go kɔc juëc lɔ Jeruthalem ke ke yïn miɔ̈c Bɛ̈nydït, ku gëmkï miɔ̈c kɔ̈k melik Ɣedhekia, gɔl ëtɛ̈ɛ̈n juöör ëbɛ̈n acïk Ɣedhekia bɛ̈n riëëu guöp.

Jop 19:27

Abä tïŋ yɛn guöpdï në nyïïnkï, ku acïï bï aa Raan lei tëde yɛn, ku yɛn ë dak në tiët tiɛɛt ɛn ë kaamë.

Diɛt 31:8

Yïn kën ɛn päl kɔc ke aterdï bïk a peec, Yïn cï ya gäm nɔm lääu bän lɔ të kaar.

Diɛt 45:2

Yïn ee raan töŋ piɛth në mïth ke kɔc yiic. Ku yïn cï tɔc thok në dhuëëŋ. Në baŋ cï ë Nhialic Yï thieei aɣet athɛɛr.

Diɛt ke 5:10

Monydiën nhiaar ee dhuŋ läk ku aril, anu pei në aguum kathiëër yiic (10,000).

Yith 24:23

Pɛɛi abï nyin cuɔl, ku akɔ̈l acï bï bɛ ruɛl, në luɔi bï Bɛ̈nydït de rɛm aa melik. Abï Jeruthalem mac në kuur ë Dhiɔn nɔm, ku röördït abïk dhuëëŋde tïŋ.

Yith 26:15

Bɛ̈nydït Yïn ë jurda kueet, ku tɔ pinyde tɔ dït në tuŋ thook kedhie, ku kënë acï Yïn yiɛ̈n dhuëëŋ.

Yith 33:21

Bɛ̈nydït abï wo nyuöth dhuëëŋde. Wok bï rëër në kiɛɛrdït ku nyïïn ke pïïu dït thook, ku abëël wïïr ke kɔc ke ater acïkï bï aa tem thïn.

Yith 33:22

Tɔŋdɛn biökkï në abëël wïïrken yiic acïnkï thaarden, acïn raan bï jam ë gɛ̈ɛ̈r luɛɛl! Wo bï kajuëc ke rem de tɔŋ de ater tɛ̈k röt, ku abïk juëc aläl ayï ŋɔl abïï tɛ̈k. Bɛ̈nydït guöp yen abï aa meliŋda, abï we mac ë Yen ku gël wook.

Yith 37:1

Na wën aa cï melik Ɣedhekia këdɛn cïk lueel piŋ, go lupɔɔ rɛtiic në dhiënëpiɔ̈u, ku tɛ̈ɛ̈u lupɔɔ ke cuɔl ë yekɔ̈u, ku le Luaŋdït.

Yith 6:5

Aguɔ lueel an, “Acïn aŋäth tɔ̈u ke yɛn! Amawoou në yɛn! Në luɔi ye wël rac bɛ̈n bei në yethok, ku yɛn rɛ̈ɛ̈r wokë kɔc ee wël rac bɛ̈ɛ̈i bei në kethook. Ku yɛn cï Melik, Bɛ̈nydït de rɛm tïŋ në yanyin.”

Dhek 9:17

Piny abï kuöc läk arëët ëtɛ̈ɛ̈n. Rɛɛpke abïk dhuök tɔ ril, ku tɔ mɔ̈u dhueec ril.

Math 17:2

go yeguöp puk aye guöp däŋ ë kenïïm, go nyin lɔ riauriau cït man ë akɔ̈l, ku ɣer lupɔde ëwic cït ɣɛɛrëpiny.

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

Jɔn 14:21

“Raan gam lööŋ cï ke thɔ̈n ɛn, ku muk keek, yen aye raan nhiaar ɛn: ku raan nhiaar ɛn abïï Wäär nhiaar, ku abä nhiaar aya, aguɔ rɔt nyuöth en.”

Jɔn 17:24

“Yïn Wäär, kɔc cï gäm ɛn, yɛn de piɔ̈u luɔi bï kek aa tɔ̈u në yɛn ëtök të nuö yɛn thïn, ke ke bï dhuëëŋdï tïŋ, dhuëëŋ cï gäm ɛn, nɔn cï yïn a nhiaar ɣɔn ŋootë piny ke kënë cak.

2 Kor 4:18

Në luɔi cïï wok ka cï tïŋ ee tak, ee ka kënë tïŋ kek ayok tak: ka cï tïŋ ayek ka ke aköölkë tei, ku ka kënë tïŋ ayek tɔ̈u thɛɛr.

1 Jɔn 3:2

We kɔc nhiaar, wok ee mïth ke Nhialic ënɔɔnë, ku täudan bï wok tɔ̈u rial akën guɔ tïc. Ku aŋicku nɔn bï wo ciët en, kööl bï en tuöl, në tïŋ bï wok e tïŋ täu tɔ̈u en.