Yith 33:15 - JAM DE NHIALIC 2011

¹⁵ Wek duëër pïïr të ya wek yic lueel ku luɔikï. Duökï riɛldun tɔ ye kë math wek kɔc kuanynyïïn ku duökï kumthok ee nööm. Duökï ee mat në kɔc loi kiɛɛr de nääk de raan, ku nɔn loikï karɛc kɔ̈k.

Yith 33:15 ပူးပေါင်းရင်းမြစ်များ

Jop 31:7

Na cï cökkï röt yal wei kueer, ku cï piɔ̈ndï kë cïï nyindï tïŋ biɔɔth, ku ye ciindï kërac looi,

Diɛt 106:3

Thieithieei në kɔc ee yicde döt, kɔc ee piathëpiɔ̈u looi aköölnyïïn.

Diɛt 119:37

Gël yɛn ë luɔi bän yapiɔ̈u wël kërac, tɔ rɔt piath wekë yɛn, cït man cïï yïn gutguut lueel.

Diɛt 15:5

Ku ayek wëu gam ke ke cïï kɔ̈ɔ̈r aŋuëk, ku acïï ke duëërë gäm kumthok, ciɛ̈k en raan cïn guöp awäc thok. Raan ee ka cït ee kake looi kedhie abï aa kony.

Kɛ̈ŋ 1:10

Të meet ë kɔc rac yïn, ke yï du gäm mɛnhdï.

Kɛ̈ŋ 1:15

Du ee cath wekë kɔc cït ee kakë mɛnhdï. Ye rɔt mɛc wei në keek.

Kɛ̈ŋ 10:9

Nɔm lääu ee këde kɔc piɛthpiɔ̈ɔ̈th ku raan ruëëny aye bɛ̈n yök.

Kɛ̈ŋ 15:27

Raan dït piɔ̈u ee kɔc cam, ee baaide yiɛ̈nic awuɔɔu, ku raan man kum thok ee rëër në miɛt ë piɔ̈uwic.

Yith 58:6

“Thɛ̈kdiën kaar kï: nyaaikï kuɛɛt ke yaaŋ ku kuɛɛr ke luɔi rac kedhie, ku takï kɔc yɔŋ lääu nïïm.

Yith 58:8

“Ëtɛ̈ɛ̈n dhuëëŋdï abï riau cï run de piny ë wegup, ku bɔ̈ɔ̈tkun abïk dap waar. Piathëpiɔ̈ndun abï aa tɔ̈u wenïïm tueŋ, ku dhuëëŋ de Bɛ̈nydït abï we gël ë ɣään yiic ëbɛ̈n.

Edhekiɛl 22:13

“Yɛn bï yacin päm kɔckuön ee kɔc rum ku kɔc ee kɔc nɔ̈k.

Malakai 2:6

Aake ye wëët në yith, ku acïn lueth ë yek töör. Aake ye cath në Yɛn apiɛth, ku loikï yith. Agokï kɔc juëc tɔ päl karɛcken.

Kuɛ̈n 16:15

Go Mothe piɔ̈u diu ku lëk Bɛ̈nydït an, “Duk miɔ̈c de ee kɔckë be gam. Acïn kë cä wäc keek, acïn këdɛn cä nööm na cakaa muul akɛ̈n nööm.

Math 26:15

le ku thiëëc keek an, “Bäk a gäm ŋö ke bä lɔ nyiën week?” Gokï wëu giim në yen ëtök, riët kathiërdiäk.

Luk 1:6

Ku piɛthkï piɔ̈ɔ̈th ë Nhialic nɔm keek kaarou, ayek lööŋ ke Bɛ̈nydït döt kedhie, ku dötkï luɔɔide ëbɛ̈n ke cïn gääk bï ke gɔ̈k.

Luk 19:8

Go Dhakayo rɔt jɔt, ku yöök Bɛ̈nydït an, “Tïŋ, Bɛ̈nydït, biäk töŋ de kakï abä yɛn ke kɔc kuanynyïïn miɔɔc, ku na de këde raan däŋ cä nööm në gööny ë lueth, ka bä bɛ cuööt ë ŋuan.”

Romai 2:7

Kɔc kɔɔr dhuëëŋ ku riëëu ku luɔi cïï kek bï dhiap, kɔc ë këpiɛth looi në liɛɛr ë kepiɔ̈ɔ̈th, kek abï gäm pïïr thɛɛr.

Nyöŋ 16:19

Abïk aa kɔc cïï löŋ ee kuöc guiir, ku cïkkï kɔc ee tekiic në kuömden yic, ku acïkï kumthok bï aa nööm, në baŋ ye miɔ̈c kɔc pelnïïm ku kɔc adööt tɔ cɔɔr, ku tɔ keek tɔ guiir löŋ ë kueer rac.

Jakop 5:4

Wɔikï, ariöp de kɔc ee luui kɔc ee duumkun tem, ariöp cäk pɛ̈n keek ë cuëër, amoc kiɛɛu, ago kiɛɛu de kɔc tëm jɔ ɣet ë Bɛ̈nydït yïc, Bɛ̈nydït Awärjäŋ.

1 Jɔn 3:7

Wek mïththiaakäŋ, duökï röt ee tɔ mɛthë raan: raan ee këde piathëpiɔ̈u looi, ka piɛthpiɔ̈u, cït man piɛth en piɔ̈u:

1 Tham 12:3

Ya kï. Na de kë cä wööc, ke we gɔɔny yɛn ë Bɛ̈nydït nɔm ku lɔ melik cï piac lɔc. De weŋ de raan cä nööm ku nɔn ee yen mul? De raan cän këde rum ku nɔn de raan cä yɔŋ? De raan cän kum thok nööm tëde yen? Ku na de ka cä looi në ee kakë yiic, ka abä keek cool tëde yen ka cä nööm.”