Yith 32:6 - JAM DE NHIALIC 2011

⁶ Raan piɔlpiɔ̈u aye guɔ ŋic në jamdɛn ë pialëpiɔ̈u ku täŋ rɛɛc kɔɔr bïï looi. Kë ye looi ku kë lueel ayek awäc tëde Bɛ̈nydït, ku acïï raan nɛ̈k cɔk duëër kɔn gäm këciɛm ku cïï raan nɛ̈k rou tɔ dëk.

Yith 32:6 ပူးပေါင်းရင်းမြစ်များ

Diɛt 141:4

Gël ɛn në kɔ̈ɔ̈r de luɔi rac ku në luɔi cän bï mat wo kɔc rac ë luɔi racic. Në ya cïï mät wo keek ë dhuëŋken yiic.

Kɛ̈ŋ 19:3

Raan piɔl piɔ̈u të cï yen lööny në riäŋdɛn ë looi yic ee agɔ̈th pɔ̈k nɔm Bɛ̈nydït.

Kɛ̈ŋ 24:7

Pɛlënɔm ee këdïït thiëk tëde raan piɔl piɔ̈u, ka ye röördït kiëët acïï keek ë bɛ̈ɛ̈r.

Yith 10:2

Yeka cä wek löŋ de kɔc kuanynyïïn ee ŋiëc guiir, ku pɛ̈nkï ke yicden. Yeka tɔ we nöm kake mïth abɛɛr ku diëër abɛɛr.

Yith 10:6

Yɛn cï Athiriya tooc bïï jur kuc Nhialic lɔ mak, kɔc cï Ya tɔ göth. Acä tooc bïï lɔ yak ku kuël ku dum kɔc yiic cït kë cath ë dhuur nɔm kueer.”

Yith 26:10

Na cakaa nɔn Yïn piɔ̈u kok wekë kɔc ee karɛc looi, acïkï bï kɔn wëët në luɔi de piathëpiɔ̈u. Acakaa piny de kɔc a piɔ̈ɔ̈th wai ayek ŋoot ke ke loi karɛc, ku jiɛikï në luɔi bï kek dïtdu tïŋ.

Yith 3:15

Wek cïn nïïm yic bäk kɔckï duöm piny, ku yaŋkï kɔc kuanynyïïn, ee Yɛn Bɛ̈nydït Awärjäŋ yɛn ajam.”

Yith 31:2

Aŋic kë looi! Ee riääk tuöc kɔc. Ee këdɛn cï lueel looi, bï yen kɔc ee karɛc looi luöi këtuc ayï kɔc ee keek kony.

Yith 59:13

Yïn cuk jäi, ku reecku yïn, ku jiɛiku buk yïn kuany cök. Wok cï kɔc kɔ̈k yɔŋ, ku yiɛlku röt wei në yïcök. Ka yok tak ayek awäc, ku wëlkuɔ ayek lueth.

Yith 59:7

Wek ee kiɛɛr de riääk looi ë ceŋ, ku acïï ë tiit bä looi, ku ayak dap looi. Wek cie gääu ë näŋ de kɔc cïn gup awɛ̈ɛ̈c. Wek ee dhuur ku riääk nyääŋ të cä wek lɔ thïn ëbɛ̈n,

Yith 9:17

Në biäk de ee kënë Bɛ̈nydït acïï wɛ̈ɛ̈t dhuökken bï tɔ poth, ku acïn kokdepiɔ̈u bïï nyuöth mïthkɛn abɛɛr ku diëër abɛɛr, në biäk cïï kɔc kedhie Nhialic kuc ku yek karɛc looi, raan ëbɛ̈n ee jamde pialëpiɔ̈u bɛ̈ɛ̈i bei në yethok. Cakaa yen ë tɔ̈u aya, agönh de Bɛ̈nydït abï ŋoot ke cïï thök, ku ciinde abï ŋoot ke nu biic ke kɔɔr bï këtuc looi.

Jeremia 13:23

Duëër raan ë Kuc kïn de yen guöp waar, duëër kuac kïtke nyaai? Na lëukï, ke week wek kɔc ee karɛc looi, wek duëër yith ŋic ë luɔi.

Edhekiɛl 34:18

Kɔc kɔ̈k ë wek yiic, akënkï piɔ̈ɔ̈th röŋ në cäm de wal piɛth, wek ee wal kënkï cam dum yiic në wecök! Wek ee pïïu lɔ nyïïn top dek, ku dhuöthkï ka kɛ̈nkï keek dek në tiɔ̈k!

Danyel 12:10

Kɔc juëc abï keek tɔ dikëdik, ku wak keek, ku gii keek, ku kɔc ee karɛc looi abïk ŋoot ke ke loi karɛc. Kɔc ee karɛc looi acïkï bï yökic, ee kɔc pelnïïm kapäc kek bï ye yökic.”

Amoth 8:6

Ke wo bï kɔc kuanynyïïn ɣɔɔc në ateek, ku ɣɔcku kɔc cïn käŋ në kuën ë war ke cök, ku buk agamɔdan cïï piɛthë yɔ̈k ɣööc piɛth.

Math 15:19

Kak ee bɛ̈n bei ë raan piɔ̈u kï, karɛc ee raan ke tak, näŋ de raan, kɔ̈ɔ̈r ë diëër lei, dhööm, kuël, ciëkë thok, lɛ̈ɛ̈t rac.

Math 23:13

“Amawoou në week, wek kɔc ë löŋ gɔ̈ɔ̈r ku Parithai, kɔc de yäc aguk! Wek ë kɔc guöör biic ë Ciɛɛŋ de paannhial, wegup wek cie lɔ thïn, ku kɔc kɔɔr lɔ thïn acäkï ke ye päl lɔ thïn ayadäŋ.

Jakop 1:27

Riëëu de Nhialic kï, riëëu lɔ yic wai, ku cïnic tënhiany ë Nhialic Wääda nɔm an: Nɛ̈m ee raan abɛɛr ku diëër cïn nïïm röör neem në këdɛn tuc dhal keek, ku luɔi ee raan rɔt ŋiëc muk ke cïn piɔ̈u tëcol ë bïïyë ka ke piny nɔm.

1 Tham 24:13

Cït man cï kääŋ ɣɔn thɛɛr ye lueel an, ‘Kɔc rac piɔ̈ɔ̈th, ee kek ee karɛc looi.’ Ka yɛn cïï yaciin bï tääu në yïguöp.