Yith 32:14 - JAM DE NHIALIC 2011

¹⁴ Acakaa ɣöndït abï nyääŋ piny, ku pänydït abï yic ciɛ̈n raan taitai. Ɣööt ku ɣään cï gël abïk nu në riääkic aɣet athɛɛr. Mul roor abïk aa cath ëtɛ̈ɛ̈n, ku thök abïk aa nyuäth ëtɛ̈ɛ̈n.

Yith 32:14 ပူးပေါင်းရင်းမြစ်များ

2 Mel 25:9

Go Luaŋdït ɣɔ̈k mac, ku ɣön ë melik ku ɣööt ke Jeruthalem ëbɛ̈n, ɣön dït ëbɛ̈n acï nyuɔp piny.

2 Lëk 33:14

Na wën ee kake cök, go Manatha kal de pänydït de Debid të le aköl athɛ̈i ŋuak nɔm nhial ago bɛ̈ɛ̈r, ë tuŋ biäk nu ë wak thiääk ke nyin de Giɣon të lɔ rut biäk lɔ të lɔ kal Thoŋ de Rɛ̈c, në pänydït biäk cɔl Opɛl. Ku acï bɛ̈ny ë rem de tɔŋ tääu në rem de tɔŋ juëc nɔm, në pɛ̈ɛ̈nydït ke Juda cï gël yiic kedhie.

Neɣe 3:26

ku kënë athiääk ke wut biäk cɔl Opɛl të lɔ aköl amiäk ye kɔc lui në Luaŋdït cieŋ ke thiäk kekë alooc bäär.

Diɛt 104:11

Ayek läi roor tɔ yök pïïu, yen ëtɛ̈ɛ̈n yen aye mul roor renden nyaai.

Yith 22:2

Pänydït ëbɛ̈n ade yic anuɔɔn, ë thiäŋ kekë awuɔɔu ku miɛtëpiɔ̈u. Kɔckuön cï thou ee tɔŋë yic, aake cïï thou ke ke thäär.

Yith 24:10

Këriëëc ëbɛ̈n ë nuɔɔn ë pänydït yic, ku kɔc röt thiɔ̈ɔ̈k në ɣöötken yiic, ke cïn kë bï ke yök.

Yith 24:12

Pänydït ë riääk, ku athïïn ke kalde acï ke dhuɔŋ piny.

Yith 25:2

Yïn cï pɛ̈ɛ̈nydït puk ke ke ye dhuur nɔm ku riäk ɣäänkɛn cï gël. Ɣään ë yïk ë kɔckuɔn ke ater keek acï jäl aɣet athɛɛr.

Yith 27:10

Pänydït cï gël adhɔt piny ke cï riääk. Acï nyääŋ piny cï jɔ̈ɔ̈r. Acï aa të ye ɣɔ̈k nyuäth thïn, të ye kek lɔ̈ŋ ku ciëmkï në wal.

Yith 3:26

Dhuöör ku dhiëëu abï nu wutic cil, ku wut guöpde abï ciët tiiŋ cï nyuc piny, ke cï yɔ̈ɔ̈t kɔ̈u bei.

Yith 5:9

Yɛn cï Bɛ̈nydït de rɛm piŋ ke lueel an, “Ɣön dït läk ëbɛ̈n abïk yiic ciën kɔc, ku abïk dhɔt piny ke ke cï riääk.

Yith 6:11

Na wën ke lɛ̈k ɛn an, “Agut cï nɛn Bɛ̈nydït, yen bï ee kënë tɔ̈u aya?” Go bɛ̈ɛ̈r an, “Agut të bïï pɛ̈ɛ̈nydït riɔ̈ɔ̈k ku cïn raan dɔ̈ŋ thïn, ku cïn raan rɛ̈ɛ̈r ë ɣööt yiic, ku riääk piny ku päl piny.

Yith 7:23

“Ku në aköölkë të ye dom ë tiim piɛth luɔk në agum de tim ëbɛ̈n, ku ye tim ëbɛ̈n agum de atek yök, abï döŋ ke ye të bïï roor rɔt jɔt thïn ku kuɔɔth.

Jeremia 14:6

Ku mul roor ayek kɔ̈ɔ̈c ë kur kor nïïm, ku jɔkï aa wëi nhial cï kɔ̈ɔ̈rgɔl, acïkï ee bɛ daai në biäk de ciën këcam.

Jeremia 33:4

Yɛn Bɛ̈nydït Nhialic de Yithriɛl, aya lueel an ɣööt ke Jeruthalem ku ɣön de bääny de Juda abïï ke jäp piny në biäk cï ë keek gɛɛu cil ku mɛk.

Jeremia 52:27

tɔ̈u piny de Ɣamath. Ku acï ë melik keek bɛ̈n tɔ dui ëtɛ̈ɛ̈n, ku tɔ keek näk. Ago kɔc ke Juda jɔ peec pinyden ku leer ë keek piny lei.

Jeremia 6:5

Abuk mak wakɔ̈u, wok bïï ɣään cï gël ke pänydït riɔ̈ɔ̈k.”

Ɣodh 2:3

Na le ye cuök päl, abä yɔ̈ɔ̈t kɔ̈u bei në lupɔɔ, ka abï cath në yekɔ̈u cït man ɣɔn dhiëëthë yen. Abä tɔ cït jɔ̈ɔ̈r cïn yic pïïu, ku ta nɛ̈k ë rou.

Maika 3:12

Ku në biäkdun yen abï ë Dhiɔn geer yic cït man de dom, ku Jeruthalem abï ya kuut de dhuur, ku Luaŋdït abï lɔ̈ɔ̈k aa roor.

Dhep 2:15

Yen kë ee rɔt looi ka tëde kɔc ee kenïïm ɣääc në riɛlden kapäc, ku yek tak an rëërkï në mätic, ayek ŋic an pänydïïtden, ee yen adït ë pinynɔm, ku yen abï ja aa wun cï riääk cieŋ ë läi roor! Ku raan ëbɛ̈n ee tëëk ë ye këc abïï aa geet ku lɛt ë yeciin.

Dhep 2:7

Kɔc ke Juda cï döŋ apïr abïk pinydun dɔm. Yen bï kek ɣɔ̈k aa nyuääth thïn, ëlë thëën ke ke lɔ tɔ̈c në ɣööt ke Acekelon yiic. Bɛ̈nydït Nhialicden abï bɛ tɔ̈u ke keek, ku puk kenïïm athiɛɛiden.

Luk 21:20

“Ku na tiëŋkï Jeruthalem acï tuɔɔk ë rɛm ke tɔŋ, ke jakï ŋic nɔn cï riääkde thiɔ̈k.

Luk 21:24

Ku abï ke nɔ̈k ë abätäu, ku pec ke leerëke ë Juöör yiic ëbɛ̈n: ku Jeruthalem abï käcic ë Juöör, a thöökë run ke Juöör.