Yith 31:5 - JAM DE NHIALIC 2011

⁵ Bɛ̈nydït de rɛm abï göör ë Jeruthalem nɔm ke gël cït man ye dit göör ë mïthke kɔ̈ɔ̈th ke ke gël.”

Yith 31:5 ပူးပေါင်းရင်းမြစ်များ

Cäk 1:2

Ku piny acï nuɔɔn, ku acïn kë ë nu thïn ee piëëu kapäc. Ku mɔ̈ɔ̈th dïït lɔcɔ̈t acï piëëu paat piny, ku wëi ke Nhialic aake ye cath në pïïu nïïm.

2 Mel 19:34

Yɛn bï ee pänydïïtë kony ku gɛ̈l, në biäk de dhuëëŋ, ku në biäk de thön cä gäm lïmdï Debid.”

2 Lëk 32:22

Yen ee kueerë yen aa kony ë Bɛ̈nydït melik Ɣedhekia kekë Jeruthalem në riɛl ë Thenakerip melik de Athiriya, ku tëde kɔc kɔ̈k de aterde. Ku jɔ kɔc rɛ̈ɛ̈r në mätic në kɔc thiääk ë keek.

Diɛt 37:40

Aye ke kuɔny ku luɛ̈k keek, aye ke kony në kɔc rac, në luɔi ye kek lɔ tëde yen bïï ke gël.

Diɛt 46:5

Nhialic anu ë pänydïïtë yic, ku acïï bï riɔ̈ɔ̈k taitai, aye Nhialic kony miäk adurduur.

Diɛt 46:6

Juöör ayek riɔ̈ɔ̈c ku lɛthë ciɛɛŋ Nhialic ee määr cï deŋ, go piny lëëŋ.

Diɛt 91:4

Abï yï kum ë Yewuök, ku abï yï muk në Yeciin, piathëpiɔ̈nde ee köt ku abï yïn kony.

Bɛ̈n 12:27

Ke lɛ̈kkï keek an, ‘Ee miɔ̈c ë Winythok ye wok Bɛ̈nydït door, në baŋ cï En ɣöötkuɔ winythook ɣɔn piny ë Rip, ku pɛ̈l wook, ku nɛ̈k kɔc ke Rip.’ ” Go kɔc ke Yithriɛl kemiöl tuk ku lɛ̈ŋkï.

Bɛ̈n 19:4

“Acäk tïŋ kë cä luöi kɔc ke Rip Yɛn Bɛ̈nydït. Ku tiëŋkï luɔi cän week ɣääc cït man ye cuɔɔr mïthke ɣääc në ye wuök. Ku luɔi cän week bɛ̈ɛ̈i të nu Yɛnë.

Yith 10:14

Juöör ke piny nɔm aake cït ɣön amɔ̈ɔ̈r, aguɔ kajuëcken guɔ määtiic cït man ë raan mɛ̈ɛ̈t toŋ yiic. Ku cïn raan töŋ cï a tuur, ku acïn thoŋ cï rɔt ŋaam ke rël ɛn!”

Yith 26:1

Ade kööl bɔ̈, kööl bï kɔc dinë kiit piny ë Juda: Pänydïïtda aril! Nhialic guöpde Yen agël kɛ̈lke!

Yith 27:3

“Aya tiit ku piaak anande. Aya gël wakɔ̈u ku aköl ke cïn raan bï ye luöi tëtök.

Yith 35:4

lɛ̈kë raan cï piɔ̈u jiɛth ëbɛ̈n an, “Tɔ rɔt ril ku du riɔ̈c! Bɛ̈nydït abï yïn bɛ̈n luök, abï kɔc ke aterdu bɛ̈n luöi këtuc.”

Yith 37:35

Yɛn bï ee pänydïïtë kony në biäk de dhuëëŋdï ku në biäk de gutguut cä lɛ̈k awundï Debid.’”

Yith 38:6

Ku yïn bä kony wek ee pänydïït ë Jeruthalem në melik de Athiriya, ku gɛ̈l pänydït.”

Dhek 9:14

Ku ëtɛ̈ɛ̈n, Bɛ̈nydït abï tuöl në kɔcke nïïm, abï wiɛth ke moc cït man ë wil de deŋ. Bɛ̈nydït Awärjäŋ abï kaaŋ kooth, abï jäl në amaŋic të lɔ wöuwic.

Dhek 9:8

Yɛn bï pinydï gël apiɛth, ku acïn rem de tɔŋ bï ye bɛ reetic. Kɔckï acä keek bï bɛ tɔ yɔŋ ë raan ananden, abä keek gël në yɛn.

Nyöŋ 32:11

Ku cït man ë cuɔɔr wëët mɛnhde në päär, ku ye kaaŋic në wuökɛn cï peer, Bɛ̈nydït Ee Yithriɛl muk ke cï bï löny.