Yith 31:4 - JAM DE NHIALIC 2011

⁴ Go ë Bɛ̈nydït lɛ̈k ɛn an, “Të cuetë köör thɔ̈k, ku nɔn yen adur ë köör, acï awuɔɔu rël ë tïït ee bɛ̈ɛ̈r, ee lɔ ke cäm ë cämde. Yen acït luɔi bï Bɛ̈nydït de rɛm kuur de Dhiɔn bɛ̈n gël. Acïï bïï riääc abï kat.

Yith 31:4 ပူးပေါင်းရင်းမြစ်များ

2 Lëk 20:15

Go Jaɣadhiel lueel an, “Yïn melik ku wek ke kɔc ke Juda ku Jeruthalem, acïï Bɛ̈nydït lueel nɔn cä wek piɔ̈ɔ̈th bï jiɛth, ku cäkï riɔ̈c bäk lɔ rɔ̈m në ee rem dïïtë. Tɔŋ ee këde Nhialic, acie këdun.

Bɛ̈n 14:14

Acïn kë kɔɔr wegup thïn, Bɛ̈nydït abï tɔŋdun biök ee köölë.”

Bɛ̈n 14:25

Ku riëëk cök ke abëëlkɛn ke tɔŋ, gokï cuök be cath apiɛth. Go kɔc ke Rip lueel an, “Bɛ̈nydït yen agɔ̈m ke wook, yen abiök tɔŋ ë Yithriɛl. Ka wook, wonyku röt eenë.”

Yith 10:16

Abïï Bɛ̈nydït de rɛm keek luöi këtuc ku tuc keek jɔŋ bï rem de tɔŋ cï ŋiëc muk dɔm ëbɛ̈n. Abïï ke dɛ̈ɛ̈p gup në mac ku be ke dɛ̈ɛ̈p gup.

Yith 12:6

Tɔ raan rɛ̈ɛ̈r ë Dhiɔn ëbɛ̈n moc kiɛɛu ku kët an! Nhialic Ɣeric de Yithriɛl adït, ku arɛ̈ɛ̈r ë kɔcke yiic.”

Yith 30:30

Bɛ̈nydït abï röl ë dhuëëŋde tɔ piŋ ë raan ëbɛ̈n ku tɔ yök rac de agönhde. Abï dɛ lɔ̈k de mac, ku luändïït adur, ku rel ë deŋ, ku deŋ ë kɔɔi.

Yith 30:32

Të ye Bɛ̈nydït ke yup ku be ke yup, kɔcke abïk lɔ ke ke koth kɛŋ ku thoom ku gutkï lɔ̈r. Nhialic guöpde abï thɔ̈ɔ̈r kekë kɔc ke Athiriya.

Yith 42:13

Bɛ̈nydït ee lɔ biic ke lɔ piɔ̈t cït rem ë tɔŋ, acï rɔt guiir ke de piɔ̈u tɔŋ. Ee dhiën ë tɔŋ gam ku looi awuɔɔu de tɔŋ, ee riɛlde nyuöth kɔc ke aterde.

Jeremia 50:44

“Yɛn Bɛ̈nydït Awärjäŋ, Yɛn bï bɛ̈n ku ta kɔc ke Babilonia tɔ kɔt ëthiäu në pɛ̈ɛ̈nydïtken yiic, cït man ë köör bɔ̈ bei ë roor lɔ dïu ë Jordan yɔu, köör lɔ piny de yic wal tɔ̈c. Ku bɛ̈ny bä lɔc abï jur kuum. Eeŋa bïï thɔ̈ɔ̈ŋ ke Yɛn? Eeŋa duëër Yɛn guääk? Ee bɛ̈ny cɔl ŋa duëër teer ke Yɛn?

Ɣodh 11:10

Abïk Bɛ̈nydït kuany cök, cït man ye köör mïthke cɔɔl në kiɛɛu. Të le yen cööt, mïthke abïk aa bɛ̈n në riëëu të lɔ aköl athɛ̈i.

Amoth 3:8

Të cïï köör ŋäär eeŋa cïï duëër riɔ̈ɔ̈c? Të cïï Bɛ̈nydït Nhialic jam, eeŋa duëër mim ke cïï jamde lueel?

Dhek 12:8

Ku në ee köölë Bɛ̈nydït abï köt tääu ë Jeruthalem yɔu gël en kɔc ceŋ en, ayï kɔc kɔ̈c në keyiic, abïk riɛl cït man ɣɔn ril ë Debid. Abï käu de Debid ke wat cït man ë tunynhial ë Bɛ̈nydït, ku cït Nhialic guöpde.

Dhek 14:3

Ku ëtɛ̈ɛ̈n Bɛ̈nydït abï lɔ biic, ku lee thɔ̈ɔ̈r kekë juöörkë, cït man cï en kɔn thɔ̈ɔ̈r në akööl ɣɔn cï wan.

Dhek 2:5

Ku yɛn guöpdï, yɛn abï ya kal ë mac, kë bï ye gël. Ku ee yɛn abï ya dhuëëŋdɛn tɔ̈u yeyic thïn. Yen kë cï Bɛ̈nydït lueel ka.

Dhek 9:15

Bɛ̈nydït de rɛm abï kɔcke gël, ka abïk kɔc ke ater riɔ̈ɔ̈k. Abïk aa kïïu tɔŋ cï ka cï mɔ̈u wit, ku lëukï kɔc ke ater riɛm, riɛm bï kuëër cït man ye riɛm de miɔ̈c näk wɛt piny në yïk nɔm.

Dhek 9:8

Yɛn bï pinydï gël apiɛth, ku acïn rem de tɔŋ bï ye bɛ reetic. Kɔckï acä keek bï bɛ tɔ yɔŋ ë raan ananden, abä keek gël në yɛn.

Nyuuth 10:3

ku cööt ë röl dït, acït man ë köör të kiiu en: na wën, aacï cööt, ke deŋ määr raandhorou.

Nyuuth 5:5

Na wën, ke ya yöökë raan tök ë röördït yiic, an, “Du dhiau: tïŋ, Köör ë dhiën ë Juda, ee Meei de Debid, acï tiam, në liëm bïï en awerek liep ku në kuëŋ bï en adɔ̈k kadhorou kuek.”