Yith 31:2 - JAM DE NHIALIC 2011

² Aŋic kë looi! Ee riääk tuöc kɔc. Ee këdɛn cï lueel looi, bï yen kɔc ee karɛc looi luöi këtuc ayï kɔc ee keek kony.

Yith 31:2 ပူးပေါင်းရင်းမြစ်များ

Jop 12:13

Ku jɔ Nhialic dɛk pɛlënɔm ku riɛl ku tiëër ë nɔm ku yöŋ de käŋiic.

Jop 12:16

Ade nɔm riɛl ku pɛlënɔm, Raan cï math ku raan ee kɔc math anukï në Yecin.

Jop 5:13

Yen ee kɔc ee rɔt tɔ ye ka pel nïïm dɔm në dɛ̈pdenic, ke kïïtdɛn ë ruëëny bïï dap tɔ kääc.

Yith 1:4

Amawoou në week, jur ee karɛc looi, kɔc ɣɛ̈ɛ̈c awɛ̈ɛ̈c thiek! Mïth ke kɔc ee karɛc looi! Wek cï Bɛ̈nydït rɛɛc, Nhialic Ɣeric de Yithriɛl ku wɛ̈lkï wekɔ̈ɔ̈th En.

Yith 14:20

Në luɔi cïï yïn wundu riɔ̈ɔ̈k ku näk kɔcku, yïn cïï bï tɔ̈ɔ̈u cït man ë meliik kɔ̈k. Acïn raan töŋ de kɔc rac ke ɣöndu thok bï döŋ ke pïïr.

Yith 21:17

Kɔc ke dhɛ̈ŋ kek aye jööt ke Kedar, ku ee kɔc liiakäŋ kek abï döŋ apïïr. Acïï lueel Yɛn Bɛ̈nydït Nhialic de Yithriɛl.”

Yith 22:14

Acïï Bɛ̈nydït de rɛm guöpde lɛ̈k ɛn lueel an, “Kërɛɛcë acïï bïï päl keek në pïïrden yic ëbɛ̈n. Acä lueel Yɛn Bɛ̈nydït Nhialic de rɛm.”

Yith 28:21

Bɛ̈nydït abï thɔ̈ɔ̈r cït man ɣɔn thɛ̈ɛ̈r en në kuur ë Peradhim ku në wak ë Gibiɔn yic, në luɔi de yen këdɛn kɔɔr bïï looi, cakaa nɔn dhɛl ë këde kɔc. Abï këde dhil thöl ë luɔi, yen luɔidɛn cï moony.

Yith 28:29

Pɛlënɔmë ëbɛ̈n aa bɔ̈ tëde Bɛ̈nydït de rɛm. Kiɛɛr ye Nhialic looi ayek kake pɛlënɔm, ku ayek tiam ananden.

Yith 30:3

Ku melik de Rip abï nɔm ciën riɛl kony en ke, ku kuɔɔny de Rip abï thök në riääk.

Yith 30:7

Kuɔɔny ye Rip gam acïn naamde. Ka Rip acä cäk an, ‘Ŋuäl cïn kë lëu.”’

Yith 31:3

Kɔc ke Rip acïkï ee yiëth, ayek kɔc tei. Ku jöŋgöörken acïnkï riɛl bɔ̈ nhial. Të le Bɛ̈nydït lɔ lui, ke jur ril abï kuɛɛm, ku jur kɔ̈c ye kony abï wïïk. Keek kedhie abï keek riɔ̈ɔ̈k.

Yith 32:6

Raan piɔlpiɔ̈u aye guɔ ŋic në jamdɛn ë pialëpiɔ̈u ku täŋ rɛɛc kɔɔr bïï looi. Kë ye looi ku kë lueel ayek awäc tëde Bɛ̈nydït, ku acïï raan nɛ̈k cɔk duëër kɔn gäm këciɛm ku cïï raan nɛ̈k rou tɔ dëk.

Yith 45:7

Yɛn aa cak ɣɛɛr ke mɔ̈ɔ̈th, Yɛn ë athiɛɛi ku dhiëëu bɛ̈ɛ̈i. Ee Yɛn Bɛ̈nydït, yɛn ë loi ee kakë kedhie.

Yith 9:17

Në biäk de ee kënë Bɛ̈nydït acïï wɛ̈ɛ̈t dhuökken bï tɔ poth, ku acïn kokdepiɔ̈u bïï nyuöth mïthkɛn abɛɛr ku diëër abɛɛr, në biäk cïï kɔc kedhie Nhialic kuc ku yek karɛc looi, raan ëbɛ̈n ee jamde pialëpiɔ̈u bɛ̈ɛ̈i bei në yethok. Cakaa yen ë tɔ̈u aya, agönh de Bɛ̈nydït abï ŋoot ke cïï thök, ku ciinde abï ŋoot ke nu biic ke kɔɔr bï këtuc looi.

Jeremia 10:12

Bɛ̈nydït aa loi piny ë riɛlde, ku ciɛk piny nɔm ë pɛlënɔmde, ku thieth tënhial.

Jeremia 10:7

Eeŋa cïï yïn duëër riëëu, yïn ee melik de juöör ëbɛ̈n? Yïn rɔ̈ŋ we riëëu. Acïn raan cït Yïn, në kɔc pelnïïm ke juöör ëbɛ̈n, ku nɔn ee meliikken yiic ëbɛ̈n.

Jeremia 36:32

Aguɔ awerek däŋ nööm ku gäm Baruk raandiën ee gär, go këriëëc cä lɛ̈k en ëbɛ̈n gäär piny. Acï këriëëc ëbɛ̈n ë tɔ̈u në awerek tueŋë yic gɔ̈ɔ̈r, ku mɛt wël kɔ̈k cït ee kakë thïn, wël cä lɛ̈k yen.

Edhekiɛl 29:6

Ëtɛ̈ɛ̈n abïï kɔc ke Rip jɔ ŋic kedhie nɔn ee yɛn Bɛ̈nydït.” Aye Bɛ̈nydït lueel an, “Baai de Yithriɛl ayek röt kan në week, wek kɔc ke Rip në biäk de kuɔɔny, ku wek cïï ŋuän në thieny kɔ̈c.

Amoth 3:6

Të cïï kaaŋ de tɔŋ kooth, cïï kɔc ke pänydït ee päu? Duëër pänydït riääk, ke cie Bɛ̈nydït Yen ee yen bɛ̈ɛ̈i?

Dhep 3:8

Aye Bɛ̈nydït lueel an, “Kääckï, tiɛtkï kööl bän rɔt jɔt, ke Ya ye cäätɔ gɔɔny juöör, acä dhel ë Yapiɔ̈u luɔi bän juöör ku lɔ ciɛɛŋ ke pinynɔm määtic, ke ke bä tɔ yök tuöc ë thok de agönhdï. Pinynɔm ëbɛ̈n abï riɔ̈ɔ̈k në many de agönhdï.

Dhek 1:6

Yɛn aacï awuutkï tït tɔ jäny kuarkun, ku yöökkï keek. Agokï jamden dhɔ̈lic, gokï këtuc yök. Gokï kërɛɛcden puɔ̈l ku gamkï yɛn luelkï an, ‘Bɛ̈nydït de rɛm ë wo luöi këtuc, kë rɔ̈ŋ ke keek, cït man ë kë kɔɔr në yapiɔ̈u.’

Kuɛ̈n 10:35

Ku të cï athänduk jäl, aaye Mothe lueel an, “Jɔt rɔt Bɛ̈nydït ku thiäi kɔc de wek ater, ku cop kɔc göth në yïn.

Kuɛ̈n 23:19

Nhialic acïï lueth ee töör, acie raan. Ku cïï yenɔm ee waar cït man ë raan. Ke cï than ee rɔt tiiŋ, ku ke cï lueel, ee rɔt looi.

Math 24:35

Tënhial abï nyai ayï piny, ku wëlkï acïkï bï nyai ananden.

Romai 16:27

Nhialic de nɔm pɛl, yen etök, ë ye tɔ̈u ke dhuëëŋ aɣet athɛɛr në Yecu Kërtho. Amiin.

Jocua 23:15

Cït man cïï thön piɛth kiith wään cïï Bɛ̈nydït Nhialicdun than tiiŋ kedhie, yen luɔi bïï këriëëc kɔ̈k cï lueel ëbɛ̈n ŋoot ke ke tiiŋ röt ka aya. Acï lueel aa bï we tɔ yök ë riääkdït në ee piny piɛɛth cï gäm weekë.

Juda 1:25

Nhialic pelnɔm, cïn Nhialic ee kek rou, ku ye Konydan ë wëi në Yecu Kërtho Bɛ̈nydïïtda, ë dhuëëŋ ë ye tɔ̈u ke yen, ku dït, ku riɛl, ku bɛ̈ɛ̈ny, ɣɔn thɛɛr ya ayï ënɔɔnë, aɣet athɛɛr ya. Amiin.

1 Tham 2:3

Du ee cool ë jam ke yï leec rɔt, ayï jam ee yïn jam ke yï ɣɛ̈ɛ̈c yïnɔm. Në luɔi ŋic ë Bɛ̈nydït Nhialic këriëëc ëbɛ̈n, ku Bɛ̈nydït ee këriëëc ye raan ëbɛ̈n looi them.