Yith 31:1 - JAM DE NHIALIC 2011

¹ Amawoou në kɔc ee lɔ Rip lek kuɔɔny kɔɔr! Ayek rem dïït ë tɔŋ de Rip, ku jöŋgöör, ku abëël tɔŋ ŋɔ̈ɔ̈th. Ku acïkï Bɛ̈nydït ee ŋɔ̈ɔ̈th, Nhialic Ɣeric de Yithriɛl, ku cïkï kuɔɔny thiëc tëde yen.

Yith 31:1 ပူးပေါင်းရင်းမြစ်များ

Cäk 47:17

Agokï ke lɔ bɛ̈ɛ̈i. Go Jothep ke gäm agamɔ ku nööm ɣɔ̈k, ku thök, ku jöŋgöör, ku mul. Go Jothep ɣɔ̈kken nööm kedhie, ku tɔ keek cäm në ee ruöönë yic ëbɛ̈n.

2 Lëk 16:7

Na ɣɔn aköölkë yiic ke Ɣanani monydaai lɔ tëde melik Atha ku lueel an, “Në biäk cïï yïn rɔt kan në melik de Thiriya ku päl nɔn kɛn yïn rɔt në Bɛ̈nydït Nhialicdu, yen kën ë tɔ rem de tɔŋ ë melik de Yithriɛl bän ë yïciin ka.

2 Lëk 16:9

Bɛ̈nydït ee pinynɔm caath ku woi, ke bï riɛl gäm kɔc piɛth piɔ̈ɔ̈th ee yen riëëu. Yïn cï tak cït man ë dhɔ̈n, gɔl ënɔɔnë leer tueŋ, yïn bï tɔ̈u ë tɔɔŋ yiic.

Jop 39:11

Ku duɛ̈ɛ̈rë rɔt kan në riɛldïït de, ku jɔ ŋɔ̈ɔ̈th ke ee yen bï luɔi thieekdu looi?

Diɛt 20:7

Kɔc kɔ̈k ayek abëël ke tɔŋ ŋɔ̈ɔ̈th, ku ŋäth kɔc kɔ̈k jöŋgöörken, ku wok ee riɛl de Bɛ̈nydït Nhialicda ŋɔ̈ɔ̈th.

Yith 10:17

Nhialic, ee ɣɛɛr de Yithriɛl, abï aa mac. Nhialic Ɣeric abï aa lɔ̈k de mac, abï këriëëc nyop ëbɛ̈n në kööl tök, ayï kuɔɔth ku thil.

Yith 2:7

Pinyden acï thiäŋ ke atek ku adhɛ̈p ka kuɛthden acïn guut, ku thiäŋ pinyden ke jöŋgöör ka abëël ke tɔŋ cïï kɔ̈ɔ̈th tɛɛm

Yith 20:5

Kɔc cï aŋäthden tääu në Ethiopia guöp, ku leckï kenïïm në biäk de Rip, abïk gup riɔ̈ɔ̈c ku jäl aŋäthden.

Yith 22:11

Wek cï pul wec ë pänydït thar, ke bï pïïu ee wat ke ke lɔ në awuöl thɛɛr yic aa muk. Ku wek kën këde Nhialic gam, Raan ë kïït ee kënë ɣɔn thɛɛr, ku tɔ ee kënë loi rɔt.

Yith 30:16

Ku acäk tak an bäk ban ë jöŋgöör ŋic riŋ të cop ë kɔc ke aterdun week. Ee yicdun, kat ee yen ee kë bäk looi! Ayak tak an ŋic jöŋgöörkun riŋ aläl, ku kɔc cop week aŋickï riŋ aläldïïtë!

Yith 36:6

Wek ŋäth Rip an bï we kony, ku kënë abï ciët raan thany piny në aguöt, abï dhuɔɔŋ ku riɔ̈l raan ciin. Yen aye luɔi tɔ̈u ë melik de Rip ka kekë raan kɛn rɔt në yen.”

Yith 36:9

We cïï duëër kït në bɛ̈ny töŋ koor de rem de tɔŋ de Athiriya, ku aŋoot ke ŋäth nɔn duɛ̈ɛ̈rë ë Rip we tuöc rem de tɔŋ cath ke jöŋgöör, ku abëël ke tɔŋ.”

Yith 43:15

Yɛn ee Bɛ̈nydït, Nhialicduön ɣeric. Yɛn aa cak yïn, Yithriɛl ku Ya melikdun.”

Yith 5:12

Në dhuëëŋduön ë cämic, wek ee thoom gut ku lɔ̈r ku kuɔthkï aruöör, ku jɔ aa mɔ̈u. Ku kë looi ë Bɛ̈nydït acäkï ee yökic,

Yith 57:9

Wek ee röt yoor në aŋiëërdun ku kake tɔc ku jakï yanhduön Molek lɔ lam. Në luɔi bä wek yanh lamkï yök, wek ee tuc tuɔɔc piny mec ku lɛ̈ɛ̈uwic, ayï paan ë thuɔɔu.

Yith 64:7

Acïn raan töŋ ee rɔt dɔ̈k yïn në lɔ̈ŋ, ku acïn raan ee lɔ tëde yïn ke kɔɔr kuɔɔny. Yïn cï rɔt thiaan në wook, ku nyääŋë wo piny në biäk de awɛ̈ɛ̈ckuɔ.

Yith 9:12

Kɔc ke Thiriya të lɔ aköl amiäk ku Pilithiin të lɔ aköl athɛ̈i, acïk kethook ŋaam bïk Yithriɛl cuääl. Ku kënë aŋoot ke kën agönh ë Bɛ̈nydït tɔ thök, aŋoot ke nu ciin biic ke kɔɔr bï këtuc looi.

Yith 9:13

Kɔc ke Yithriɛl akënkï kepiɔ̈ɔ̈th puk, cakaa nɔn cï Bɛ̈nydït de rɛm ke luöi katuc, akënkï röt pɔ̈k En.

Jeremia 17:5

Aye Bɛ̈nydït lueel an, “Yɛn bï kɔc ee röt yal wei ë yalɔ̈ɔ̈m luöi këtuc, kɔc ee kɔc ŋɔ̈ɔ̈th, ku kɔc ŋäthkï mïth ke kɔc.

Jeremia 2:13

në biäk cïï kɔckï awɛ̈ɛ̈c kaarou looi: acïk röt yal wei tëde Yɛn, Yɛn awaŋ de pïïu piɛth, acïk awuul wec, awuul cï ɣaar cïï pïïu lëu në muk, abïk ciën pïïu ananden.

Jeremia 37:7

bï lɔ lɛ̈k Dhedekia an, “Rem de tɔŋ de Rip anu kueer ke bï yïn bɛ̈n kony, ku abï rɔt pɔ̈k wunden.

Jeremia 42:14

ku luɛlkï an, “Ei, wo lɔ piny ë Rip, të cïï wok tɔŋ bï tïŋ, ku cuku röl de kaaŋ piŋ, ku wok cïï cɔŋ de kuïn bï dɔm, ku wo bï jɔ ceŋ ëtɛ̈ɛ̈n. Ka wek kɔc cï döŋ ë Juda, duökï jam ë Bɛ̈nydït de rɛm, Nhialic de Yithriɛl bï dhil rɛɛc an, ‘Na lok wenïïm lɔ wɛl Rip,

Edhekiɛl 17:15

Ku melik de Juda acï löŋ bɛ̈n rɛɛc, ku tooc kɔcke Rip bïk yen lɔ yiɛ̈n jöŋgöör ku remdïït de tɔŋ. Bïï tiam? Duëër jäl kekë ee kakë? Acïï löŋ cï mac duëër dhoŋ kɔ̈u ku jiël ke cïï luiyë këtuc!

Edhekiɛl 29:16

Baai de Yithriɛl acïï keek bï bɛ ŋɔ̈ɔ̈th në kuɔɔny. Riääk de Rip abï keek aa täk nïïm, ë luɔi yen awäc yen ye kek röt kan në keek. Ëtɛ̈ɛ̈n abïk jɔ ŋic nɔn yan Bɛ̈nydït Nhialic.”

Danyel 9:13

ago wook tɔ luiyë këtuc wään cï lueel ë löŋ de Mothe yic ëbɛ̈n. Ku na cakaa ënɔɔnë, Bɛ̈nydït Nhialicda, akënku them buk yïn tɔ mit piɔ̈u në päl pɛ̈l wok karɛckuɔ ku kuɛnyku yithku cök.

Ɣodh 11:5

“Cïkï kenïïm bï bɛ puɔ̈k ë lïïmic, cït man wään në Rip? Cïï Athiriya keek bï cieŋ? Në biäk cï kek puŋ de piɔ̈u rɛɛc.

Ɣodh 11:9

Agönhdï acä päl piny ë määth, Yɛn cïï Eparaim bï bɛ riɔ̈ɔ̈k taitai. Në biäk yan Nhialic, Yɛn cie raan. Yɛn ee Töŋ Ɣeric në weyiic. Yɛn cï bï bɛ̈n tëde week, ke Ya göth.

Ɣodh 14:3

Athiriya acïï wook duëër kɔn luök taitai. Ku wok cï bï bɛ kɛɛc në jöŋgöör ke tɔŋ kɔ̈ɔ̈th. Ku acuku bï bɛ nyɔk ë lëk wok en yiëthkuɔn ë loiku keek në wocin, an wek ee Nhialicda. Në baŋ ye abaar kokëpiɔ̈u yök tëde Yïn.

Ɣodh 7:7

“Ayek bänyken nɔ̈k, ku meliikken ayek wïïk kedhie ë cieŋ, ku acïn raan töŋ cï Ya cɔɔl në keyiic.

Ɣabakuk 1:12

Bɛ̈nydït Yïn ee Nhialicda, tɔ̈u aɣet athɛɛr. Yïn ee Raan Ɣeric e wo gël, Yïn cï Babilon lɔc ku tɔ ke ril bïk wo luöi këtuc.

Ɣabakuk 3:3

Nhialic aa nyɔk bɛ̈n në Teman, Nhialic ɣeric abɔ̈ në kur ke Paran nïïm. Ka dhuëëŋde ë dït, të nhial ku piny ë thiäŋ ke lɛc de.

Dhek 10:5

Kɔc ke Juda abïk aa tiam cït man ë rem de tɔŋ, ku dumkï kɔckɛn ke ater piny ë tiɔɔm de kuɛɛr yiic. Abïk rem de tɔŋ ë jöŋgöör aa tiaam, në baŋ tɔ̈u ë Bɛ̈nydït ke keek.

Nyöŋ 17:16

Ku melik acïï nɔm bï dɛ jöŋgöör juëc, jöŋgöör ke remdɛn ë tɔŋ, ku acïï kɔc bï dhil aa tuɔɔc Rip lek jöŋgöör ɣɔɔc, në biäk cïï Bɛ̈nydït Ye lueel an, kɔckï ë ke cïï kenïïm be pɔ̈k Rip.

Nyöŋ 20:1

Go Mothe lueel an, “Të la wek biic, lak thɔ̈ɔ̈r në kɔc ke aterdun, ku lak abëël ke tɔŋ tïŋ, jöŋgöör ku remdïït de tɔŋ wär week në juëc, duökï riɔ̈c në keek, Bɛ̈nydït Nhialicdun Raan wään luäk week në Rip, abï tɔ̈u ke week.