Yith 30:33 - JAM DE NHIALIC 2011

³³ Ɣɔn thɛɛr ade të cï kiëët bï gök de mac dëp thïn bï melik de Athiriya nyop. Athuth ku alääuwic, ku acï thɔ̈ɔ̈ŋ në wal ku tiim juëc. Bɛ̈nydït abï wëi në nyïïn ke mac bï ye ɣaak.

Yith 30:33 ပူးပေါင်းရင်းမြစ်များ

Cäk 19:24

Ago Bɛ̈nydït many de thulpuur dap guɔ wäl Thɔdom kekë Gomoora ëthiäu.

2 Mel 23:10

Go melik yïïŋ de Topeth tɔ nhiany, ɣɔn nu ë Wak de wɛ̈ɛ̈t ke Ɣinomic, ke cïn raan bï wënde ku nɔn ee nyande be lɔ gam ke ye miɔ̈c nyupë yanh cɔl Molek.

Jop 4:9

Wëi ë Nhialic ee ke nɔ̈k, ku yom de agönhde ee ke riɔ̈ɔ̈r nyïïn.

Yith 10:17

Nhialic, ee ɣɛɛr de Yithriɛl, abï aa mac. Nhialic Ɣeric abï aa lɔ̈k de mac, abï këriëëc nyop ëbɛ̈n në kööl tök, ayï kuɔɔth ku thil.

Yith 11:4

abï löŋ de kɔc kuanynyïïn guiir ë piathëpiɔ̈u, ku ee yic de kɔc cïn nïïm riɛl kuöny keek. Në kë cï lueel abï kɔc tɔ luɔiyë këtuc, ku kɔc ee karɛc looi abïk thou.

Yith 31:9

Melikden abï kat në riɔ̈ɔ̈c dït, ku bänykɛn ke tɔŋ abïk riɔ̈ɔ̈c arëët, ka abïk beerdɛn ë tɔŋ nyääŋ piny.” Acïï Bɛ̈nydït lueel, Bɛ̈nydït ye lam në Jeruthalem, ku ye manydɛn de miɔ̈c näk dëp ë Dhiɔn.

Yith 33:14

Kɔc ke Dhiɔn ee karɛc looi alɛth ë riɔ̈ɔ̈c keek. Ayek lueel an, “Guiëër de löŋ de Nhialic acït many dɛ̈p aɣet athɛɛr. Duëër dɛ raan bï poth në many cït ee kënë?”

Yith 34:9

Kiɛɛr ke Edom abïk röt puk ke ke ye anyam col, ku piny abï dëp ë many de thulpur. Ku baai ëbɛ̈n abï dëp cït anyam col.

Yith 37:38

Na ɣɔn ë kööl tök aa läŋ yanhdɛn Nithrok luaŋdɛn yaath, go wɛ̈ɛ̈tke kaarou Adramelek ku Caredher ye nɔ̈k në abätɛ̈ɛ̈u, ku kuɛlkï röt ke ke lɔ piny de Ararat, go wëndɛn dït cɔl Etharɣadon lɔ në nyinde yic ke ye melik.

Yith 66:15

Bɛ̈nydït abï bɛ̈n ke mac. Abï bɛ̈n në wuök ke amaŋ kɔ̈ɔ̈th, bïï kɔc göth e yen bɛ̈n luöi këtuc.

Jeremia 19:6

Ka ënɔɔnë akööl abïk bɛ̈n, akööl cïï ee tënë bï bɛ aa cɔl Topeth ku nɔn ee wak de Ɣinom. Abïï cɔl Wak de Tëm de Röl.

Jeremia 4:4

Mɔ̈kkï mändun në Yɛn Bɛ̈nydïtdun, ku gämkï röt Ɛn, wek kɔc ke Juda ku Jeruthalem. Na cäk ye lɔ looi ke agönhdï abï dëp cït mac në biäk de awɛ̈ɛ̈c cäk looi, abï dëp ku abï ciën raan liiu en.”

Edhekiɛl 21:31

Wek bï agönhdï yök, të la yɛn en pɔ̈l ke lääuwic në yïguöp cït many dɛ̈p. Wek bä gäm kɔc rac, kɔc ŋic riääk de käŋ.

Danyel 11:36

“Ku melik de Thiriya abï lui cït man ë kë kɔɔr ë piɔ̈nde. Abï rɔt leec nɔn dïït en ë yiëth kɔ̈k awär Nhialic dït aya. Abï rɔt lɛɛc aya agut kööl bï Nhialic yen luöi këtuc. Ku Nhialic abï këdɛn cï kiëët looi ëdhöc tëde.

Danyel 7:10

ku nyin ë mac awët bei ë yeyic. Ade aguum ke kɔc juëc ëtɛ̈ɛ̈n, kɔc luui yen, ku aguum juëc ke kɔc cïï lëu në kuɛ̈n akɛ̈ɛ̈ckï në yenɔm. Ku jɔ luk luɔide gɔl, ku awereek acï keek pet yiic.

Math 25:41

Na ëlë, ka bï kɔc yɔ̈ɔ̈k aya kɔc nu ë baŋ cam an, ‘Jälkï të nuö yɛn, wek kɔc de gup aciɛɛn, lakï mɛɛc, many ë dëp athɛɛr, many cï looi në këde jɔŋdït rac kekë tuucke!

Math 4:22

gokï abël dap pɔ̈l ënɔnthiinë.

Nyöŋ 4:24

në biäk cït ë Bɛ̈nydït Nhialicdun lɔ̈k de mac, acïï kë tɛɛr ke Yen ee pɔ̈l.

Ɣeberuu 13:8

Yecu Kërtho acïï rɔt ee waar, atɔ̈u ë täude anande, aa nu ɣɔn thɛɛr, ku ee köölë, ku abï nu aɣet athɛɛr.

1 Pet 1:8

Ee raan nhiaar, na cakaa yen ë kɛ̈nkï tïŋ: ku ye raan cäk gam, na cakaa yen ë cäkï woi guöp ënɔɔnë, aguɔkï piɔ̈ɔ̈th miɛt në miɛt cïï themë thok, ku de yic dhuëëŋ dït,

Juda 1:4

Luɔi de en kɔc kɔ̈k cï bɛ̈n thïn ëcuëër, kɔc cï kɔn meek ɣɔn thɛɛr, bïk këdɛn tucë yök, kɔc reec Nhialic riëëu, ku yek dhuëëŋ de Nhialicda piɔ̈u puk tɔkï ye këde dhööm, ku reeckï Bɛ̈nydïït töŋ nu ë wonïïm, Bɛ̈nydan Yecu Kërtho.