Yith 30:31 - JAM DE NHIALIC 2011

³¹ Kɔc ke Athiriya abïk riɔ̈ɔ̈c arëët, të le kek röl ë Bɛ̈nydït piŋ, ku yökkï tuöc de këtuc looi ë Bɛ̈nydït.

Yith 30:31 ပူးပေါင်းရင်းမြစ်များ

Diɛt 125:5

Ku të lui yïn kɔc rac këtuc luöiyë këtuc kɔc ee lööŋku rɛɛc aya. Mät abï tɔ̈u ke Yithriɛl.

Yith 10:12

Ku acïï bɛ̈nydït lueel an, “Të cän kë luɔi thöl në kuur ë Dhiɔn kekë Jeruthalem, Yɛn bï melik de Athiriya luöi këtuc, në biäk yen ë nɔm ɣääc ku leec rɔt.”

Yith 10:15

Ku aye Bɛ̈nydït lueel an, “Duëër yiëp yenɔm lɛc an dïït në raan ee yep ë yen? Ku duëër yiëp dɛ naamde në raan ee luui në yen? Thieec acïï raan ee jat nhial, ee raan yen ee thieec jat nhial.”

Yith 10:24

Acï Bɛ̈nydït de rɛm lɛ̈k kɔckɛn rɛ̈ɛ̈r në Dhiɔn an, “Duökï riɔ̈c në kɔc ke Athiriya, acakaa kek ë yɔŋ week cït man cïï ë kɔc ke Rip week yɔŋ.

Yith 10:26

Yɛn Bɛ̈nydït de rɛm, abä ke dui në thienydï cït man ɣɔn duöi Yɛn kɔc ke Midian në kuur ë Orep thar. Yɛn bï kɔc ke Athiriya luöi këtuc cït man wään cän kɔc ke Rip luöi këtuc.

Yith 10:5

Go Bɛ̈nydït lueel an, “Athiriya! Yɛn cï Athiriya tɔ ee thieny bän kɔc göth ë yɛn luöi këtuc.

Yith 11:4

abï löŋ de kɔc kuanynyïïn guiir ë piathëpiɔ̈u, ku ee yic de kɔc cïn nïïm riɛl kuöny keek. Në kë cï lueel abï kɔc tɔ luɔiyë këtuc, ku kɔc ee karɛc looi abïk thou.

Yith 14:25

Yɛn bï Athiriya riɔ̈ɔ̈k pinydiën ë Yithriɛl, ku duöm ke yiic në kurkï nïïm. Yɛn bï kɔckï luöny bei në yaaŋ de Athiriya yic, ku bɛ̈ɛ̈i kathiek ɣɛ̈ɛ̈ckï bei.

Yith 27:7

Bɛ̈nydït akën Yithriɛl luöi këtuc arëët cït këtuc cï luöi kɔc ke aterden, ku akën näk në ke yiic aläl cït man ë kek.

Yith 30:30

Bɛ̈nydït abï röl ë dhuëëŋde tɔ piŋ ë raan ëbɛ̈n ku tɔ yök rac de agönhde. Abï dɛ lɔ̈k de mac, ku luändïït adur, ku rel ë deŋ, ku deŋ ë kɔɔi.

Yith 31:8

Athiriya Abï riɔ̈ɔ̈k tɔŋ, ku acie riɛl mɛnh ë raan. Kɔc ke Athiriya abïk kat në tɔŋ, ku dhuökken abïï ke tɔ ee lïïm.

Yith 9:4

Në biäk cï yïn jonh cï ke duut dhuööŋ kɔ̈ɔ̈th ku thieec ɣɔn ye ke dui kët. Yïn ë juöör tiaam ɣɔn ee kɔcku yɔŋ ku rumkï keek, cït man wään tiɛɛm Yïn rem de tɔŋ de Midian.