Yith 30:30 - JAM DE NHIALIC 2011

³⁰ Bɛ̈nydït abï röl ë dhuëëŋde tɔ piŋ ë raan ëbɛ̈n ku tɔ yök rac de agönhde. Abï dɛ lɔ̈k de mac, ku luändïït adur, ku rel ë deŋ, ku deŋ ë kɔɔi.

Yith 30:30 ပူးပေါင်းရင်းမြစ်များ

Jop 38:22

De të cï yïn kɔn keny ɣön wën yan pïïu cï rɔ̈k, ku pïïu ke kɔi tɔ̈ɔ̈u thïn?

Jop 38:23

Aya keek tɔ̈ɔ̈u tiɛɛt ɛn ke nuan, ku akööl ke thɔ̈ɔ̈r, ku tɔɔŋ.

Jop 40:9

Yïn riɛlë cï Yɛn, Duëërë röl ciët rel ë deŋ cït man ë Yɛn.

Diɛt 2:5

Ku acï keek jɔ̈ɔ̈ny ke cï ŋeeny, riëëc keek në agɔ̈th.

Diɛt 46:6

Juöör ayek riɔ̈ɔ̈c ku lɛthë ciɛɛŋ Nhialic ee määr cï deŋ, go piny lëëŋ.

Diɛt 98:1

Kɛ̈tkï Bɛ̈nydït din ë piac cak, në biäk cïï Yen kake gäi looi! Në riɛlde ku në köŋdɛn ɣeric acï Yen tɔ tiëm.

Bɛ̈n 15:16

Aake tïŋ riɛldu Bɛ̈nydït, gokï riɔ̈ɔ̈c arëët, ku kɛ̈ɛ̈ckï ke ke thany kethäär atëëk ë kɔcku. Kɔc ɣɔn lunyë bei në lïïmic.

Bɛ̈n 9:23

Go Mothe thienyde yaak nhial, go Bɛ̈nydït deŋ ë kɔɔi tɔ lɔ piny, ku nyop piny de Rip nɔm në rel ë deŋ. Bɛ̈nydït ë deŋ dïït ë kɔɔi bɛ̈n tɔ tueny piny ë Rip,

Bɛ̈n 9:24

deŋ kën kɔn tuɛny Rip ë caaŋdɛn yen jur. Deŋ tueny ë kɔɔi, ku lɔ lɔ̈k ë mac. Go lɔ̈k ë mac riau në kɔi yiic.

Yith 10:16

Abïï Bɛ̈nydït de rɛm keek luöi këtuc ku tuc keek jɔŋ bï rem de tɔŋ cï ŋiëc muk dɔm ëbɛ̈n. Abïï ke dɛ̈ɛ̈p gup në mac ku be ke dɛ̈ɛ̈p gup.

Yith 10:26

Yɛn Bɛ̈nydït de rɛm, abä ke dui në thienydï cït man ɣɔn duöi Yɛn kɔc ke Midian në kuur ë Orep thar. Yɛn bï kɔc ke Athiriya luöi këtuc cït man wään cän kɔc ke Rip luöi këtuc.

Yith 10:5

Go Bɛ̈nydït lueel an, “Athiriya! Yɛn cï Athiriya tɔ ee thieny bän kɔc göth ë yɛn luöi këtuc.

Yith 28:2

Bɛ̈nydït ade nɔm raan ril ëtör cï kiëët bï keek bɛ̈n mak, raan bï ciët yom dïït put, ku cït amaŋ de deŋ, ku cït amool dïït bɔ̈ ke riŋ ku mool piny ëbɛ̈n.

Yith 29:6

Bɛ̈nydït de rɛm abï we luök në rel ye deŋ rel arëët ku lɛthë piny. Abï amaŋdïït ril kekë many dɛ̈p arëët tuööc,

Yith 30:29

Ku kɔc ke Nhialic abïk ket në diɛt ke miɛtëpiɔ̈u, cït diɛt ke kööl ë dhuëëŋ ɣeric. We bï piɔ̈ɔ̈th miɛt cït kɔc koth kɛŋ ke ke lɔ Luaŋdïït de Bɛ̈nydït Raan ee Yithriɛl gël.

Yith 30:31

Kɔc ke Athiriya abïk riɔ̈ɔ̈c arëët, të le kek röl ë Bɛ̈nydït piŋ, ku yökkï tuöc de këtuc looi ë Bɛ̈nydït.

Yith 31:4

Go ë Bɛ̈nydït lɛ̈k ɛn an, “Të cuetë köör thɔ̈k, ku nɔn yen adur ë köör, acï awuɔɔu rël ë tïït ee bɛ̈ɛ̈r, ee lɔ ke cäm ë cämde. Yen acït luɔi bï Bɛ̈nydït de rɛm kuur de Dhiɔn bɛ̈n gël. Acïï bïï riääc abï kat.

Yith 32:19

(Ku deŋ kɔɔi abï lööny piny rooric, ku pänydït abï tiɛɛr nɔm piny.)

Yith 33:14

Kɔc ke Dhiɔn ee karɛc looi alɛth ë riɔ̈ɔ̈c keek. Ayek lueel an, “Guiëër de löŋ de Nhialic acït many dɛ̈p aɣet athɛɛr. Duëër dɛ raan bï poth në many cït ee kënë?”

Yith 4:6

Dhuëëŋde abï pänydït aa gël në tuöc ë piny aköl, ku tɔ ye tëde thiaan, bï yen gël në deŋ kekë amaŋ.

Yith 51:9

Pääcë Bɛ̈nydït ku luäk wook! Loi riɛldu ku kony wo, loi cït man ɣɔn looi yïn en ɣɔn thɛɛr. Aa ye yïn ë tem ŋuäldït Raɣab de wɛ̈ɛ̈r në thïïm.

Yith 52:10

Bɛ̈nydït abï riɛldɛn ɣeric luɔɔi, abï kɔcke kony në juöör nïïm ëbɛ̈n, ku piny thar ëbɛ̈n abï kuɔɔny ë Nhialic tïŋ.

Yith 62:8

Bɛ̈nydït acï kuëëŋ në yic ku në riɛlde abïï dhil looi: “anyolkun acïï ke bï bɛ aa kacaam ke kɔc ke aterdun, ku alɛi acïkï mäukun bï bɛ dek.

Yith 66:15

Bɛ̈nydït abï bɛ̈n ke mac. Abï bɛ̈n në wuök ke amaŋ kɔ̈ɔ̈th, bïï kɔc göth e yen bɛ̈n luöi këtuc.

Yith 66:16

Në mac ku abätäu abï kɔc ke piny nɔm ëbɛ̈n luöi këtuc, kɔc bïï ke yök ke ke cï wäc, ku kɔc juëc abïï ke nɔ̈k.

Jeremia 25:32

Aye Bɛ̈nydït de rɛm lueel nɔn bï riääk bɛ̈n ë juöör gup ke ke kuany kecök, ku amaŋdï akut rɔt në aguuk ke piny yic.

Edhekiɛl 10:5

Ku awuɔɔu looi ë wuök ke cerubiim aye piŋ ë kal kɔ̈u biäk biic aya. Aye piŋ cï röl de Nhialic Awärjäŋ.

Edhekiɛl 13:13

Ënɔɔnë kë lueel ë Bɛ̈nydït Awärjäŋ kï: “Në agönhdï yɛn bï yom dït tuɔɔc, ku wäl deŋ piny, ku deŋ kɔi ke ke bï päny jäp piny.

Jowɛl 2:5

Ku awuɔɔuden të kɛɛc kek kur nïïm, acït awuɔɔu de abëël ke tɔŋ, ayek teny cït many nyop wal ril. Ku yek röt kueer cï rem de tɔŋdïït cï rɔ kiëët, ë biäk de tɔŋ.

Amoth 1:14

Në biäk de ee kënë, Yɛn bï mac tuɔɔc Raba bï lɔ nyuɔp piny, ku nyop ɣään riilke piny. Ku ëtɛ̈ɛ̈n, abï dɛ awuɔɔu de tɔŋ, ku anuɔɔn de kööl amaŋdït.

Maika 1:4

Ka kur abïk lɛ̈ɛ̈ŋ në yecök, cït man ë kɔl cï tääu mɛɛc. Ku abïk dhuöör ë ke lɔ piny në wakic cït pïïu bɔ̈ piny nhial ë kuur nɔm.

Math 24:7

Jurë abï tɔŋ yiɛ̈n jurë, ku yïn ciɛɛŋë tɔŋ ciɛɛŋë, ku cɔŋdït abï nu, ayï jɔɔk ë kɔc thöl, ayï nieŋ ye piny rɔt niɛŋ, abïk nu tɛ̈ɛ̈n ku tɛ̈ɛ̈n.

Luk 1:51

Acï këril looi ë köŋde, Acï kɔc thiɔ̈i kɔc ë röt tɔ dït në täŋ yek tak ë kepiɔ̈ɔ̈th.

2 Theth 1:8

ke cath ke many ee dëp aläl, ago rɔt guöör ë kɔc kuc Nhialic, ayï kɔc reec wëlpiɛth gam, wël ke Bɛ̈nydan Yecu Kërtho.

Jocua 10:10

Ago Bɛ̈nydït kɔc ke Amor tɔ mam në kɔc ke Yithriɛl nïïm. Ago kɔc ke Yithriɛl ke tiaam arëët në Gibiɔn, ku copkï ke në kueer lɔ Bethɣaron, ku näkkï keek alɔ guut Adheka ayï Makeda.

Jocua 10:11

Ku të wën riŋ ë kɔc ke Amor ke ke kɔt në kɔc ke Yithriɛl në Bethɣaron, Bɛ̈nydït ë deŋ dïït ë kɔɔi bɛ̈n tɔ tuëny keek agut cï Adheka. Kɔc juëc në keyiic acïï deŋ ë kɔɔi ke bɛ̈n nɔ̈k awär kɔc ë nɛ̈k kɔc ke Yithriɛl.

Nyuuth 1:15

ku cït cök maläŋ cï lɔ bilbil, cït maläŋ cï lëëŋ ë manydïtic, abï lɔ wai: ku cït röl awuööu de piëëu.

Nyuuth 11:19

Na wën, ke luaŋdïït ë Nhialic liep paannhial, go Athänduŋ de löŋ cï mac tïŋ luɛɛk, ku tul wilëdeŋ, ku kɔc röt, ku määrëdeŋ, ku nieŋ cï piny rɔt niɛŋ, ku gök de kɔɔi ë deŋ.

1 Tham 7:10

Të wën ŋoot ë Thamwɛl ke gëm Bɛ̈nydït miɔ̈c ye nyop ëbɛ̈n, go Pilithiin guɔ bɛ̈n tëthiɔ̈k bïk Yithriɛl bɛ̈n mak, ago Bɛ̈nydït keek rël yiic paannhial. Agokï nïïm mum taitai ku riɔ̈ckï.