Yith 30:3 - JAM DE NHIALIC 2011

³ Ku melik de Rip abï nɔm ciën riɛl kony en ke, ku kuɔɔny de Rip abï thök në riääk.

Yith 30:3 ပူးပေါင်းရင်းမြစ်များ

2 Mel 18:21

Wek ŋäth melik de Rip an bï we yiɛ̈n kony, ku kënë acït raan muk apäth ke ye wai thɛny en piny, ku abï dhuɔɔŋ ku riɔ̈l we, le cot ë we cin. Yen luɔi tɔ̈u ë mel de Rip ka, kekë raan ee rɔt kan në yen.”

Diɛt 108:12

Kony wook tëde kɔc ke ater, kuɔɔny de mɛnh ë raan acïn naamde.

Kɛ̈ŋ 25:19

Aŋäth cï tääu në kɔc cïn adöt gup në kööl ë riääk, ee ciët lëny rem kekë cöök cï ŋɔl.

Yith 20:5

Kɔc cï aŋäthden tääu në Ethiopia guöp, ku leckï kenïïm në biäk de Rip, abïk gup riɔ̈ɔ̈c ku jäl aŋäthden.

Yith 20:6

Të lee köölë bɛ̈n, kɔc rɛ̈ɛ̈r në akɛɛth ke Pilithiin abïk lueel an, “Tiëŋkï kë cï rɔt luöi kɔc ye wok röt kan ë keek, bïk wo kony në melik de Athiriya! Buk be pïïr adï?”

Yith 36:6

Wek ŋäth Rip an bï we kony, ku kënë abï ciët raan thany piny në aguöt, abï dhuɔɔŋ ku riɔ̈l raan ciin. Yen aye luɔi tɔ̈u ë melik de Rip ka kekë raan kɛn rɔt në yen.”

Jeremia 2:36

Wek cï weyiic tɔ piɔl në kë cä wek röt yal tëde yiëth ke juöör kɔ̈k. Wek bïï kɔc ke Rip riɔ̈ɔ̈k piɔ̈ɔ̈th, cït wään cïï kɔc ke Athiriya ye kɔn luöi week.

Jeremia 42:18

“Acïï Bɛ̈nydït de rɛm, Nhialic de Yithriɛl lueel an, ‘Cït man cï agönhdiën tuc wäl ë kɔc ke Jeruthalem gup, yen abï agönhdiën tuc wäl ë wegup aya të la wek lɔ lɔ Rip. We bï aa kɔc ye kɔc riɔ̈ɔ̈c të tïŋ ë we, kɔc abïk we aa luööi në abiaan, ku ye rinkun tɔ aa ciɛɛn. Wek cïï ee tënë bï bɛ tïŋ taitai.’ ”

Jeremia 42:22

Ka ënɔɔnë jakï kënë aa tak: Wek bï thou tɔŋ ku nɔn ee cɔk ku nɔn ee jɔk në piny kaarkï bä wek lɔ rëër thïnë.”

Jeremia 46:25

Acïï Bɛ̈nydït de rɛm, Nhialic de Yithriɛl lueel an, “Yɛn lɔ Amon, ku yanh de Thebeth luöi këtuc kekë kɔc ke Rip ëtök ku yiëthke ku meliikke. Yɛn lɔ melik de Rip jɔt kekë kɔc ee yen ŋɔ̈ɔ̈th kedhie,

Edhekiɛl 29:7

Të cïï kek röt kan në yïn, ke yï dhoŋ ku nyuänë ke kɔ̈k bei, ku të kɛn kek röt në wekɔ̈ɔ̈th ke we dhoŋ ku jakï ke tɔ lɛthë kɔ̈ɔ̈th.

Ɣodh 10:6

Ku yath abï yiɛ̈n meliŋ de Athiriya, ke ya ariöp. Ku Yithriɛl abï yäär, ku abï guöp riɔ̈ɔ̈c, në biäk ye kek yiëth ke tiim lam.

Romai 10:11

Ku këcïgɔ̈ɔ̈r aye lueel an, “Raan ëbɛ̈n raan gam en acïï bï yäär.”

Romai 5:5

ku aŋäth acïï raan ë tɔ yäär, luɔi cï nhiëër ë Nhialic luööŋ ë wopiɔ̈ɔ̈th në Wëidït ɣer cï gäm wook.