Yith 30:27 - JAM DE NHIALIC 2011

²⁷ Riɛl ku dhuëëŋ de Bɛ̈nydït aduëër ë tïŋ tëmec. Tol kekë mac anyoothkï agönhde. Bɛ̈nydït ee jam ku dɛ̈p wëlke cï mac.

Yith 30:27 ပူးပေါင်းရင်းမြစ်များ

Diɛt 79:5

Bɛ̈nydït, bä gɔ̈th we wook aɣet athɛɛr? Bï agönhdu aa dɛ̈p cït man ë mac?

Yith 10:5

Go Bɛ̈nydït lueel an, “Athiriya! Yɛn cï Athiriya tɔ ee thieny bän kɔc göth ë yɛn luöi këtuc.

Yith 13:5

Aake bɔ̈ tëmec ë wuöt ke piny thar yiic. Bɛ̈nydït abï pinynɔm riɔ̈ɔ̈k ëbɛ̈n në agönhde.

Yith 33:12

Wek bï kuɛɛm cït kuur cï nyop ë mac, ku ciëtkï kuɔɔth cï nyop ë mac abïk aa ŋeth.

Yith 33:14

Kɔc ke Dhiɔn ee karɛc looi alɛth ë riɔ̈ɔ̈c keek. Ayek lueel an, “Guiëër de löŋ de Nhialic acït many dɛ̈p aɣet athɛɛr. Duëër dɛ raan bï poth në many cït ee kënë?”

Yith 34:9

Kiɛɛr ke Edom abïk röt puk ke ke ye anyam col, ku piny abï dëp ë many de thulpur. Ku baai ëbɛ̈n abï dëp cït anyam col.

Yith 43:2

Të tëëk yïn në pïïuwiic të thiäŋ, Yɛn bï tɔ̈u wo yïn, kadhal yïn acïkï yïn bï tiaam. Të tëëk yïn në macic, yïn cïï bï nyop, këril them yïn ëbɛ̈n acïn kë bïï luöi yïn.

Yith 59:19

Gɔl në të lɔ aköl amiäk leer të lɔ aköl athɛ̈i, raan ëbɛ̈n abï riɔ̈ɔ̈c në yen ku në riɛldïïtde. Abï bɛ̈n cï kuëër kiir, ku cït yom ril.

Yith 66:14

Të lee yïn kënë tïŋ ke loi rɔt, yïn bï piɔ̈u miɛt, abï yïn tɔ ril ku tɔ yïn piɔl guöp. Ku ëtɛ̈ɛ̈n, abä jɔ ŋic nɔn ee yan Bɛ̈nydït, Yɛn ee kɔc ee ya riëëu kony ku nyuöth agönhdï kɔc ke aterdï.”

Yith 66:15

Bɛ̈nydït abï bɛ̈n ke mac. Abï bɛ̈n në wuök ke amaŋ kɔ̈ɔ̈th, bïï kɔc göth e yen bɛ̈n luöi këtuc.

Yith 9:5

Wɛɛr cieŋ ë kɔc ke ater bïï tɔŋ, ku lupɔɔkɛn de gup rim ëbɛ̈n abïï ke riɔ̈ɔ̈k në mac

Jeremia 4:4

Mɔ̈kkï mändun në Yɛn Bɛ̈nydïtdun, ku gämkï röt Ɛn, wek kɔc ke Juda ku Jeruthalem. Na cäk ye lɔ looi ke agönhdï abï dëp cït mac në biäk de awɛ̈ɛ̈c cäk looi, abï dëp ku abï ciën raan liiu en.”

Edhekiɛl 22:31

Ka yɛn bï agönhdï tɔ lööny në ke kɔ̈ɔ̈th, ku abä ke riɔ̈ɔ̈k cï mac në biäk de ka cïk looi.” Bɛ̈nydït Awärjäŋ yen aa jam.

Danyel 7:10

ku nyin ë mac awët bei ë yeyic. Ade aguum ke kɔc juëc ëtɛ̈ɛ̈n, kɔc luui yen, ku aguum juëc ke kɔc cïï lëu në kuɛ̈n akɛ̈ɛ̈ckï në yenɔm. Ku jɔ luk luɔide gɔl, ku awereek acï keek pet yiic.

Danyel 7:9

Ku të wën daai yɛn, thöc acï keek tääu piny, ku raan pïïr aɣet athɛɛr ya acï nyuc në thööc tök nɔm. Lupɔɔke aɣeerkï cït alath awai, ku nhïmke acïtkï linɔn lɔmot. Ku thööcde acï guiir në cök dɛ̈p, alek bilbil ë mac,

Dhep 3:8

Aye Bɛ̈nydït lueel an, “Kääckï, tiɛtkï kööl bän rɔt jɔt, ke Ya ye cäätɔ gɔɔny juöör, acä dhel ë Yapiɔ̈u luɔi bän juöör ku lɔ ciɛɛŋ ke pinynɔm määtic, ke ke bä tɔ yök tuöc ë thok de agönhdï. Pinynɔm ëbɛ̈n abï riɔ̈ɔ̈k në many de agönhdï.

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.

Nyöŋ 32:22

“Agönhdï abï biöl cït mac, ku nyop këriëëc ëbɛ̈n ë pinynɔm. Ku abï lɔ ë piny thar ku nyop mei ë kur thäär.

Nyöŋ 33:2

Bɛ̈nydït aa bɔ̈ në kuur de Thinai nɔm, aa jöt cït man ë akɔ̈l në Edom, go kɔcke riaau në kuur de Paran nɔm. Aa cath kekë aguum ke tuucnhial ɣeriic, ku muk many dɛ̈p në ciin cuënyde.

Nyöŋ 4:24

në biäk cït ë Bɛ̈nydït Nhialicdun lɔ̈k de mac, acïï kë tɛɛr ke Yen ee pɔ̈l.

2 Theth 2:8

Ku yen abï raanë jɔ tïc, raan reec löŋ ëliŋliŋ, raan bïï Bɛ̈nydït Yecu nɔ̈k në wëi bɔ̈ bei ë yethok, ku tɔ mär në riau de bɛ̈nde:

Ɣeberuu 12:29

Ku Yen, Nhialinyda acït many ee käŋ thöl, tëde kɔc reec gäm