Yith 30:2 - JAM DE NHIALIC 2011

² Ayek kuɔɔny lɔ kɔɔr ë Rip ke ke kën A kɔn luɔp. Akɔɔrkï bï Rip ke kony, ka acïk aŋäthden tääu në melik de Rip guöp.

Yith 30:2 ပူးပေါင်းရင်းမြစ်များ

1 Mel 22:7

Go Jeɣocapat lop an, “Cïn tiët däŋ de Nhialic duëër wok Bɛ̈nydït luɔp në tëde yen?”

2 Mel 17:4

Na ɣɔn, ke melik Ɣocia ë tuc kɔc Tho melik de Rip ke kɔɔr kuɔɔny tëde yen, ku tɔ athölbö ye kuöt Athiriya kääc. Ku acï melik de Athiriya ŋic luɔi cïï Ɣocia melik de Yithriɛl yäc dɛk aguk ke yen. Na wën cï melik de Athiriya kënë piŋ go Ɣocia tɔ dɔm ku tɔ mac.

2 Mel 18:21

Wek ŋäth melik de Rip an bï we yiɛ̈n kony, ku kënë acït raan muk apäth ke ye wai thɛny en piny, ku abï dhuɔɔŋ ku riɔ̈l we, le cot ë we cin. Yen luɔi tɔ̈u ë mel de Rip ka, kekë raan ee rɔt kan në yen.”

Yith 16:3

Acïk lɛ̈k kɔc ke Juda an, “Lɛ̈kkï wook kë buk looi. Kony wook cït tim ye atïmde liɛɛr në tuöc de aköl kääc cil, ku tɔ wo lɔ̈ŋ në atïmdu yic. Wok ee kɔc ë bɔ̈ ke wo riŋ, thian wook të cïn raan bï wo yök.

Yith 18:1

Amawoou në riääk bï piny de Kuc yök, piny dhɔt pïïu ke kiir ë yekɔ̈u, ku abëël ke waikɛn ë gɛ̈ɛ̈r acï ke wuök pet ke ke kuany kiiric.

Yith 36:6

Wek ŋäth Rip an bï we kony, ku kënë abï ciët raan thany piny në aguöt, abï dhuɔɔŋ ku riɔ̈l raan ciin. Yen aye luɔi tɔ̈u ë melik de Rip ka kekë raan kɛn rɔt në yen.”

Yith 36:9

We cïï duëër kït në bɛ̈ny töŋ koor de rem de tɔŋ de Athiriya, ku aŋoot ke ŋäth nɔn duɛ̈ɛ̈rë ë Rip we tuöc rem de tɔŋ cath ke jöŋgöör, ku abëël ke tɔŋ.”

Yith 8:19

Ku kɔc abïk week yɔ̈ɔ̈k bäk wël aa lɔ luɔp yiic tëde kɔc ee cɔ̈ɔ̈r, ku kɔc ee thuëth, kɔc ee käŋ caar ku yek käŋ mɛɛk. Abïk lueel an, “Kɔc ayek wël luɔp tëde wëi ku jamkï në kɔc cï thou në nyin de kɔc pïr.”

Jeremia 2:18

Eeŋö ye tak bä lɔ yök në lɔdu Rip ee luɔi bï yïn lɔ dek ë pïïu ke Kiir? Eeŋö ye tak bä lɔ yök në lɔdu Athiriya ee luɔi bï yïn lɔ dek në pïïu ke Yuparat?

Jeremia 21:2

“Luɔpë Bɛ̈nydït në biäkda, në biäk luiyë wo tɔŋ ë Nebukadnedhar melik de Babilon kekë remdɛn ë tɔŋ, tɛkdäŋ bï Bɛ̈nydït këdïït de gäi looi ë biäkda ku tɔ Nebukadnedhar tɔ puk rɔt.”

Jeremia 37:5

Ku rem de tɔŋ ë Babilonia aake took Jeruthalem, ku wën cï kek ye piŋ nɔn cïï rem de tɔŋ de Rip aken de Rip teem kɔ̈u, gokï lɔ ciëën.

Jeremia 42:14

ku luɛlkï an, “Ei, wo lɔ piny ë Rip, të cïï wok tɔŋ bï tïŋ, ku cuku röl de kaaŋ piŋ, ku wok cïï cɔŋ de kuïn bï dɔm, ku wo bï jɔ ceŋ ëtɛ̈ɛ̈n. Ka wek kɔc cï döŋ ë Juda, duökï jam ë Bɛ̈nydït de rɛm, Nhialic de Yithriɛl bï dhil rɛɛc an, ‘Na lok wenïïm lɔ wɛl Rip,

Jeremia 42:2

Agokï lɛ̈k tiët Jeremia an, “Loi kë lɛ̈kku yïn! Läŋ Bɛ̈nydït Nhialicda ë biäkda. Läŋë ë biäkda wodhie, wok kɔc cï poth. Ɣɔn thɛɛr wok juëc, ku ënɔɔnë, wok cï döŋ ke wo lik cït man woi yïn en.

Jeremia 42:20

wek bï awäny rac looi. Wek cï ya thiëëc bä Bɛ̈nydït Nhialicda lɔ̈ŋ në biäkdun, ku wek cï gutguut lueel nɔn bä wek kë cï lueel ëbɛ̈n looi.

Jeremia 43:7

Agokï jɔ lɔ piny de Rip, në luöi kën kek röl de Bɛ̈nydït riëëu. Gokï jɔ ɣet pänydït de Tapaneth.

Dhiëëu 4:20

Acïk tëde pïïrda nööm, melik ë lɔc Bɛ̈nydït, raan ë ŋäthku në luöi bïï yen wo gël, të rëër wok ë juöör yiic.

Ɣodh 7:13

“Amawoou në week! Në biäk de kɔc cï Ya nyääŋ piny. Acïk riääk yök në baŋ cï kek wöc në Yɛn! Akaar an luäk keek, ku ayek lɔ ë ke jiëëm Ɛn guöp arac në lueth.

Ɣodh 8:10

Na cakaa nɔn cï kek röt ɣɔ̈c juöör, abä keek bɛ mat yiic tëtök, ku luöi keek këtuc. Ka abïk thök në meliik cin, meliik yɔŋ keek.

Ɣodh 8:9

Acïk yiëëm cït mul cï mɛ̈ɛ̈r roor, ku lekkï tëde Athiriya. Eparaim ë rɔt ɣaac cït tiiŋ ee röör kɔɔr.

Kuɛ̈n 27:21

Ku ë ye këde Eleyadhar piŋ, bɛ̈ny de kake ke Nhialic, raan bï yen aa lɔ yïn jam tëde Yurim ku Thumimnë Bɛ̈nydït nɔm. Ku Jocua kedhie kekë akutnɔm de kɔc ke Yithriɛl ëbɛ̈n, abïk aa cath në kë cïï Eleyadhar lueel.

Nyöŋ 28:68

Bɛ̈nydït abï week tuɔɔc ciëën Rip në abëël wïïr, cakaa nɔn cï Yen ë lueel an, wek cïï duëër bɛ lɔ ëtɛ̈ɛ̈n taitai. Ëtɛ̈ɛ̈n we bï röt ɣɔ̈c kɔc ke aterdun ke we ye lïïm, ku acïn raan bï piɔ̈u de luɔi ɣɔɔc en week.

Jocua 9:14

Ago kɔc ke Yithriɛl nöm në kacaamkeniic ku cïkkï Bɛ̈nydït be luɔp në biäkden.

Bäny 9:15

Go but bɛ̈ɛ̈r an, ‘Na kaarkï ë yic në baŋ bän aa bɛ̈ny në wënïïm, bäkkï rɛ̈ɛ̈rkï në atïmdï yic. Ku na cäkkï bɔ̈, ke mac abï bɛ̈n bei ë ya yic, ku ciɛm tiim ke thidar ke Lebanɔn.’