Yith 30:17 - JAM DE NHIALIC 2011

¹⁷ Agumdun abï aa kat të cïï kek raan töŋ de rem ë tɔŋ de aterden tïŋ, ka tɔŋdun abï aa kat ëbɛ̈n në kɔc kadhïc ke rem ë tɔŋ de kɔc ke ater. Acïn raan töŋ de rem de tɔŋdun bï döŋ, ee beer yetök yen abï döŋ ke ciɛk ë kuur nɔm.

Yith 30:17 ပူးပေါင်းရင်းမြစ်များ

Kɛ̈ŋ 28:1

Kɔc ee karɛc looi ayek kat të ciɛk en ciën raan cop ke, ku cït kɔc piɛth piɔ̈ɔ̈th jööt ke kɔ̈ɔ̈r.

Yith 27:11

Kër ke tiim acïk biɔɔr ku dhoŋkï, go diäär ke kuany ke ke ye tiim ke thät. Në biäk kën ë kɔc e yökic, Nhialic Aciëŋden acïï piɔ̈u bï kok ke keek, acï ke bï nyuöth kokdepiɔ̈u.

Yith 6:13

Cakaa raan tök yen ë dɔ̈ŋ ë kɔc kathiëër yiic, yen abïï riɔ̈ɔ̈k aya, abï ciët tim de ɣok cïï ë luc döŋ piny të cïï ë yen yep.” (Kɔc ɣeriic ke Nhialic kek ee luny bï röt bɛ jɔt.)

Jeremia 37:10

Cakaa wek ë tiam rem de tɔŋ ë Babilonia ëbɛ̈n, abï kɔc de gup tëtöök döŋ, ke ke nin ë pɛɛnyken yiic, kek ee röörkë abïk ŋoot ke ke jɔt röt ku nyopkï pänydït piny.”

Dhiëëu 4:19

Acïk wook cuɔp piny, kɔc cop wook awärkï cor nu nhial në riŋ. Acïk wook cop ë kuur nïïm, ku jɔkï wook gïth ëthiäu ë jɔ̈ɔ̈ric.

Lebai 26:17

Yɛn bï rɔt wël week, ago kɔc dɛ wek ater week tiaam, kɔc man, week abïk week cieŋ. Ku wek bï ya kat, cakaa të cïn en raan cop week.

Lebai 26:36

“Ku në biäkdun wek kɔc cï döŋ ke we pïïr, yɛn bï riɔ̈ɔ̈cdït tääu në wepiɔ̈ɔ̈th piny de kɔc dɛ wek ater. Cakaa röl de yïnh ë tim gɔp ë yom abï keek tɔ kɔt. Abïk kat cït man ë ka kɔt në tɔŋ, ku abïk aa wïïk, cakaa cïn raan cop keek.

Lebai 26:8

Kɔc kadhïc ë weyiic abïk buɔ̈t aa cop, ku buɔ̈t ë weyiic abï aguum kathiëër aa cop. Ku kɔc dɛ wek ater, abïk aa wïïk ë wenïïm në abätäu.

Amoth 2:14

Ku raan ŋic riŋ acï bï ban, ku kɔc ril, riɛlden acï bï tïc. Ayï jööt ke tɔŋ acïkï röt bï lëu në kuny aya.

Dhep 3:12

Ku yɛn bï kɔc kor piɔ̈ɔ̈th ee rö kuɔɔr piny nyääŋ ëtɛ̈ɛ̈n, kɔc bï kuɔɔny bɛ̈n kɔɔr tëde Yɛn.

Romai 11:17

Ku na cï këër kɔ̈k cak dhuöŋ bei, ku yïn, yïn ee këër ë olip ë cil roor, na cï yï cak tuɛɛl ë keyiic, abä cil we keek ëtök, ago rɔm we keek ëtök në cuai de tim de olip, kë bɔ̈ në meei yic.

Nyöŋ 28:25

“Bɛ̈nydït abï kɔc ke aterdun tɔ tiam week. Abäk keek mak në tuuŋ tök, ku wek bï aa kat në keek në tuŋ thook kedhie, ku kɔc ke piny nɔm kedhie, abïk riɔ̈ɔ̈c arëët të tïŋ kek kë cï tuöl tëde week.

Nyöŋ 32:30

Eeŋö duëër ë raan tök agum cop, ku tɔ kɔc kaarou aguum kathiëër tɔ kɔt. Bɛ̈nydït Nhialicden acï keek pɔ̈l Bɛ̈nydït Awärjäŋ acï keek nyääŋ wei.

Jocua 23:10

Raan tök në weyiic ee agum ë raan cop, në luɔi biök ë Bɛ̈nydït Nhialicdun ë tɔŋdunic, cït man wään cï en ë lueel.