Yith 30:16 - JAM DE NHIALIC 2011

¹⁶ Ku acäk tak an bäk ban ë jöŋgöör ŋic riŋ të cop ë kɔc ke aterdun week. Ee yicdun, kat ee yen ee kë bäk looi! Ayak tak an ŋic jöŋgöörkun riŋ aläl, ku kɔc cop week aŋickï riŋ aläldïïtë!

Yith 30:16 ပူးပေါင်းရင်းမြစ်များ

2 Mel 25:5

Ku rem de tɔŋ de Babilon acïk keek bɛ̈n cuɔp kueer, ku dɔmkï melik në riaaŋ de Jeriko yic, ku remdɛn ë tɔŋ aake cï thiëi wei në yeciin.

Jop 39:11

Ku duɛ̈ɛ̈rë rɔt kan në riɛldïït de, ku jɔ ŋɔ̈ɔ̈th ke ee yen bï luɔi thieekdu looi?

Diɛt 147:10

Miɛtëpiɔ̈nde acie tɔ̈u kekë jöŋgöör ril, ku acie tɔ̈u kekë jööt ke tɔŋ,

Diɛt 33:17

Jöŋgöör ke tɔŋ acïkï duëër tiam kapäc, acïï riɛldɛn dït ke duëër kony.

Yith 2:7

Pinyden acï thiäŋ ke atek ku adhɛ̈p ka kuɛthden acïn guut, ku thiäŋ pinyden ke jöŋgöör ka abëël ke tɔŋ cïï kɔ̈ɔ̈th tɛɛm

Yith 31:1

Amawoou në kɔc ee lɔ Rip lek kuɔɔny kɔɔr! Ayek rem dïït ë tɔŋ de Rip, ku jöŋgöör, ku abëël tɔŋ ŋɔ̈ɔ̈th. Ku acïkï Bɛ̈nydït ee ŋɔ̈ɔ̈th, Nhialic Ɣeric de Yithriɛl, ku cïkï kuɔɔny thiëc tëde yen.

Yith 31:3

Kɔc ke Rip acïkï ee yiëth, ayek kɔc tei. Ku jöŋgöörken acïnkï riɛl bɔ̈ nhial. Të le Bɛ̈nydït lɔ lui, ke jur ril abï kuɛɛm, ku jur kɔ̈c ye kony abï wïïk. Keek kedhie abï keek riɔ̈ɔ̈k.

Jeremia 39:4

Wën cï Dhedekia melik kekë bänyke kedhie kë loi rɔt tïŋ, gokï them luɔi bïï kek röt kual wei ë pänydïtic wakɔ̈u. Gokï tëëk në kueer ë dom ë bääny, tëkkï në kaam de kueer ee kɛ̈l kaarou rek, ku jɔkï röt kual ë kueer të lɔ wak de Jordanic.

Jeremia 4:13

Tïŋ, kɔc ke ater abïkï cï luäät. Abëëlkɛn ke tɔŋ acïtkï kɔɔr, ku jöŋgöörken apiɔlkï cï cor. Amawoou, wok cï määr! Wok cï thou!

Jeremia 46:6

Kɔc ee riŋ aläl acïkï bï ban, ku rem ë tɔŋ acïkï bï poth. Abïk kɔ̈th ë kueer lɔ të lɔ rut ku wïïkkï ë wɛ̈ɛ̈r ë Yuparat yɔu.”

Jeremia 52:7

kɛ̈l ke pänydït acï keek bɛ̈n thuur kɔ̈ɔ̈th. Cakaa wään cï ë pänydït geeu në kɔc ke Babilonia, rem de tɔŋ ë Jeruthalem acïk röt bɛ̈n kual wakɔ̈u. Aake tëëk në kueer ë dom de bääny, ku lekkï ë kueer ë kal ee kɛ̈l kaarou rek, ku kɔtkï ke ke lɔ të lɔ wak de Jordan.

Dhiëëu 4:19

Acïk wook cuɔp piny, kɔc cop wook awärkï cor nu nhial në riŋ. Acïk wook cop ë kuur nïïm, ku jɔkï wook gïth ëthiäu ë jɔ̈ɔ̈ric.

Amoth 9:1

Yɛn ë Bɛ̈nydït tïŋ ke kääc në yïk lɔ̈ɔ̈m, ku lueel an, “Yup gɔ̈ɔ̈l nu ë mën ke Luaŋdït nïïm aläl ke yiɛɛu bï lath ku thiɔ̈i ke. Dhuɔŋë ke wei, ke ke bï wïïk në kɔc nïïm kedhie. Kɔc cï döŋ ë keyiic, abä keek nɔ̈k në abätäu. Acïn raan töŋ bï kɔt wei në ke yiic, ku cïn raan töŋ bän.

Maika 1:13

Ku wek kɔc ke Lacic, mäckï jöŋgöör kɔ̈ɔ̈th abëël ke tɔŋ. Ee yïn ë gɔl kërɛɛc de nyan de Dhiɔn, ku tɔ kɔc ke Yithriɛl wäc.

Ɣabakuk 1:8

“Jöŋgöörken aŋickï riŋ awärkï kuëc. Ku ayek ŋɛny wär aŋuööth nɛ̈k cɔk. Ku remdɛn de tɔŋ cath ë jöŋgöör kɔ̈ɔ̈th, ayek bɛ̈n tëmec. Abïk ciët cuɔɔr nyuc ë lɛ̈n ŋueet kɔ̈u.

Nyöŋ 28:25

“Bɛ̈nydït abï kɔc ke aterdun tɔ tiam week. Abäk keek mak në tuuŋ tök, ku wek bï aa kat në keek në tuŋ thook kedhie, ku kɔc ke piny nɔm kedhie, abïk riɔ̈ɔ̈c arëët të tïŋ kek kë cï tuöl tëde week.

Nyöŋ 28:49

Bɛ̈nydït abï week yiɛ̈n jur bï bɛ̈n ë piny thar, jur kuöc wek thoŋde. Abïk lööny ë we kɔ̈ɔ̈th cï cuɔɔr.