Yith 30:1 - JAM DE NHIALIC 2011

¹ Acïï Bɛ̈nydït lueel an, “Amawoou në kɔc mac Juda në biäk cïï kek ɛn rɛɛc. Akuanykï kïït kɛ̈n looi cök, ku gamkï män cie këde piɔ̈ndï, athɔckï awäc në awäc nɔm.

Yith 30:1 ပူးပေါင်းရင်းမြစ်များ

2 Mel 18:21

Wek ŋäth melik de Rip an bï we yiɛ̈n kony, ku kënë acït raan muk apäth ke ye wai thɛny en piny, ku abï dhuɔɔŋ ku riɔ̈l we, le cot ë we cin. Yen luɔi tɔ̈u ë mel de Rip ka, kekë raan ee rɔt kan në yen.”

2 Mel 18:24

Në ee remduön de tɔŋ thiinë, eeŋö yïn e cät an, duɛ̈ɛ̈rë tiam? Acakaa kɔc lik ee bɛ̈nydï tiit, duɛ̈ɛ̈rkï ke tiaam të ciɛk ë Rip we ŋuak në remde tɔŋ cath ë jöŋgöör kɔ̈ɔ̈th ku abëël kɔ̈k?

Diɛt 61:4

Tɔ ye rɛ̈ɛ̈r ɣöndu në akööl ke pïïrdï yiic kedhie, tɔ ya yök luääk në yï wuök.

Yith 1:2

Go Bɛ̈nydït lueel an, “Yïn piny ku paannhial piɛŋkï kë luɛɛl! Mïthkiën wään cä muk acïk A rɛɛc thok.

Yith 1:23

Bänyku ayek A rɛɛc, ku mɛ̈ɛ̈thkï në cuɛ̈ɛ̈r, ku ayek miɔ̈c ku kumthok nööm kedhie. Acïkï mïth abɛɛr ee kony ë gööny yic, ku cïkï gööny de diëër abɛɛr cï yiɛ̈n keek ee piŋ.

Yith 1:4

Amawoou në week, jur ee karɛc looi, kɔc ɣɛ̈ɛ̈c awɛ̈ɛ̈c thiek! Mïth ke kɔc ee karɛc looi! Wek cï Bɛ̈nydït rɛɛc, Nhialic Ɣeric de Yithriɛl ku wɛ̈lkï wekɔ̈ɔ̈th En.

Yith 1:5

Eeŋö ŋuɔɔt wek ke we jai? Kaarkï bï wo luöi këtuc aläl? Yithriɛl, nɔmdu ka cï thiäŋ ke tëtöök ku piɔ̈ndu ëbɛ̈n ayï täŋdu, acï jɔk ke dɔm.

Yith 28:15

Wek jam ke we ɣɛ̈ɛ̈c wenïïm an, “Wok cï löŋ mac në thuɔɔu ku loiku amat në paan ë thuɔɔu. Të le riääk bɛ̈n, acäk ŋic nɔn cïï yen we bï yök, në luɔi cä wek röt kan në tör ë wël ku mɛth ke bï we gël.

Yith 28:20

Wek bï jɔ ciët raan nu ë kääŋ yic, raan cï ye them bï tɔ̈c në agen cek aläl nɔm, ka acïn luöi ee yen rɔt riny, ku lupɔ ciek cï ye lëu në kum.

Yith 29:15

Amawoou në kɔc ee kïïtden thiaan në Bɛ̈nydït! Ayek kïïtden looi ë mɔ̈ɔ̈thic, ku yek tak an cïn raan bï ke tïŋ ku nɔn ŋic kë loikï.

Yith 30:9

Ayek tɔ̈u ë ceŋ ke ke reec Nhialic, ku yek käŋ töör ë ceŋ, ku reeckï wëët de Bɛ̈nydït ë ceŋ.

Yith 31:1

Amawoou në kɔc ee lɔ Rip lek kuɔɔny kɔɔr! Ayek rem dïït ë tɔŋ de Rip, ku jöŋgöör, ku abëël tɔŋ ŋɔ̈ɔ̈th. Ku acïkï Bɛ̈nydït ee ŋɔ̈ɔ̈th, Nhialic Ɣeric de Yithriɛl, ku cïkï kuɔɔny thiëc tëde yen.

Yith 32:2

Raan ëbɛ̈n ë keyiic abï ciët gëlgël ë yom ku cït tëde thiaan në amaŋ. Abïk ciët awɛɛŋ ke pïïu wat ë jɔ̈ɔ̈ric, ku cïtkï atïm liir ë kuur dït nu piny tuc cie luɔk.

Yith 4:5

Ku në kuur ë Dhiɔn nɔm, ku kɔc cï kenïïm määt ëtɛ̈ɛ̈n, Bɛ̈nydït abï ke tuöc luät aköl ku tol kekë biöl ë mac wakɔ̈u. Dhuëëŋ de Nhialic abï wut kuöm piny ëbɛ̈n ku gël.

Yith 5:18

Amawoou në week! Kɔc cïï röt ee miëët bei në awɛ̈ɛ̈ckun yiic.

Yith 63:10

ku acïk bɛ̈n rɛɛc ku tɔkï wëidït ɣerke göth. Ago Bɛ̈nydït ja aa raan de aterden ku thɛ̈ɛ̈r ke keek.

Yith 65:2

Yɛn aaye rɔt guiir ë ceŋ bä kɔckï loor nïïm, kɔc ril nïïm ee awäc looi, ku loikï kakɛn kɔ̈k.

Yith 8:11

Bɛ̈nydït acï ya yɔ̈ɔ̈k në riɛldïïtde, luɔi cän kueer kuɛny ë kɔc yiic, bï kuany yic, go lueel an,

Yith 8:12

“Du ee mɛt në kïït de kɔc yiic, ku du ee riɔ̈c në kë ye kek riɔ̈ɔ̈c.

Yith 8:19

Ku kɔc abïk week yɔ̈ɔ̈k bäk wël aa lɔ luɔp yiic tëde kɔc ee cɔ̈ɔ̈r, ku kɔc ee thuëth, kɔc ee käŋ caar ku yek käŋ mɛɛk. Abïk lueel an, “Kɔc ayek wël luɔp tëde wëi ku jamkï në kɔc cï thou në nyin de kɔc pïr.”

Jeremia 17:5

Aye Bɛ̈nydït lueel an, “Yɛn bï kɔc ee röt yal wei ë yalɔ̈ɔ̈m luöi këtuc, kɔc ee kɔc ŋɔ̈ɔ̈th, ku kɔc ŋäthkï mïth ke kɔc.

Jeremia 2:18

Eeŋö ye tak bä lɔ yök në lɔdu Rip ee luɔi bï yïn lɔ dek ë pïïu ke Kiir? Eeŋö ye tak bä lɔ yök në lɔdu Athiriya ee luɔi bï yïn lɔ dek në pïïu ke Yuparat?

Jeremia 37:7

bï lɔ lɛ̈k Dhedekia an, “Rem de tɔŋ de Rip anu kueer ke bï yïn bɛ̈n kony, ku abï rɔt pɔ̈k wunden.

Jeremia 4:17

ku abïk pänydït de Jeruthalem tuɔɔk, cï kɔc tit dom, në biäk cïï kɔcke Bɛ̈nydït rɛɛc. Acïï Bɛ̈nydït lueel.

Jeremia 42:19

Aguɔ ŋuɔɔt ke luɛɛl an, “Bɛ̈nydït acï we yɔ̈ɔ̈k wek kɔc cï döŋ Juda an duökï lɔ Rip. Ka wek jääny keek ënɔɔnë

Jeremia 5:23

Ku wek kɔckë! Wek ee kɔc ril nïïm, ku yak kɔc reec Ɛn, wek cï röt wɛl wei ku nyääŋkï ya piny.

Edhekiɛl 11:2

Go Bɛ̈nydït lɛ̈k ɛn an, “Mɛnh ë raan, kɔckë ayek kiɛɛr rac looi, ku ayek kɔc ke pänydït lɛ̈k wël rac.

Edhekiɛl 2:3

“Mɛnh ë raan yïn bä tuöc kɔc ke Yithriɛl. Jur cï a rɛɛc ku lek kenïïm pɔ̈k ɛn ku aŋootkï ke ke reec ɛn, cït man ɣɔn tɔ̈u ë kuarken.

Edhekiɛl 24:3

lɛ̈kë kɔckiën ee löŋ rɛɛc ee kääŋdiën gäm keek yɛn Bɛ̈nydït Awärjäŋ: Tääu töny mɛɛc ku thiɔ̈ɔ̈ŋ në pïïu.

Edhekiɛl 29:16

Baai de Yithriɛl acïï keek bï bɛ ŋɔ̈ɔ̈th në kuɔɔny. Riääk de Rip abï keek aa täk nïïm, ë luɔi yen awäc yen ye kek röt kan në keek. Ëtɛ̈ɛ̈n abïk jɔ ŋic nɔn yan Bɛ̈nydït Nhialic.”

Edhekiɛl 3:9

Yïn bä tɔ ril nɔm ë tör aläl, bä jamdï guiir, acïn kë bï yïn tɔ kääc. Yïn bä tɔ ril cït man ë kuur, ku kɔi, du ye riɔ̈ɔ̈c në keek kek kɔc ril nïïm.”

Ɣodh 11:6

Abätɛ̈ɛ̈u abïk lɔ bilbil në pɛ̈ɛ̈nydïtken yiic, ku abïk kɛ̈l ke pänydït dhuööŋ thook, ku riäkkï cääpkɛn cïk keek kiëët ëbɛ̈n.

Ɣodh 13:2

Ku ënɔɔnë, ayek awäc gïtic në luɔi ë cieŋ. Acïk röt luöi yiëth ke nɔmden në atekken. Yiëth cï atëët ke ŋiëc cuëëc ka acïk dikëdik, acïkï ee Nhialic. Ku yek lueel an näkkï yiëth miɔ̈c! Ku duëër kɔc yiëthkï ciim thook adï, yiëth cït gup dau!

Ɣodh 7:13

“Amawoou në week! Në biäk de kɔc cï Ya nyääŋ piny. Acïk riääk yök në baŋ cï kek wöc në Yɛn! Akaar an luäk keek, ku ayek lɔ ë ke jiëëm Ɛn guöp arac në lueth.

Dhek 4:6

Go jɔ puɔ̈k nɔm ɛn an, “Kënë ee jam lëk ë Bɛ̈nydït Dherubabel an: Acie riɛl, ku acie jööt, ee në wëikï. Yen kë cï Bɛ̈nydït de rɛm lueel ka. Eeŋö bä cök nɔm yïn kuur dït? Yïn bï rai piny në Dherubabel nɔm tueŋ, ka yïn bï nɔm kït wekë piny.

Kuɛ̈n 32:14

Ku ënɔɔnë wek cï tëde wärkun nööm, rem ë piɛc bɛ̈n de kɔc ee karɛc looi, rɛm cï röt coc kɔɔr bï agöny de Bɛ̈nydït bɛ yiɛ̈n kɔc ke Yithriɛl.

Romai 2:5

Ku yïn, në riɛl ril yïn piɔ̈u, ku në luɔi reec yïn puŋ de yïn piɔ̈u, yïn ë rɔt kuɛ̈t agönhdïït ɣet ë kööl ë agɔ̈th, akööl ë nyuöth bï löŋ piɛth cï Nhialic guiir rɔt nyuɔɔth.

Nyöŋ 29:19

Thɛmkï apiɛth ë cïn raan ë we yiic, raan piŋ ee ka kɔɔr keek ee köölë ku lee rɔt yɔ̈ɔ̈k yetök an käŋ kedhie abïk piath tëde yen, cakaa yen ë lɔ kueerdɛn däŋ gɔl, kënë aduëër week riɔ̈ɔ̈k wedhie, kɔc piɛth ayï kɔc rac akït.

Nyöŋ 9:24

Gɔl ee të wään ŋiɛc week, wek ee Bɛ̈nydït rɛɛc thok.

Nyöŋ 9:7

“Duökï nïïm mär në luöi cä wek Bɛ̈nydït Nhialicdun tɔ göth ë jɔ̈ɔ̈ric, gɔl ë kööl ɣɔn nyääŋ wek Rip piny agut të ɣëët wek eenë, wek ee Bɛ̈nydït rɛɛc.

2Tim 3:13

Ku kɔc racpiɔ̈ɔ̈th ku kɔc ee käŋ töör, racden abï lɔ ke ŋuak rɔt, abïk kɔc aa math, ku mɛthë keek aya.

Jocua 9:14

Ago kɔc ke Yithriɛl nöm në kacaamkeniic ku cïkkï Bɛ̈nydït be luɔp në biäkden.