Yith 3:26 - JAM DE NHIALIC 2011

²⁶ Dhuöör ku dhiëëu abï nu wutic cil, ku wut guöpde abï ciët tiiŋ cï nyuc piny, ke cï yɔ̈ɔ̈t kɔ̈u bei.

Yith 3:26 ပူးပေါင်းရင်းမြစ်များ

Jop 2:13

Agokï rëër në yen piny në nïn kadhorou, ke cïn raan jam ke yen, në luɔi ë cï kek këde tïŋ ke ye gök de tɔ̈ɔ̈k.

Jop 2:8

Ku nɔ̈m Jop abɔ̈c ku le nyuc ë ŋethic ke ɣɔt rɔt.

Yith 14:31

Rɔ̈lkï arëët ku dhiëëukï kuɔɔny, wek pɛ̈ɛ̈nydït ke Pilithiin! Jakï riɔ̈ɔ̈c wedhie! Luän de tɔɔr abɔ̈ të lɔ rut, ee rem de tɔŋ cïnic ariɔ̈ɔ̈c në tuŋ yiic ëbɛ̈n.

Yith 29:2

ku ëtɛ̈ɛ̈n Nhialic abï riääk bɛ̈ɛ̈i pänydïït ye cɔl an, “yïïŋ de Nhialic.” Abï dɛ dhiëëu ku dhuöör, ku pänydït ëbɛ̈n abï ciët yïïŋ cï riɔk ëbɛ̈n në riɛm.

Yith 32:14

Acakaa ɣöndït abï nyääŋ piny, ku pänydït abï yic ciɛ̈n raan taitai. Ɣööt ku ɣään cï gël abïk nu në riääkic aɣet athɛɛr. Mul roor abïk aa cath ëtɛ̈ɛ̈n, ku thök abïk aa nyuäth ëtɛ̈ɛ̈n.

Yith 33:9

Piny adhɔt ke cïn kë loi thïn, ku acï pɔ̈l. Ruɔɔr ke Lebanɔn acïk biɔɔr, wak ë Caron ee ŋiëc luɔk acï aa jɔ̈ɔ̈r, ku tiim ke Bacan ku Kuur ë Karmel alöönykï yïth piny.

Yith 47:1

Aye Bɛ̈nydït lueel an, “Babilon bäär piny në thöönydu nɔm, ku nyuc piny abuui yic ee tënë. Yïn aacï kɔn ciët nyan dhueny kën kɔn yök ke moc, pänydïït kënë kɔn peec, ku yïn cï kɔ̈c ku yïn cïï be ciët täu ɣɔn ril yïn! Yïn cï ya lïm ënɔɔnë!

Yith 6:11

Na wën ke lɛ̈k ɛn an, “Agut cï nɛn Bɛ̈nydït, yen bï ee kënë tɔ̈u aya?” Go bɛ̈ɛ̈r an, “Agut të bïï pɛ̈ɛ̈nydït riɔ̈ɔ̈k ku cïn raan dɔ̈ŋ thïn, ku cïn raan rɛ̈ɛ̈r ë ɣööt yiic, ku riääk piny ku päl piny.

Jeremia 14:2

an, “Juda adhiau, pɛ̈ɛ̈nydïtke arilkï wei. Kɔcke atɔ̈ukï piny ë jiɛthëpiɔ̈u, ku Jeruthalem adhiëëu kuɔɔny.

Jeremia 15:8

Ade diëër abɛɛr juëc pinydun, diëër wär liɛɛt ë wɛ̈ɛ̈r yɔu. Yɛn ee dhuökkun nɔ̈k ke ke kor, ku ta märken nuan. Aya keek yuöp piny ëthiäu në tɔ̈ɔ̈k ku riɔ̈ɔ̈cdït.

Dhiëëu 1:1

Eeŋö cïï Jeruthalem döŋ aya yetök, wun wään cï kɔn thiäŋ ke kɔc! Wun wään ye juöör riëëu, ënɔɔnë acï ciët tiiŋ thuööm. Adhuëëŋ ke pɛ̈ɛ̈nydït acï keek tɔ ye lïïm.

Dhiëëu 1:4

Acïn kɔc ee bɛ bɛ̈n në Luaŋdïtic, në akööl ɣeriic ke läm. Duet wään ee ket thïn acï keek thɛl wei, ku bäny de kake Nhialic adhiaukï, ku kɛ̈l ke pänydït thook alek liŋliŋ, ku Dhiɔn guöpde atök.

Dhiëëu 2:10

Röördït ke nyan de Dhiɔn ayek nyuc piny ke ke mim thook. Ku tɔ̈u abuui në kenïïm, ku ceŋkï lupɔɔ ke cual ë kekɔ̈ɔ̈th. Ku dhueec ke Jeruthalem ayek kenyïïn kuöm piny në ayäär.

Dhiëëu 2:8

Acï Bɛ̈nydït dhel nɔn bïï pɛ̈ɛ̈ny ke nyan de Dhiɔn dhil wïïk. Acï keek them arëët, nɔn bï kek dhil riääk taitai. Aloc ku pɛ̈ɛ̈ny adhɔtkï piny ënɔɔnë ke ke cï riääk ëtök.

Edhekiɛl 12:20

Pɛ̈ɛ̈nydït cï yiic thiäŋ ë kɔc ë nɔɔnë abïï ke riɔ̈ɔ̈k, ku pinyden abï döŋ ke ye jɔ̈ɔ̈r. Ëtɛ̈ɛ̈n abïk jɔ ŋic nɔn ee yɛn Bɛ̈nydït.”

Edhekiɛl 26:16

Meliik ke juöör ee cath wïïr ëbɛ̈n abïk bɛ̈n piny në thöcken nïïm. Abïk aluluutken yɔ̈ɔ̈t bei, ku bïïkï lupɔɔ amujuŋ ke bääny bei në kekɔ̈ɔ̈th, ku jɔkï nyuc piny ke ke lɛthë keek. Abïk riɔ̈ɔ̈c arëët në riääk cï yïn yök, ka lɛthden lɛthë ke acïï bï kɔ̈ɔ̈c.

Maika 1:9

“Në baŋ ye tëtök de Thamaria tëtök cie dem, ee tëtök ee thuɔɔu bɛ̈ɛ̈i, ku abï Juda cuööp. Abï ɣet ë Jeruthalem yic cil, wun ë kɔckï.

Math 11:17

luelkï an, “Wok ë kaaŋ kuöth week, ku wek kën cöŋ, ku wok ë dhiau ë wenïïm, ku wek kën dhuöör.

Luk 19:44

Ku abïk yï rai piny abä nɔm kït we piny, yïn wekë mïthkuön nu ë yïyic, ku acïn kuur töŋ bïk nyääŋ piny ë kuur däŋ nɔm ë yïyic, luɔi kuc yïn kööl ë nɛ̈mduön cï yï neem!”