Yith 3:16 - JAM DE NHIALIC 2011

¹⁶ Acïï Bɛ̈nydït lueel an, “Tiëŋkï luɔi ye diëër ke Dhiɔn ke nïïm ɣääc! Ayek cath ke ke muk ke wuum nhial, ku yek kɔc math nyïïn ku ŋuakkï läk nyin, ku ceŋkï joth në ke kaam.

Yith 3:16 ပူးပေါင်းရင်းမြစ်များ

Kɛ̈ŋ 16:18

Lɛc aye riääk kuany cök.

Kɛ̈ŋ 21:4

Daai de yic lɛc ku piɔ̈n cï thiäŋ ë lɛc, yen ee many alath ë kɔc ee karɛc looi ku yen ee kërac.

Kɛ̈ŋ 30:13

Ade kɔc kɔ̈k ee kenïïm ɣääc, ku ayek daai ke ke biɔn kɔc gup.

Diɛt ke 3:11

Diëër ke Dhiɔn, bäkï tiëŋkï melik Tholomon. Aceŋ göl cïï ë man tääu në yenɔm, në kööl ɣɔn thiëëk en, kööl ɣɔn de miɛt ë piɔ̈nde kekë ayum de yen piɔ̈u.

Yith 1:8

Nyan de Dhiɔn ë nyääŋ piny yetök ke cï tuɔɔk ke cït kë cïn raan gël en, ku yen ë ciët aduël ku nɔn ee kät ye raan dom tiit.

Yith 24:4

Piny abï dëu ku biɔɔr, piny nɔm ëbɛ̈n abï lɔ ke kɔ̈c, piny ke paannhial kedhie abïk dhiap.

Yith 3:1

Ënɔɔnë Bɛ̈nydït de rɛm, akɔɔr bïï këriëëc nyaai ëbɛ̈n në Jeruthalem ku Juda, raan ëbɛ̈n ku kak ee kɔc kony. Abï kacaamken ku pïïuken nyaai,

Yith 3:17

Ku Bɛ̈nydït abï diëër ke Dhiɔn luöi këtuc ku muut kenïïm ku abï Bɛ̈nydït ke pɔ̈l ke ke cï nïïm baar.”

Yith 3:18

Ade kööl bɔ̈ kööl bï Bɛ̈nydït këriëëc ye diëër ke Jeruthalem röt leec nyaai, yï joth yek cieŋ në ke kaam ku kenïïm ku ke yiëth,

Yith 3:4

Bɛ̈nydït abï wɛ̈ɛ̈t kor tɔ ee bänyken, ku tɔ mïth thiiakäŋ nu kenïïm.

Yith 4:4

Ku në riɛlde Bɛ̈nydït abï löŋ guiir, ku jɔ jur tɔ ɣeric ku wɛɛk awäny de Dhiɔn wei, ku lɔ rim ɣɔn cï lɛ̈u piny ë Jeruthalem.

Dhep 3:11

Në ee köölë wek kɔckï, wek cïï gup bï bɛ riɔ̈ɔ̈c në biäk ɣɔn cä wek A rɛɛc. Yɛn bï raan ëbɛ̈n nyaai, raan ee yenɔm ɣääc de guöp lɛc, ku wek cïï Ya bï bɛ rɛɛc në kuurdiën ɣeric nɔm.

Math 21:5

“Yɔ̈ɔ̈kkï nyan de Dhiɔn an, “Tïŋ, melikdu abɔ̈ të nu yïn! Ë rɔt kuɔɔr piny, ku acath ë mul kɔ̈u, ku ciɛth ë dau kɔ̈u dan ë mul.”

Luk 23:28

Go Yecu yenɔm wɛ̈l keek, ku lueel an, “Wek nyïïr ke Jeruthalem, duökï ya dhiëëu, dhiëëukï röt, ku mïthkun.