Yith 29:19 - JAM DE NHIALIC 2011

¹⁹ Kɔc kuanynyïïn ku kɔc ee röt kuɔɔr piny abïk miɛtëpiɔ̈u bɛ yök tëde Bɛ̈nydït, Nhialic Ɣeric de Yithriɛl.

Yith 29:19 ပူးပေါင်းရင်းမြစ်များ

Diɛt 12:5

Go Bɛ̈nydït lueel an, “Yɛn bï jɔ bɛ̈n ënɔɔnë në luɔi cïï kɔc kuanynyïïn yɔŋ ku kɔc yɔŋ keek ayek teer në arɛɛm. Abä ke gam lɔ̈ŋ kɔɔrkï ë caŋ ɣɔn.”

Diɛt 149:4

Bɛ̈nydït ee miɛtëpiɔ̈u yök tëde kɔcke, ee kɔc ee röt kuɔɔr piny dhuëëŋ gup ë tiëm.

Diɛt 22:27

Kɔc ke piny thar ëbɛ̈n abïk kenïïm tak ku bekï röt puɔ̈k Bɛ̈nydït. Juöör kedhie abïk Bɛ̈nydït bɛ lam.

Diɛt 25:9

Ee kɔc ee röt kuɔɔr piny nyuöth yith, ku wëët ke në kuɛɛrke.

Diɛt 37:11

Ku kɔc ee röt kuɔɔr piny, abïk piny lɔ̈ɔ̈k lak, ku abïk kuɛth ku rëërkï ë mät.

Diɛt 9:18

Ku kɔc kuanynyïïn, acïï keek bïï kɔn rɛɛc, ku aŋäth de kɔc cïn käŋ acïï bï dhɔ̈ŋic aɣet athɛɛr.

Yith 11:4

abï löŋ de kɔc kuanynyïïn guiir ë piathëpiɔ̈u, ku ee yic de kɔc cïn nïïm riɛl kuöny keek. Në kë cï lueel abï kɔc tɔ luɔiyë këtuc, ku kɔc ee karɛc looi abïk thou.

Yith 14:30

Bɛ̈nydït abï aa tïn de kɔckɛn kuanynyïïn ku abï kɛ̈ide tɔ rɛ̈ɛ̈r ë mätic. Ku abï cɔŋ rac tuöc week wek Pilithiin, ku acïn raan töŋ bïï pɔ̈l apïïr në we yiic.

Yith 14:32

Eeŋö buk lɛ̈k tuuc ke jur? Abuk lɛ̈k keek an Bɛ̈nydït ë Dhiɔn yïk ke kɔckɛn kuanynyïïn ke ke bï mät yök ëtɛ̈ɛ̈n.

Yith 25:4

Kɔc kuanynyïïn ku kɔc cïn käŋ acïk kɔt të nu Yïn ku acï ke kony në akööl ke nuan. Acï ke gäm gëlgël në amaŋ ku atïm gël keek në atuöc kɔc ke akuöörkuöör ayek kɔc mak cït man amaŋ de rut ë ɣöt kɔ̈u.

Yith 26:6

Kɔc cï yɔŋ ayek cath ë ye yekɔ̈u ku dumkï piny ë kecök.

Yith 3:14

Bɛ̈nydït abï röördït ke wut, ku bäny ke kɔcke bɛ̈ɛ̈i ë luk nɔm. Aake gɔɔny an, “Wek ë duum ke tiim yak, ka ɣöötkun acïk thiäŋ në kak ë nämkï tëde kɔc kuanynyïïn.

Yith 3:15

Wek cïn nïïm yic bäk kɔckï duöm piny, ku yaŋkï kɔc kuanynyïïn, ee Yɛn Bɛ̈nydït Awärjäŋ yɛn ajam.”

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Yith 61:1

Bɛ̈nydït Awärjäŋ acï ya thiɔ̈ɔ̈ŋ në wëike. Acï ya lɔc ku tooc ɛn bä wëlpiɛth yiɛ̈n kɔc kuanynyïïn, Bä kɔc jieth piɔ̈ɔ̈th bɛ̈n duut piɔ̈ɔ̈th, ku bä luny de kɔc cï peec bɛ̈n caal, ku lony kɔc cï mac.

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Yith 66:2

Yɛn në guöpdï Yɛn aa cak pinynɔm! Yɛn mit piɔ̈u wo kɔc ee röt kuɔɔr piny ku gɛmkï awɛ̈ɛ̈cken, kɔc ee riɔ̈ɔ̈c në Yɛn ku yek ya riëëu.

Danyel 12:4

Go ë tunynhial lɛ̈k ɛn an, “Ku ënɔɔnë, Danyel, thiɔ̈k awerek ku bot thok aɣët cï thök de piny nɔm. Ku kɔc juëc abïk kaamdït thöl ke ke kɔɔr luöi bï kek kë loi rɔt yökic.

Ɣabakuk 3:18

ke yɛn bï ŋoot ke ya mit piɔ̈u në biäk konyë Nhialic ɛn.

Dhep 2:3

Calkï Bɛ̈nydït wek kɔc ee röt kuɔɔr piny cieŋ piny, kɔc ee löŋde gam. Liɛpkï piathëpiɔ̈u, ku koor ë rɔt piny. Tɛk däŋ bäk poth në këtuc thok në kööl agönh de Bɛ̈nydït.

Math 11:29

Damkï luɔidï, ku yak röt piɔ̈ɔ̈c ë yɛn, yɛn ŋic rëër ëmääth, ku yɛn ee rɔt tɔ koor, ke we bï lɔ̈ŋ yök ë wepiɔ̈ɔ̈th.

Math 11:5

Cöör ayïnkï, ku ŋöl aciɛthkï apiɛth, kɔc de gup wɛth acïk gup waar, mïŋ apïŋkï, kɔc cï thou acï ke jat nhial ka cïk pïïr, ku kɔc kuanynyïïn aye ke guiëër wëlpiɛth.

Math 5:3

“Thieithieei ë kɔc kuanynyïïn në wëiken, ciɛɛŋ de paannhial ee këden.

Math 5:5

Thieithieei ë kɔc ë röt tɔ kor, abïk piny lɔ̈ɔ̈k lak.

Epethiei 4:2

Në kuur aa wek röt kuɔɔr piny, ku në rëër aa wek rëër ëmääth, ku në liɛɛr ë wepiɔ̈ɔ̈th, bäk aa rëër apiɛth ëtök në nhiëër.

Pilipoi 4:4

Yak piɔ̈ɔ̈th miɛt ë Bɛ̈nydïtic ë aköölnyïïn kedhie: abä nyɔkic an, Yak piɔ̈ɔ̈th miɛt!

Jakop 1:21

Yen päl wek cuɔlëpiɔ̈u ëbɛ̈n, ku luɔi rɛɛc gäk, ku jakï jam cï piith ë weyiic dɔm në kuur aa wek röt tɔ kor, yen aye jam duëër we kony wëi.

Jakop 1:9

Ë mɛnhkënëdan nu ciëën ë mit piɔ̈u nɔn cï e tääu tueŋ:

Jakop 2:5

Piɛŋkï wek mïthëkɔckuɔn nhiaar! Kën Nhialic kɔc kuanynyïïn lɔc, kɔc kuanynyïïn në kakë piny nɔm, bïk aa kɔc dïït ë gäm, ku yek kɔc bï ciɛɛŋ lɔ̈ɔ̈k lak, ciɛɛŋ cïï Nhialic kɔn lueel an, bï gäm kɔc nhiaar en?