Yith 29:14 - JAM DE NHIALIC 2011

¹⁴ Në biäk de ee kënë, yɛn bï kagɛ̈iyë looi në kɔc yiic. Ku ta pɛlënɔm de röör pelnïïm tɔ cïn naamden, ku ta kɔc de ŋïnydekäŋ tɔ kuc käŋ.”

Yith 29:14 ပူးပေါင်းရင်းမြစ်များ

Jop 12:17

Ee pɛlënɔm ë röördït ee kɔc jääm nyaai ku tɔ bäny tɔ cït dhän.

Jop 5:13

Yen ee kɔc ee rɔt tɔ ye ka pel nïïm dɔm në dɛ̈pdenic, ke kïïtdɛn ë ruëëny bïï dap tɔ kääc.

Yith 10:12

Ku acïï bɛ̈nydït lueel an, “Të cän kë luɔi thöl në kuur ë Dhiɔn kekë Jeruthalem, Yɛn bï melik de Athiriya luöi këtuc, në biäk yen ë nɔm ɣääc ku leec rɔt.”

Yith 19:3

Kɔc ke Rip acïkï piɔ̈ɔ̈th bï riɛl, yɛn bï täŋden liääp. Abïk kuɔɔny aa thiëëc tëde yiëthken, ku abïk lɔ ku lopkï kɔc ee cɔ̈ɔ̈r, ku thiëkkï wëi ë kɔc cï thou në kë bï looi

Yith 28:21

Bɛ̈nydït abï thɔ̈ɔ̈r cït man ɣɔn thɛ̈ɛ̈r en në kuur ë Peradhim ku në wak ë Gibiɔn yic, në luɔi de yen këdɛn kɔɔr bïï looi, cakaa nɔn dhɛl ë këde kɔc. Abï këde dhil thöl ë luɔi, yen luɔidɛn cï moony.

Yith 44:25

Yɛn cï kɔc ee käŋ caar tɔ cït dhän, ku ta kɔc ee kanhial caar rac piɔ̈ɔ̈th. Ku jääny wël ke röör pelnïïm ku ta ŋïnydɛn de käŋ ee dhɔ̈ɔ̈n.

Yith 63:17

Eeŋö yïn wo tɔ mär kueerdu? Eeŋö yïn wo tɔ ril nïïm abuk röt yal wei në kueerdu yic? Bä ciëën, në biäk de kɔc ee yïn luööi, ku në biäk de dhiëën ee kaku.

Yith 65:7

në biäk de awɛ̈ɛ̈cken, ku awɛ̈ɛ̈c ke kuarken. Acïk wal ŋïr nyop në kur ke yiëth nïïm, ku luelkï karɛc në biäkdï. Ka abä keek luöi këtuc rɔ̈ŋ ke kathɛɛr cïk looi.”

Jeremia 19:7

Yɛn bï kiɛɛr de kɔc ke Juda ku kɔc ke Jeruthalem tɔ cïn naamden eetënë. Yɛn bï kɔc ater tɔ tiam keek ku näk keek ë tɔŋic. Yɛn bï gupken gäm diɛt ku läi roor bïk cam.

Jeremia 49:7

Kën ë lueel Bɛ̈nydït de rɛm kï në biäk de Edom an, “Cï kɔc ke Teman nïïm määr në guiëërdɛn piɛth? Cïn kë duëër ë kɔckɛn ee ke jääm lɛ̈k keek, kë bïk looi? Cï pɛlënɔmden ëbɛ̈n jäl tëde keek?”

Obadaya 1:8

“Yɛn bï röör pelnïïm ke Edom riɔ̈ɔ̈k në ee kööl manë guöp, ku nyaai pɛlënɔmden.

Ɣabakuk 1:5

Na wën, ke bëër ë Bɛ̈nydït an, “Wɔikï juöör apiɛth, ku wek bï gäi arëët. Kërɛɛc bä luöi keek në aköölkuönkë yiic, ee kë cäkï duëër gam na cak lɛ̈k week.

Luk 10:24

Wek yɔ̈ɔ̈k an, tït juëc ayï meliik acïk piɔ̈ɔ̈th dɛ luɔi tïŋ kek ka wɔikï ku akënkï ke tïŋ, ku luɔi piŋ kek ka piɛŋkï, ku akënkï piŋ.”

Romai 1:28

Reec cï kek ŋïny de Nhialic rɛɛc muk ë kepiɔ̈ɔ̈th, yen aa koonë Nhialic keek, abïk nïïm rac ëtaiwei, bïk käŋ aa looi ka cïï röŋ ë luɔi duëër raan ke looi.

1 Kor 3:19

Pɛlënɔm ee pinyë ee dhɔ̈ɔ̈n tëde Nhialic, luɔi cï ë gɔ̈ɔ̈r an, “Aye kɔc pelnïïm dɔm në ruëënydenic”,