Yith 28:7 - JAM DE NHIALIC 2011

⁷ Acakaa nɔn ye bäny ke kake Nhialic ku tït wiɛɛt ë mɔ̈u ku yek tuëk. Acïk wiɛɛt ë mɔ̈n tuc arëët ka yek cath ë käŋkäŋ ke ke cï nïïm nuɔɔn. Tït ke Nhialic acïk wiɛɛt ë mɔ̈n tuc ka acïkï nyuuth cïï Nhialic tuööc ee bɛ yökic, ku bäny ke kake Nhialic acïk wiɛɛt ka acïkï göny cï yiɛ̈n keek ee guiir.

Yith 28:7 ပူးပေါင်းရင်းမြစ်များ

Diɛt 107:27

Ayek kɔ̈th ku tuëkkï cï kɔc cï miɔ̈l ë mɔ̈u, riɛlden ëbɛ̈n ciɛ̈n naamde.

Kɛ̈ŋ 20:1

Mɔ̈u ade guöp agɛɛt ayï mɔ̈n tuc ee kɔc kɛ̈ɛ̈k, raan ëbɛ̈n raan ee rɔt tɔ thel ë mɔ̈u wei acïï nɔm pel.

Kɛ̈ŋ 23:30

Cie kɔc ee gääu ë mɔ̈u thar, kɔc ee mäu määt nïïm në dëk?

Wɛ̈ɛ̈t 10:17

Thieithieei në yïn, yïn wun ee bɛ̈nyde wën ë bɛ̈ny ku ye adhuëëŋ ke wunde këcamdït luöi röt në thaar rɔ̈ŋ, në biäk de riɛl ë guöp ke cie wiɛ̈ɛ̈t ë mɔ̈u.

Yith 19:14

Acïï Bɛ̈nydït keek tɔ gɛm wël ke anuɔɔn. Në biäk de ee kën, Rip ee kërac ëbɛ̈n looi, ka cï ciët raan cï wiɛɛt ë mɔ̈u ee rieth ë ŋɔkke yiic.

Yith 22:13

Ke we dɔl ku luɔikï dhuëëŋ de miɛtëpiɔ̈u. Wek cï thök ku ɣɔ̈k nɔ̈k bäk keek cuet, ku dɛ̈kkï ë mɔ̈u. Ku yak lueel an, “Bäk ciëmku ku dëkku në luɔi bï wok thou miäk.”

Yith 24:2

Raan ëbɛ̈n abï ë kënë yök, bäny ke kake Nhialic, ku kɔc tei, lïïm ku bäny, kɔc ee ɣööc ku kɔc ee käŋ ɣaac, kɔc ee kɔc dhɛ̈ɛ̈n ku kɔc ee dhëën, ku kɔc kueth ku kɔc kuanynyïïn.

Yith 24:20

Piny guöpde abï tuëk ë käŋkäŋ cï raan cï wiɛɛt, ku tɛɛny rɔ cï kät beŋ ë amaŋ. Piny nɔm acïï awɛ̈ɛ̈cke tiaam, abï wïïk ku acïï rɔt bï bɛ jɔt.

Yith 28:1

Amawoou në ciɛɛŋ de Yithriɛl! Dhuëëŋde athök cï göl de gaak nu ë bänykɛn cï wiɛɛt ë mɔ̈u nïïm. Bänykɛn de gup lɛc acïk röt tɔ piɛth në aŋiëër, ku adhɔtkï piny ke ke thou në mɔ̈u.

Yith 29:11

Nyuuth cïï tït ke Nhialic lueel ëbɛ̈n abïï ke thiaan në week, abï ciët awerek cï guur thok. Na lak yiɛ̈n raan ŋic kuɛ̈n ku thiëckï ke bï kuɛ̈n week, abï lueel an, “Acä bï lëu në kuɛ̈n ë luɔi cïï ye guur thok.

Yith 3:12

Mïth kor ayɔŋkï kɔckï, ku ceŋ diäär keek. Acäk tïŋ ënɔɔnë kɔckï, luɔi kuc ë bänykun week mac, ke cäkï bï ŋic yen kueer wel kek wenïïm thïn

Yith 43:27

Kuarkuön ɣɔn thɛɛr acïk wäc, bänykun acïk ɛn luöi awäc,

Yith 5:11

Amawoou! Në kɔc ee röt jɔt miäk aduur ke ke lɔ dek ë mɔ̈n tuc, ku ruukï ke ke dek abï piny dït, abï mɔ̈u ke tuööc cït many dɛ̈p.

Yith 5:22

Amawoou në week! Wek jööt ril ke mɔ̈u ku yak wiɛɛt në ë mäu tuc cï määt nïïm!

Yith 5:23

Në kumthok yen aya wek kɔc de guöp gääk pɔ̈l, ku pɛ̈nkï kɔc cïn kë cïk wööc yicden.

Jeremia 14:14

Go ë Bɛ̈nydï bɛ̈ɛ̈r an, “Tït aluelkï lueth në rinkï, akɛ̈n keek tooc, ku akɛ̈n keek yɔ̈ɔ̈k, ku acïn jam töŋ cä lɛ̈k keek. Yen nyuuth jiɛɛm kek ee këden, aacïï bɔ̈ tëde Yɛn, ka caarkï ayek lueth, kakɛn ë thööŋkï keek ë kenïïm.

Jeremia 23:13

Yɛn cï karɛc ke tït ke Thamaria tïŋ, acïk jam ë rin ke Baal, ku acïk kɔckï tɔ mär.

Jeremia 23:16

Acïï Bɛ̈nydït de rɛm lɛ̈k kɔc ke Jeruthalem an, “Duökï kë lueel ë tït piŋ, athiɔ̈ŋkï week në aŋäth ɣɔ̈ric. Ayek we lɛ̈k kë yek thɔ̈ɔ̈ŋ, ke cie kën ë luɛɛl.

Dhiëëu 2:4

Acï wiɛth ke dhɛ̈ŋkë wël nɔm wook cï raan de ater. Acï kɔc ee wook miët piɔ̈ɔ̈th ku kɔc ee wook tɔ lɔ piɔ̈ɔ̈th yum nɔ̈k kedhie. Wok cï atuöc de agönhde yök ë nyan de Dhiɔn yic eenë.

Edhekiɛl 13:7

Lɛ̈kë keek an: Nyuuth yak keek tïŋ ayek lueth, ku cäär yak looi ee tör. Ayak lueel an ee wëlkï, ku yɛn kën jam wo week!”

Edhekiɛl 44:21

Bäny ke kake Nhialic acïkï bï dhil aa dek në mɔ̈u të kën kek kɔn lɔ Luaŋdït.

Ɣodh 7:5

Në aköölkɛn dhuëëŋ kek melik guöp, bäny mɛ̈tkï në melik ëtök, ayek wiɛɛt në mɔ̈u, ku pukkï röt lɛ̈ɛ̈tkï Nhialic.

Maika 2:11

“Të de yen aluenh cï bɛ̈n, ku lëk week an, ‘Wek bä thuɛ̈th mɔ̈u ayï mɔ̈n tuc, ka bïk juëc.’ Yen tiët yak gam ka.

Ɣabakuk 2:15

Amawoou në week, wek kɔc cï wuöt thiääk në week kuɔɔr piny ku takï keek yäär, ku jakï keek tɔ cath ë käŋkäŋ cï ka cï wiɛɛt.

Ɣabakuk 2:16

Agönh ë Bɛ̈nydït abɔ̈ të nu wek gupkun ka bäk yök aya, ka we bï ciët ka cï wiɛɛt ku kɔc abïk we bɛ aa dɔl gup. Ku luɔi duëër kek we dhuëëŋ gup ke abïk we bɛ biɔɔn gup ka we bï yäär.

Math 24:29

Na ëlë ënɔnthiinë, të cï këtuc ë aköölkë thök, ke akɔ̈l abï cuɔl, ku pɛɛi acïï bï ruɛl, ku kuɛl abïk löny nhial, ku riɛl dït ke tënhial abï ke niɛŋ.

Luk 21:34

“Yak röt tiit, ke we cïï piɔ̈ɔ̈th bï aa thiäŋ në kajuëc yak cam, ku wïn ee mɔu we wit, ku diɛɛr në ka ke pïïr ënɔɔnë, ke we cïï ëköölë bï mook ëthiäu.

Epethiei 5:28

Yen acït nhiëër duëërë röör diëërken nhiaar aya, cït man nhiɛɛr kek kegup. Raan nhiaar tiiŋde ke nhiaar rɔt.