Yith 27:13 - JAM DE NHIALIC 2011

¹³ Të le ëköölë bɛ̈n, kaaŋ abï kooth, kaaŋ cöölë kɔc ke Yithriɛl bei në Athiriya ku Rip, tëdɛn cï kek pɛɛc thïn. Abïk Bɛ̈nydït bɛ̈n lam ë Jeruthalem, ë kuurdɛn ɣeric nɔm.

Yith 27:13 ပူးပေါင်းရင်းမြစ်များ

2 Mel 17:6

Në ruöön ye run ke Ɣocia dhoŋuan, go melik de Athiriya Thamaria dɔm, ku peec kɔc ke Yithriɛl leerë ke Athiriya, ku tɔ kɔc kɔ̈k rɛ̈ɛ̈r wun cɔl Ɣala, ku tɔ kɔ̈k rɛ̈ɛ̈r në wɛ̈ɛ̈r ë Ɣabor yɔu në aken ë Godhan nɔm, ku tɔ kɔc kɔ̈k rɛ̈ɛ̈r në wuöt ke Media yiic.

1 Lëk 15:24

Ku Cebania, ku Jocapat, ku Nethaniɛl, ku Amathai, ku Dhekaria, ku Benaya, ku Eliedher, bɛ̈ny de kake Nhialic, ee yen bï kaaŋ aa kooth në athänduŋ de män ë Nhialic nɔm. Ku Obed Edom, ku Jeɣia keek aya abïk aa kɔc ee tïït në kal de Athänduŋ de mät thok.

Diɛt 47:5

Nhialic ee lɔ nhial në thööcde nɔm. Ade awuɔɔu de miɛtëpiɔ̈u ku kuöth de kɛŋ ëtɛ̈ɛ̈n, të le Bɛ̈nydït nhial.

Diɛt 81:3

Kuɔthkï kaaŋ në biäk de dhuëëŋ, të wil ë pɛɛi ku të kɛ̈ɛ̈c ë pɛɛi cil.

Diɛt 89:15

Ee miɛtëpiɔ̈u yïndï yen ee tɔ̈u kekë kɔc ee Yïn lam në diɛt, ku yek rɛ̈ɛ̈r në ɣɛɛr de piathëpiɔ̈ndu yic!

Yith 11:11

Të lee köölë bɛ̈n, Bɛ̈nydït abï riɛlde bɛ looi ku bïï kɔc baai, kɔckɛn wään cï döŋ Athiriya ku Rip, ku piny de Pathroth, ku Kuc ku Eelam, Ku Babilonia ku Ɣamath ku wɛ̈th thook ku tuöör ke wɛ̈ɛ̈r yiic.

Yith 11:12

Bɛ̈nydït abï beer jat nhial, ke bï ë juöör ŋic nɔn mɛ̈ɛ̈t En kɔckɛn ke Yithriɛl ku kɔckɛn ke Juda yiic, kɔc cï thiäi. Ku bïï ke ciëën në aguuk ke piny yiic kaŋuan.

Yith 11:16

Abï dɛ kueer dït ee jäl në Athiriya, bïï kɔckɛn ke Yithriɛl cï döŋ apïïr ëtɛ̈ɛ̈n tëëk ke ke bɔ̈, cït man ɣɔn de yen kueer ë bïï kuarken bei paan ë Rip.

Yith 18:3

Piŋ yïn raan ëbɛ̈n ceŋ piny nɔm! Woi yɛn gut beerdï piny ë kur nïïm! Të kuɔɔth ɛn kaaŋ ke piŋ!

Yith 19:21

Bɛ̈nydït abï rɔt nyuöth kɔc ke Rip, ku abïk ŋic ku lamkï, ku abïk gäm ka näk ku miɔ̈c. Ku abïk gutguut aa lɛ̈k Bɛ̈nydït ku gɛmkï kë cïï kek gutguut lueel.

Yith 19:22

Bɛ̈nydït abï kɔc ke Rip luöi këtuc, ku ëtɛ̈ɛ̈n abï ke tɔ dem. Abïk röt pɔ̈k En, ku abï lɔ̈ŋden piŋ ku tɔ keek dem.

Yith 2:11

Ade kööl bɔ̈, kööl bïï dït ye raan rɔ tɔ dït kääc, ku riäk lɛc. Ku ëtɛ̈ɛ̈n Bɛ̈nydït Yetök Yen abï aa mɔ̈k nhial.

Yith 2:2

Në akööl bï bɛ̈n tueŋë, kuur ee yen kɛ̈ɛ̈c ë Luaŋdït ë yenɔm abï aa yen ee tëde naamde në keek kedhie, aloocdïït bäär wär kur nïïm ëbɛ̈n. Juöör ke piny nɔm, abïk aa bɛ̈n kekë wɛ̈l röt ëtɛ̈ɛ̈n,

Yith 2:3

Ku abï kɔcke aa lueel an, “Bäkkï, lokku ë kuur ë Bɛ̈nydït nɔm të nu ë Luaŋdïït de Nhialic de Yithriɛl thïn, ku ëtɛ̈ɛ̈n abï wo nyuöth kë buk looi, wok bï cath në kueerdɛn cï lɔcic. Në biäk ye wëët ë Bɛ̈nydït bɛ̈n ë Dhiɔn, në Jeruthalem yen En jam ke kɔcke.”

Yith 25:6

Eenë në kuur ë Dhiɔn nɔm Bɛ̈nydït de rɛm abï dhuëëŋ de këcam luöi juöör ke piny nɔm, dhuëëŋ de këcam cuai arëët ku mɔ̈n mit.

Yith 43:6

Yɛn kɔc ke biäk të lɔ rut yɔ̈ɔ̈k bïk ke tɔ jël, ku kɔc ke wöuwic cïkï keek bï pëën, takkï kɔckï puk röt në piiny mec yiic piiny mec nu ë piny nɔm.

Yith 49:7

Acïï Nhialic de Yithriɛl ɣeric lɛ̈k, raan cï dhɔɔt guöp arëët, raan mɛɛn ë juöör ëbɛ̈n ku ye awun de bäny: “Meliik abïk yïn tïŋ ke yï cï lony, ku abïk röt jɔt ku nyuthkï yï riëëuden, abïï wɛ̈ɛ̈t meliik tïŋ aya, ku abïk kenïïm guöt piny riëëu rïïu kek yïn.” Kënë abï rɔt looi, në biäk cïï Bɛ̈nydït awunde lɔc, Nhialic Ɣeric de Yithriɛl ee gutguutke muk.

Yith 56:8

Bɛ̈nydït Awärjäŋ wään cï kɔckɛn ke Yithriɛl lɔ puɔ̈k nïïm ciëën pinyden të wään cïï ë keek peec, acï gutguut lueel nɔn bïï yen ŋoot ke bïï kɔc kɔ̈k bï röt mät keek.

Yith 66:18

Yɛn ŋic täŋden ku ka yek looi. Yɛn bɔ̈ bä kɔc ke juöör ëbɛ̈n määt yiic. Të cïï kek kenïïm mat abïk jɔ tïŋ yen kë duëër riɛldï looi

Yith 66:23

Në dhuëëŋ de pɛɛi ë piac wil ëbɛ̈n, ku akööl ke Thabath kedhie, kɔc ke juöör ëbɛ̈n abïk a bɛ̈n lam ë Jeruthalem ee tënë, acïï Bɛ̈nydït lueel.

Jeremia 31:6

Ee yic, akööl abïkï, akööl bï kɔc ee tïït në piny ë kuur de Eparaim yic, aa cööt an, ‘Lokku Dhiɔn, të nu Bɛ̈nydït Nhialicda.’”

Jeremia 43:7

Agokï jɔ lɔ piny de Rip, në luöi kën kek röl de Bɛ̈nydït riëëu. Gokï jɔ ɣet pänydït de Tapaneth.

Jeremia 44:28

Ku kɔc liaakäŋ ë weyiic abïk poth ë thuɔɔu thok, ku abïk bɛ̈n ciëën ë Rip lekkï Juda. Ku abïï kɔc pïïr jɔ ŋic ee jam de ŋa yen cïï aa yic, ee këdï ku ee këden.

Edhekiɛl 20:34

Wek bä nyuöth riɛldï ku agönhdï, të lan week lɔ määt yiic tëtök, ku bɛ̈ɛ̈i week ciëën në wuöt ke piny nɔm yiic ëbɛ̈n, ɣään wään cïï ë week thiäi thïn.

Edhekiɛl 20:41

Ku të cän we bɛ̈ɛ̈i bei në wuöt wään cïï ë week thiäi thïn yiic, ku määt we yiic wedhie tëtök, yɛn bï miɔ̈cduön cï nyop gam, ku abïï juöör ëbɛ̈n tïŋ nɔn ɣɛɛr yɛn yic.

Edhekiɛl 39:25

Acïï Bɛ̈nydït Awärjäŋ lueel an, “Ku ënɔɔnë yɛn bï piɔ̈u kok në kuat de Jakop, baai de Yithriɛl, ku abä ke bɛ tɔ kueth. Yɛn bï rinkiën ɣer yiic gël.

Danyel 11:45

Ku abï paanydɛndït ë bääny jɔ tääu piny në kaam de wɛ̈ɛ̈r kekë kuur ɣeric kɛ̈ɛ̈c ë Luaŋdït ë yenɔm. Ku abï thou, ke cïn raan töŋ nu ëtɛ̈ɛ̈n bï yen luök.”

Ɣodh 11:11

Abïk dap bɛ̈n ciëën paan ë Rip cït diɛt pär, ku dapkï bɛ̈n ciëën në Athiriya cït guuk ŋic wut. Ku abä keek dɔ̈k nïïm paanden. Ee Yɛn Bɛ̈nydït Yɛn ë luel ee kënë.

Ɣodh 8:13

Ayek Ɛn gäm miɔ̈c, ku pukkï röt cuetkï rïŋ. Bɛ̈nydït acïï piɔ̈u mit ke keek. Bɛ̈nydït acïï awɛ̈ɛ̈cken bï puɔ̈l, abï keek luöi këtuc në baŋ de karɛcken. Ka abä keek be tɔ ye lïïm, cït man ɣɔn kɔnë keek lïïm paan ë Rip.

Ɣodh 9:3

Kɔc ke Yithriɛl acïkï bï bɛ rëër piny de Bɛ̈nydït, kɔc ke Eparaim abïk kenïïm puɔ̈k në lïïmic cït man ɣɔn kɔn kek tɔ̈u paan ë Rip. Ka abïk aa lɔ cam në këcam nhiany piny de Athiriya.

Lebai 25:9

Na ëlë në kööl de thiëër ë pɛɛi de dhorou, Kööl de atɛɛm, toc raan bï kaaŋ lɔ kooth ë wuötiic paandun ëbɛ̈n

Maika 7:14

Tit kɔcku apiɛth Bɛ̈nydït, kɔckuön cï lɔc. Arëërkï roor ënɔɔnë kapäc. Ee Yïn abï ke lɛɛr piny piɛth de Bacan ku Giliyad, cït man ɣɔn ye kek kɔn tɔ̈u ɣɔn thɛɛr.

Dhek 14:16

Ëtɛ̈ɛ̈n juöör cï dɔ̈ŋ ke ke pïïr ëbɛ̈n, në juöör wään cï Jeruthalem mak, abïk aa lɔ ëtɛ̈ɛ̈n ë run nyïïn ëbɛ̈n bïk Bɛ̈nydït de rɛm lɔ lam ke ee Melik, ku abïk dhuëëŋ de kɛ̈ɛ̈t lɔ looi.

Dhek 8:7

Acïï Bɛ̈nydït de rɛm lueel an, Kɔckï abä keek luäk bei në wuöt nu të lɔ aköl amiäk ku wuöt nu të lɔ aköl athɛ̈i të cï ë keek lɛɛr thïn,

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.

Math 24:31

Na ëlë, abï tuuckɛn nhial tooc në kaaŋ kök arëët, lek kɔc cï lɔc kut nïïm, kɔc nu të lɔ rut, ku wöuwic, ku të lɔ aköl amiäk, ku të lɔ aköl athɛ̈i, gɔl ë nhial baŋ tök aɣët nhial baŋ tui.

Luk 4:18

“Wëidït ke Bɛ̈nydït acïk nyuc ë yaguöp, En aa tɔc en a guöp, bä kɔc kuanynyïïn aa guiëër wëlpiɛth. Acï a tooc bä kɔc cï piɔ̈ɔ̈th jiɛth bɛ̈n duut piɔ̈ɔ̈th, Ku bä kɔc cï mac bɛ̈n guiëër luny bï ke lony, Ku guiëër cöör yïn bï kek bɛ yïn,

Romai 10:18

Ku wek thiëëc an, Kɛ̈nkï piŋ? Go an, Ɣɛɛ, ee yic, “Rölden acï thiëi ë piny nɔm ëbɛ̈n, 2 Ku lɔ wëlken guut ë piny thar.”

1 Theth 4:16

Bɛ̈nydït guöp abï bɛ̈n piny paannhial në kiɛɛu, ku në röl ë bɛ̈ny nu ë tuucnhial nïïm, ku kaaŋ de Nhialic, go kɔc cï thou në Kërthoyic agokï röt kɔn jɔt:

Ɣeberuu 12:22

Ënɔɔnë we cï bɛ̈n paannhial në kuur ë Dhiɔn nɔm, Jeruthalem pänydït de Nhialic pïïr, kekë aguum ke tuucnhial loi miɛtëpiɔ̈u.

Nyuuth 10:7

Ku në aköölkë yiic kööl ke röl ë tunynhial ee kek dhorou, të bï en kaaŋ gɔl ë kuöth, ke këcïmoony de Nhialic abï thök, acït ɣɔn cï en e lɛ̈k tït lïïmke.”

Nyuuth 8:2

Aguɔ tuucnhial kadhorou tïŋ, tuuc kääc ë Nhialic nɔm, ku acï ke gäm kɛŋ kadhorou.

Nyuuth 8:6

Na wën, ke tuucnhial kadhorou tuuc muk kɛŋ kadhorou, ke ke coc röt bïk kɛŋ kooth.

Nyuuth 9:14

ke lëk tunynhial ee kek dhetem, tuny cath ke kaaŋ, an, “Lony tuucnhial kaŋuan tuuc cï mac ë wɛ̈ɛ̈r ë Yuparat!”