Yith 27:12 - JAM DE NHIALIC 2011

¹² Në ë köölë, gɔl në wɛ̈ɛ̈r ë Yuparat ɣeet në aken ë Rip, Bɛ̈nydït abï kɔcke määtiic ëtök ëtök, cït man ye raan rap pɔ̈c bei në ayiɛlic.

Yith 27:12 ပူးပေါင်းရင်းမြစ်များ

Cäk 15:18

Ago Bɛ̈nydït mät looi kekë Abram ee köölë, lueel ë Bɛ̈nydït an, “Pinyë acä gäm mïthku, gɔl në aken ë Rip agut cï wɛ̈ɛ̈r ë Yuparat.

1 Mel 8:65

Go Tholomon kekë amatnɔm dïït de Yithriɛl ëbɛ̈n Dhuëëŋ de Kɛ̈ɛ̈t looi në Bɛ̈nydït Nhialic nɔm ëtɛ̈ɛ̈n ë luaŋdït yic, në nïniic kadhorou. Go kɔc juëc kenïïm mat ëtɛ̈ɛ̈n, kɔc ëbɔ̈ në Ɣamath të lɔ rut, në aken ë Rip të lɔ wöuwic.

Neɣe 1:9

ku na dɔ̈kkï röt Ɛn, ku luɔikï lööŋ cä lɛ̈k week, të ciɛk ë we thiäi të lee piny thar guut, ke wek bä bɛ bɛ̈ɛ̈i të wään cä lɔc bä wek Ɛn aa lɔ̈ŋ thïn.’

Diɛt 68:22

Acï Bɛ̈nydït lueel an, “Yɛn bï kɔc ke aterdu bɛ̈ɛ̈i ciëën në Bacan, abä ke bɛ̈ɛ̈i bei në Abäpdit thar piny të thuth,

Diɛt 72:8

Ciɛɛŋde abïï gɔl në wɛ̈ɛ̈r leer ë wɛ̈ɛ̈r däŋë, ku gɔl ë Yuparat leer ë piny thar.

Yith 17:6

Ee kɔc lik tei kek abï döŋ apïïr, ku Yithriɛl abï ciët tim de olip cï tet nɔm ëbɛ̈n në mïth, ale döŋ ke ye mïth kaarou ku nɔn yek diäk në yenɔm nhial ya, ku nɔn ee ka lik cï döŋ në kër nu të lɔ pinyë. Acä lueel, Yɛn Bɛ̈nydït Nhialic de Yithriɛl.”

Yith 49:5

Bɛ̈nydït ë yɛn lɔc ke ya kënë dhiëëth, acï yɛn tɔ ye awunde bä kɔcke pɔ̈k nïïm ciëën, bä kɔc ke Yithriɛl cï thiäi pɔ̈k nïïm ciëën. Bɛ̈nydït acï ya gäm dhuëëŋ, ee yen awaŋ de riɛldï.

Yith 56:8

Bɛ̈nydït Awärjäŋ wään cï kɔckɛn ke Yithriɛl lɔ puɔ̈k nïïm ciëën pinyden të wään cïï ë keek peec, acï gutguut lueel nɔn bïï yen ŋoot ke bïï kɔc kɔ̈k bï röt mät keek.

Jeremia 3:14

“Wek kɔc cïn piɔ̈ɔ̈th adöt, bäkï ciëën, wek ee kɔckï. Yɛn bï raan tök aa nööm wun tök, ku nääm kɔc kaarou dhiën tök, ku wek bä bɛ̈ɛ̈i ciëën në kuur de Dhiɔn nɔm.

Jeremia 44:28

Ku kɔc liaakäŋ ë weyiic abïk poth ë thuɔɔu thok, ku abïk bɛ̈n ciëën ë Rip lekkï Juda. Ku abïï kɔc pïïr jɔ ŋic ee jam de ŋa yen cïï aa yic, ee këdï ku ee këden.

Edhekiɛl 20:34

Wek bä nyuöth riɛldï ku agönhdï, të lan week lɔ määt yiic tëtök, ku bɛ̈ɛ̈i week ciëën në wuöt ke piny nɔm yiic ëbɛ̈n, ɣään wään cïï ë week thiäi thïn.

Edhekiɛl 20:41

Ku të cän we bɛ̈ɛ̈i bei në wuöt wään cïï ë week thiäi thïn yiic, ku määt we yiic wedhie tëtök, yɛn bï miɔ̈cduön cï nyop gam, ku abïï juöör ëbɛ̈n tïŋ nɔn ɣɛɛr yɛn yic.

Edhekiɛl 39:25

Acïï Bɛ̈nydït Awärjäŋ lueel an, “Ku ënɔɔnë yɛn bï piɔ̈u kok në kuat de Jakop, baai de Yithriɛl, ku abä ke bɛ tɔ kueth. Yɛn bï rinkiën ɣer yiic gël.

Edhekiɛl 47:19

“Aken de biäk të lɔ wöuwic ee tëëk ë Tamar leer në awuul ke Kadec Meriba, ku tëëk të lɔ rut në aken de Rip yic, lee në kiir de Wɛ̈ɛ̈rdïït ɣer kɔ̈u.

Amoth 9:9

“Yɛn bï löŋ tääu piny, bä baai de Yithriɛl kïïc në juööriic ëbɛ̈n, cït man ye rap kïïc në atɛ̈ny. Ke ya bï kɔc cïn naamden nyaai.

Dhek 8:7

Acïï Bɛ̈nydït de rɛm lueel an, Kɔckï abä keek luäk bei në wuöt nu të lɔ aköl amiäk ku wuöt nu të lɔ aköl athɛ̈i të cï ë keek lɛɛr thïn,

Luk 15:4

“Ee raanou ë weyiic, raan de thök kabɔt, na mär tök ë keyiic, ke cïï thiërdhoŋuan ku dhoŋuan bï nyääŋ roor, ku jɔ kë cï määrë lɔ kɔɔr, aɣet të bï e yök?

Jɔn 10:16

Ku yɛn de thök kɔ̈k cie ka ke a gänë: kek ayadäŋ abä ke dhil bɛ̈ɛ̈i, agokï röldï piŋ, agokï ya luny tök, ku tïn tök.

Jɔn 6:37

Kɔc kedhie kɔc cï Wäär gäm ɛn, abïk bɛ̈n tëde yɛn, ku raan bɔ̈ tëde yɛn acä bï cieec anandï.

Jocua 15:4

Ku le tëëk Adhemon ke dɔm nyinic në aken ë Rip nɔm, agut cï Wɛ̈ɛ̈rdïït ɣer të ye akeu guut ka. Yen aken ë Juda ka baŋ të lɔ wöuwic.