Yith 27:10 - JAM DE NHIALIC 2011

¹⁰ Pänydït cï gël adhɔt piny ke cï riääk. Acï nyääŋ piny cï jɔ̈ɔ̈r. Acï aa të ye ɣɔ̈k nyuäth thïn, të ye kek lɔ̈ŋ ku ciëmkï në wal.

Yith 27:10 ပူးပေါင်းရင်းမြစ်များ

Yith 17:2

Pɛ̈ɛ̈nydït ke Thiriya abï ke pɔ̈l aɣet athɛɛr. Abïk aa tëde nyuäth ë thök ku ɣɔ̈k, ku acïn raan bï ke cuɔp wei.

Yith 17:9

Të le köölë bɛ̈n, pɛ̈ɛ̈nydït cï ŋiëc gël abï ke pɔ̈l, ku nyiëëŋ ë keek piny ke ke cï riääk, cï pɛ̈ɛ̈nydït wään nyiëëŋë piny në kɔc ke Ɣib, ku kɔc ke Amor ɣɔn kɔt kek në mïth ke Yithriɛl.

Yith 24:10

Këriëëc ëbɛ̈n ë nuɔɔn ë pänydït yic, ku kɔc röt thiɔ̈ɔ̈k në ɣöötken yiic, ke cïn kë bï ke yök.

Yith 25:2

Yïn cï pɛ̈ɛ̈nydït puk ke ke ye dhuur nɔm ku riäk ɣäänkɛn cï gël. Ɣään ë yïk ë kɔckuɔn ke ater keek acï jäl aɣet athɛɛr.

Yith 32:19

(Ku deŋ kɔɔi abï lööny piny rooric, ku pänydït abï tiɛɛr nɔm piny.)

Yith 35:1

Jɔ̈ɔ̈r abï piɔ̈u miɛt, ku wal abïk gaak moc ë jɔ̈ɔ̈ric.

Yith 49:21

Ku ëtɛ̈ɛ̈n abä aa lɛ̈k rɔt, Eeŋa ë dhiëth yɛn ë mïthkë kedhie? Mïthkï acïk määr, ku yɛn cïn nɔm mïth kɔ̈k. Yɛn aacï peec, copë ya wei, eeŋa ë muk ee mïthkë? Yɛn aacï döŋ yatök, mïthkë ë ke bɔ̈ tënou?”

Yith 64:10

Pɛ̈ɛ̈nydïtkuön ɣer yiic acïtkï jɔ̈ɔ̈r, Jeruthalem acï nyääŋ piny ke cï riääk,

Yith 7:21

“Në aköölkë yiic, raan abï nɔm dɛk dɔu ku thök kaarou,

Yith 7:25

Kur nïïm kedhie të wään kɔc com ku puurkï thïn, abï aa roor cïn raan bï lɔ thïn. Abï aa të ye ɣɔ̈k ku thök nyuäth thïn.”

Jeremia 25:37

Të piɛth lɔ läŋ abï riɔ̈ɔ̈k, në biäk de agönh tuc de Bɛ̈nydït.

Jeremia 26:18

“Wään ye Ɣedhekia melik de Juda, tiët Maika wun ë Moreceth, acï kɔc ëbɛ̈n bɛ̈n yɔ̈ɔ̈k, an acïï Bɛ̈nydït de rɛm lueel nɔn, ‘Bï ë Dhiɔn puur cï dom, ku Jeruthalem abï aa dhuur nɔm, ku kuur de Luaŋdït abï aa roor.’

Jeremia 26:6

Na lak ŋoot ke we cïn riëëu, ke Yɛn bï ee Luaŋdïïtë luöi kë cä luöi Cilo, ku juöör ke piny nɔm ëbɛ̈n abï rin ke ee pänydïïtë tɔ ee ye aciɛɛn looi.”

Jeremia 52:27

tɔ̈u piny de Ɣamath. Ku acï ë melik keek bɛ̈n tɔ dui ëtɛ̈ɛ̈n, ku tɔ keek näk. Ago kɔc ke Juda jɔ peec pinyden ku leer ë keek piny lei.

Dhiëëu 1:4

Acïn kɔc ee bɛ bɛ̈n në Luaŋdïtic, në akööl ɣeriic ke läm. Duet wään ee ket thïn acï keek thɛl wei, ku bäny de kake Nhialic adhiaukï, ku kɛ̈l ke pänydït thook alek liŋliŋ, ku Dhiɔn guöpde atök.

Dhiëëu 5:18

në luɔi cï kur de Dhiɔn wïïk yetök ku cï pɔ̈l, ku jɔ kɔ̈ɔ̈rgɔl pɛ̈ɛ̈nykɛn cï wïïk caath yiic.

Edhekiɛl 36:4

Ka ënɔɔnë piŋ kë luɛɛl Yɛn Bɛ̈nydït Awärjäŋ, lɛ̈kë ee kurkë ku kur kor, ku nyïïn ku wɛ̈k, ku ɣään cï nyääŋ piny ke ke cï riääk, ku pɛ̈ɛ̈nydït cï nyääŋ piny cï ke yak yiic, ku ye ke dɔl gup në juöör thiääk në week.

Maika 3:12

Ku në biäkdun yen abï ë Dhiɔn geer yic cït man de dom, ku Jeruthalem abï ya kuut de dhuur, ku Luaŋdït abï lɔ̈ɔ̈k aa roor.