Yith 26:5 - JAM DE NHIALIC 2011

⁵ Ee kɔc ɣɔn ë röt tɔ dït kuɔɔr piny, acï pänydït ë rëër kek thïn riɔ̈ɔ̈k, ku jiëp kɛ̈lke piny abïk lɔ thorthor në abuui yic

Yith 26:5 ပူးပေါင်းရင်းမြစ်များ

Diɛt 79:8

Du wook dui në biäk de karɛc ke kuarkuɔ. Kokëpiɔ̈u wokë wook, wok cï nïïm ciën aŋäth.

Yith 13:11

Aye Bɛ̈nydït lueel an, “Yɛn bï riääk bɛ̈ɛ̈i piny ku luöi këtuc kɔc ee karɛc looi ëbɛ̈n, në biäk de karɛckɛn. Yɛn bï raan ëbɛ̈n kuɔɔr piny raan ee yenɔm ɣääc, ku luöi këtuc raan de guöp lɛc ee kɔc kuur.

Yith 14:13

Aa cï dhel ë yïpiɔ̈u bä kɛɛc nhial paannhial, ku bä thöönydu lɔ tääu nhial në kuɛl nïïm. Aa cï cät an bä lɔ nyuc cït melik në kuur de amatnɔm nɔm, biäk të lɔ rut të ye yiëth kenïïm mat.

Yith 2:12

Në ee köölë Bɛ̈nydït de rɛm abï raan ril ëbɛ̈n kuɔɔr piny, kɔc ee ke nïïm ɣääc ëbɛ̈n ku yek lueth töör.

Yith 24:10

Këriëëc ëbɛ̈n ë nuɔɔn ë pänydït yic, ku kɔc röt thiɔ̈ɔ̈k në ɣöötken yiic, ke cïn kë bï ke yök.

Yith 25:2

Yïn cï pɛ̈ɛ̈nydït puk ke ke ye dhuur nɔm ku riäk ɣäänkɛn cï gël. Ɣään ë yïk ë kɔckuɔn ke ater keek acï jäl aɣet athɛɛr.

Yith 32:19

(Ku deŋ kɔɔi abï lööny piny rooric, ku pänydït abï tiɛɛr nɔm piny.)

Yith 47:1

Aye Bɛ̈nydït lueel an, “Babilon bäär piny në thöönydu nɔm, ku nyuc piny abuui yic ee tënë. Yïn aacï kɔn ciët nyan dhueny kën kɔn yök ke moc, pänydïït kënë kɔn peec, ku yïn cï kɔ̈c ku yïn cïï be ciët täu ɣɔn ril yïn! Yïn cï ya lïm ënɔɔnë!

Jeremia 51:37

Yen ee paanë abï ya akut de ka cï riääk, të bïï kɔ̈ɔ̈rgɔl aa ceŋ thïn. Abï kɔc aa tïŋ ku dɔm riɔ̈ɔ̈cdït keek, acïn raan bï ceŋ ëtɛ̈ɛ̈n, ku kɔc bï yen aa tïŋ ëbɛ̈n abïk aa riɔ̈ɔ̈c.

Jeremia 51:64

ku luel an, ‘Kënë yen abï tuöl tëde Babilonia, abï mou ku acï rɔt bï bɛ jɔt taitai, në biäk de riääk bïï Bɛ̈nydït yiɛ̈n yen.’” Wël ke Jeremia acïk jɔ kɔ̈ɔ̈c ee tënë.

Dhiëëu 2:2

Bɛ̈nydït acï kɔc ceŋ wuöt ke Juda ëbɛ̈n riɔ̈ɔ̈k ke cïn kokdepiɔ̈u. Në agönhde acï ɣään ril ee piny gël dhuɔŋ piny. Acï ayäär bɛ̈ɛ̈i ë ciɛɛŋ guöp kekë bänykë.

Edhekiɛl 26:11

Kɔckɛn ke jöŋgöör abïk tëëk në kuɛɛrkuön yiic, ke ke näk kɔckun në abätɛ̈ɛ̈uken. Mënkuön ril abïï keek jäp piny.

Edhekiɛl 28:17

Yïn aaye rɔt lɛɛc në dikdu, ku kɛkdu acï yïn tɔ loi rɔt cï raan piɔlpiɔ̈u. Në biäk ee kënë yïn cä cuat piny ku nyääŋ yïn piny ke yï ye kë bï meliik kɔ̈k jɔ̈ɔ̈ny.

Nyuuth 18:2

Go cööt arëët ë röl dït, an: “Babilon dït acï wïïk, acï wïïk, ka cï aa panɔm de jɔɔk rac, ku ye të cï atïptïïp ke jaak nhiany mac thïn ëbɛ̈n, ku mɛcë diɛt rac nhiany thïn ëbɛ̈n aya.