Yith 26:16 - JAM DE NHIALIC 2011

¹⁶ Bɛ̈nydït Yïn cï kɔcku luöi këtuc në arɛɛm gokï Yïn lɔ̈ŋ.

Yith 26:16 ပူးပေါင်းရင်းမြစ်များ

Diɛt 142:2

Yɛn cï kadhal ɛn yiɛ̈n En kedhie, acä lɛ̈k nuɛɛnkï ëbɛ̈n.

Diɛt 27:8

Acï lueel an, “Bä lam ɛn,” Aguɔ bɛ̈ɛ̈r an, “Yɛn bï bɛ̈n, Bɛ̈nydït”

Diɛt 42:4

Kakë aya keek tak, të yan yapiɔ̈u lueel, në täu wään yan lɔ wo kuut ɣön ë Nhialic, ku wat keek të jɔ wok lɔ ke wo cath kuut mit piɔ̈ɔ̈th, kït në röldït ë diɛt ke thieithieei.

Diɛt 50:15

Ye ya cɔɔl në kööl cïï nuan bɛ̈n, yïn bä kony, ka yïn bï Ya dhuëëŋ guöp.”

Diɛt 77:3

Të yan Nhialic tak, yɛn ee wëi nhial, ku të waar an löŋde yɛn ee piɔ̈u jiɛth.

Diɛt 78:34

Të ye yen kɔc kɔ̈k nɔ̈k në keyiic, kuut däŋ ee rɔt pɔ̈k en, ayek karɛcken pɔ̈l ku lɔ̈ŋkï në piɔ̈n piɛth.

Diɛt 91:15

Të cɔɔl kek Ɛn, Yɛn bï cɔ̈tden piŋ, tëde yen nuan cï ke yök, yɛn bï tɔ̈u wo keek. Ku abä keek luäk bei, ku dhuɛ̈ɛ̈ŋ keek gup.

Yith 37:3

Gokï lɛ̈k tiët an, kë cïï melik Ɣedhekia lueel kï an, “Köölë ee kööl ë nuan, wok cï luöi këtuc, ku wok cï yɔ̈ɔ̈r. Wok cït tiiŋ rɔ̈p ku acïï dhiëth lëu në luɔi cïn en riɛl.

Jeremia 2:27

Wek bï yɔ̈ɔ̈r gup, wek kɔc ee ye lueel nɔn ye tim wuur ku ye kuur moor. Kënë abï rɔt looi në biäk cïï wek röt yal wei tëde Yɛn në nyin duëër wek röt dɔ̈k Ɛn, ku na tɔ̈ukï në riääkic, wek ee Ya bɛ̈n kɔɔr bä we kony.

Jeremia 22:23

Yïn ee lɔ̈ŋ në tiim ke thidar ë Lebanɔn yiic, ku ee jiɛthëpiɔ̈u bï ciët ŋö bä yök të le arɛɛm yï yup, arɛɛm, cït arɛɛm de tiiŋ rɔ̈p.

Jeremia 29:12

Ëtɛ̈ɛ̈n yïn bï Yɛn aa cɔɔl. Yïn bï bɛ̈n ku läŋ Yɛn, ku Yɛn bï lɔ̈ŋdu bɛ̈ɛ̈r.

Dhiëëu 2:19

Në wɛ̈ɛ̈ric wakɔ̈u ëbɛ̈n, ye rɔt jɔt, ku be rɔt jɔt ku tɔ dhiëëu lɔ tëde Bɛ̈nydït. Wälë yïpiɔ̈u Bɛ̈nydït ku läŋ bïï piɔ̈u kok kekë mïthku. Mïth athoukï në cɔk në aguuk ke kuɛɛr ëbɛ̈n.

Ɣodh 5:15

“Yɛn bï kɔckï päl wei, ku ta ke gum arëët, në biäk de awɛ̈ɛ̈cken, agut të bï kek röt puɔ̈k Ɛn. Abï guöm keek tɔ kɔɔr Ɛn arëët.

Ɣodh 7:14

Acïkï Yɛn ee lɔ̈ŋ ëgɔk në kepiɔ̈ɔ̈th, ku ee dhiëëu yen ye kek dhiau ke ke lam yiëth. Ayek kenïïm mat në këde rap, ku mɔ̈u, ku acïk Ɛn nyääŋ piny.

Kuɛ̈n 21:7

Go kɔc ke Yithriɛl bɛ̈n tëde Mothe, ku luelkï an, “Wok cï wööc, në biäk cïï wok yï jääm guöp, ku jiëëmku Bɛ̈nydït guöp. Ku ënɔɔnë, läŋ Bɛ̈nydït bïï karɛc nyaai në woyiic. Go Mothe lɔ̈ŋ në biäk de kɔc.

Nyuuth 3:19

Kɔc nhiaar ëbɛ̈n, kek aya nen ku ya ke wɛ̈ɛ̈t cït mïth: yen lëth yïn yic, ku puk yïpiɔ̈u.

Bäny 10:15

Go kɔc ke Yithriɛl Bɛ̈nydït yɔ̈ɔ̈k, an, “Wok cï karɛc wööc, luöiyë wook kë Ye tak ke piɛth. Yïn lɛ̈ŋku luäk wook ënɔɔnë Bɛ̈nydït.”

1 Tham 1:15

Ago Ɣana ye bɛ̈ɛ̈r an, “Acie yeka bɛ̈nydï, yɛn ee tiiŋ cï nuan arëët, ku yɛn kën kɔn dek ë mɔ̈u ayï mɔ̈n tuc. Yɛn aa läŋ Bɛ̈nydït në yapiɔ̈u ëbɛ̈n.