Yith 26:11 - JAM DE NHIALIC 2011

¹¹ Acïï ë kɔc ke aterdu ŋic nɔn bï Yïn ke luöi këtuc. Tɔ ke yäär Bɛ̈nydït ku tɔ ke nuan, tɔ ke yök nuan cï kiëët në biäkden. Nyuöth ë keek nhiëër dïït nhiɛɛr Yïn kɔcku.

Yith 26:11 ပူးပေါင်းရင်းမြစ်များ

Jop 34:27

Në biäk cï kek mɔ̈l ke cïkï be kuany cök, ku yekï jamde dhɔɔtic.

Diɛt 10:12

Jɔt rɔt Bɛ̈nydït, ku guiir löŋ de kɔc rac! Tak yïnɔm në kɔc nuan!

Diɛt 21:8

Melik abï kɔc ke aterde peec kedhie, abï raan peec ëbɛ̈n raan man en.

Diɛt 28:5

Në luɔi cïn kek këdenic thïn në kë looi ë Bɛ̈nydït, ku cïnkï këdenic thïn në kë cï cak, abï Bɛ̈nydït ke luöi këtuc ku riëëk keek aɣet athɛɛr.

Diɛt 78:63

Dhuökken acï keek nɔ̈k ë tɔŋic, ku diäär kor acïn raan töŋ thiak keek.

Diɛt 86:17

Bɛ̈nydït nyuöthë yɛn piathdu, ago kɔc ee yɛn man yäär, të le kek e tïŋ nɔn cïï Yïn ya gäm kuɔɔny kekë duöt de piɔ̈u.

Bɛ̈n 9:14

Në ee kë ciëënë, acie bänyku, ku kɔcku kek bä luöi këtuc kapäc. Yïn guöpdu, yïn bä luöi këtuc ayadäŋ. Yen abï yïn en jɔ ŋic nɔn cïn en raan kït ke Yɛn në piny nɔm ëbɛ̈n.

Yith 1:31

Cït man ye wal dëp në atiam ë mac, yen acït luɔi bï kɔc ril riɔ̈ɔ̈k në luɔidɛn ë karɛc yek looi, ku acïn raan bï riääkde tɔ kääc.

Yith 10:16

Abïï Bɛ̈nydït de rɛm keek luöi këtuc ku tuc keek jɔŋ bï rem de tɔŋ cï ŋiëc muk dɔm ëbɛ̈n. Abïï ke dɛ̈ɛ̈p gup në mac ku be ke dɛ̈ɛ̈p gup.

Yith 10:17

Nhialic, ee ɣɛɛr de Yithriɛl, abï aa mac. Nhialic Ɣeric abï aa lɔ̈k de mac, abï këriëëc nyop ëbɛ̈n në kööl tök, ayï kuɔɔth ku thil.

Yith 11:13

Ciɛɛŋ de Yithriɛl acïï tiɛɛl bï bɛ aa dɔ̈m këde Juda, ku Juda acïï bï aa raan ater de Yithriɛl.

Yith 18:3

Piŋ yïn raan ëbɛ̈n ceŋ piny nɔm! Woi yɛn gut beerdï piny ë kur nïïm! Të kuɔɔth ɛn kaaŋ ke piŋ!

Yith 37:32

Abï dɛ kɔc ke Jeruthalem ku kuur de Dhiɔn bï döŋ apïïr, cït man cïï Bɛ̈nydït de rɛm e lueel an bï rɔt looi.

Yith 42:13

Bɛ̈nydït ee lɔ biic ke lɔ piɔ̈t cït rem ë tɔŋ, acï rɔt guiir ke de piɔ̈u tɔŋ. Ee dhiën ë tɔŋ gam ku looi awuɔɔu de tɔŋ, ee riɛlde nyuöth kɔc ke aterde.

Yith 44:18

Kɔc cït ee kakë ayek dhän aläl, akuckï kë loikï. Ayek kenyïïn niɛɛn, ku thiökkï kenïïm në yic.

Yith 44:9

Kɔc ee yiëth looi kedhie acïnkï naamden, ku yiëth yek leec aläl acïnkï thaarden. Kɔc ee yiëthkë lam acïk cɔɔr ku acïn kë ŋickï ku abïk gup yäär.

Yith 5:24

Në biäk de ee kënë, wek bï määr cït man ë yuööt dɛ̈p, ku dhiap meikun, ku biɔɔr gaakdun ku gɔpë yom wei, në biäk cä wek löŋ de Bɛ̈nydït de rɛm cï Yen wo wɛ̈ɛ̈t rɛɛc, Nhialic Ɣeric de Yithriɛl.

Yith 59:17

Yen abï piathëpiɔ̈u cieŋ cï lupɔ de yɔu, ku cieŋ akup de kunydewëi në yenɔm. Abï rɔt kuöm piny në luɔi bï yen käŋ cök piny, ku lui kɔc këtuc, ku guur guöm wään cïï kɔc kɔn kum.

Yith 60:14

Kuat de kɔc yɔŋ week abïk bɛ̈n ku tukkï kemiɔl piny nyooth kek riëëuden. Kɔc wään ee yïn biɔɔn guöp, abïk lam në yïcök piny. Abïk yïn cɔɔl an, ‘Pänydïït de Bɛ̈nydït.’ ‘Dhiɔn, pänydït de Nhialic Ɣeric de Yithriɛl.’

Yith 63:15

Bɛ̈nydït, woi wook paannhial, tëduön ɣeric rëër yïn thïn ku në dhuëëŋdu yic. Tɔ̈u diɛɛrduön ee yïn diɛɛr në biäkda ë nou? Tɔ̈u riɛldu ë nou? Tɔ̈u nhiëërdu ku kokdepiɔ̈ndu ë nou? Du wo biɔn gup.

Yith 66:15

Bɛ̈nydït abï bɛ̈n ke mac. Abï bɛ̈n në wuök ke amaŋ kɔ̈ɔ̈th, bïï kɔc göth e yen bɛ̈n luöi këtuc.

Yith 66:24

“Të jël kek, abïk gup ke kɔc cï thou tïŋ, gup ke kɔc cï a rɛɛc. Ku ruöi lɔ ke cam acïï bï thou, ku many bï ke nyop acïï bï kɔn liu. Të tïŋ ë keek në kɔc nyïïn abï aa kërac arëët tëde mɛnh ë raan ëbɛ̈n.”

Yith 66:5

Piɛŋkï kë lueel ë Bɛ̈nydït, wek kɔc ee riɔ̈ɔ̈c në yen ku yak riëëu: “Në biäk ya wek piɔ̈ɔ̈th adöt në yɛn, kɔc kɔ̈k në kɔckun yiic amankï week, ku acïn këden yic thïn në week. Ayek we dɔl gup, ku luelkï an, ‘Tɔ Bɛ̈nydït nyooth dïtde ku kony week, agoku week tïŋ ke we mit piɔ̈ɔ̈th.’ Ku keek gupken abïk gup yäär.

Yith 9:18

Karɛc ye kɔc looi adëpkï cït many ee kuɔɔth ku thil riɔ̈ɔ̈k. Ee dëp cï roor cï ɣɔ̈k mac cïï tol tënhial paat ëbɛ̈n.

Yith 9:19

Në biäk de agönh ë Bɛ̈nydït de rɛm, guiëër ë löŋde adɛ̈p ë piny yic bɛ̈n ku riëëk kɔc, ku abï aa raan ke yenhde yetök.

Yith 9:7

Bäänyde abï lɔ ke dït ciɛɛŋde abï rëër ë mätic anande. Ku abï thööc muk cï kuɛɛrëdan Debid, ku bäänyde abï muk në piathëpiɔ̈u ku yic, gɔl ënɔɔnë aɣet thök de piny. Acïï Bɛ̈nydït de rɛm lueel nɔn bï yen e looi.

Jeremia 44:28

Ku kɔc liaakäŋ ë weyiic abïk poth ë thuɔɔu thok, ku abïk bɛ̈n ciëën ë Rip lekkï Juda. Ku abïï kɔc pïïr jɔ ŋic ee jam de ŋa yen cïï aa yic, ee këdï ku ee këden.

Jeremia 5:3

Ee yic Bɛ̈nydït ee kɔc ee piɔ̈ɔ̈th adööt kɔɔr. Acï we luöi këtuc, ku akɛ̈nkï yök në wepiɔ̈ɔ̈th, acï we dum yiic, ku we kën wëët. Wek aake ril nïïm, ku wek cïï köör bäk röt puk në karɛckun yiic.

Maika 5:9

Ka kɔc ke Yithriɛl abïk kecin aa yaak nhial, në luɔi cï kek kɔc ke ater tiaam. Ku kɔckɛn ke ater abïk keek riɔ̈ɔ̈k ëbɛ̈n taitai.

Maika 7:10

Ku ëtɛ̈ɛ̈n, abï raan ater tïŋ, ku gëm en ayäär. Kɔc wään ee ya dɔl guöp an, “Nu Bɛ̈nydït Nhialicdu ënou? Abä ke bɛ tïŋ awiëëk. Abï keek dum yiic, ku ciɛth ë kekɔ̈ɔ̈th cït raan cath ë tiɔ̈kic.

Maika 7:16

Abï juöör ke pinynɔm tïŋ ku yäärkï gup në keek, abï ke pɛ̈n riɛlden ëbɛ̈n. Abïk kethook aa kum në kecin, ku thiökkï keyïth.

Malakai 4:1

Piɛŋkï kë lueel ë Bɛ̈nydït de rɛm an, “Kööl abɔ̈ ë yic, kööl bï tuöc arëët cït many ë tim cï riɔu. Ee kööl bän kɔc ee kenïïm ɣääc nyuɔp piny kedhie abïk dëp cït man aɣɔ̈l, ayï kɔc ee karɛc looi. Abïk dëp kedhie taitai abï ciën raan tök në keyiic.

Math 25:41

Na ëlë, ka bï kɔc yɔ̈ɔ̈k aya kɔc nu ë baŋ cam an, ‘Jälkï të nuö yɛn, wek kɔc de gup aciɛɛn, lakï mɛɛc, many ë dëp athɛɛr, many cï looi në këde jɔŋdït rac kekë tuucke!

Luk 16:23

na wën, të rëër en paan ë thuɔɔu, ke ye leeŋ wëi, ku jɔ enyin jɔt, go Abraɣam tïŋ tëmec, ku tïŋ Ladharo ë yeyɔu.

Luɔi 28:27

Piɔ̈n ë kɔckë acï guɔ cuai, Ku acïkï ee piŋ apiɛth ë keyïth, ku acïk kenyïïn niɛɛn, Ke ke cïï bï daai ë kenyïïn, Ku pïŋkï ë keyïth, Ku yökkï jam ë kepiɔ̈ɔ̈th, Ku jɔkï kepiɔ̈ɔ̈th puk, Aguɔ keek tɔ dem.”’

2 Theth 1:8

ke cath ke many ee dëp aläl, ago rɔt guöör ë kɔc kuc Nhialic, ayï kɔc reec wëlpiɛth gam, wël ke Bɛ̈nydan Yecu Kërtho.

Ɣeberuu 10:27

Kë cï döŋ bïk tiit ee riɔ̈ɔ̈c bï bɛ̈n ë kööl ë guiëër ë löŋ ku tuöc ë manydïït bï kɔc ee teer ë Nhialic nyop!

1 Pet 3:16

yak cath ë piɔ̈n agɔk, ku na cakaa kek ë ye we tum gup an, yak kɔc ee kërac looi, ka bïk yäär kek kɔc ee rëërduön piɛth ë Kërthoyic lat.

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.

Nyuuth 3:9

Tïŋ, yɛn bï kɔc ke luaŋ de Catan tɔ bɔ̈, kɔc ee röt tɔ ye Judai, ku cïkï ye Judai, ku ye lueth en törkï, tïŋ, abä ke tɔ bɔ̈ bïk ku gutkï kenïïm piny ë yïcök, ku ta ŋickï nɔn cän yï nhiaar.

1 Tham 6:9

Ku woikï na bïï lɔ, na le yenɔm wɛl wun cɔl Beth Cemec, ke ŋiɛckï nɔn Yen Nhialic de Yithriɛl Yen ë yïn wook ee jɔɔkë. Ku na kën yenɔm wɛl Beth Cemec, ka abuk jɔ ŋic nɔn cie Yen ë yïn wook ee jɔɔkë, ka jɔɔk aake bɔ̈ kapäc tei.”