Yith 25:4 - JAM DE NHIALIC 2011

⁴ Kɔc kuanynyïïn ku kɔc cïn käŋ acïk kɔt të nu Yïn ku acï ke kony në akööl ke nuan. Acï ke gäm gëlgël në amaŋ ku atïm gël keek në atuöc kɔc ke akuöörkuöör ayek kɔc mak cït man amaŋ de rut ë ɣöt kɔ̈u.

Yith 25:4 ပူးပေါင်းရင်းမြစ်များ

Diɛt 107:41

Bɛ̈nydït ee kɔc kuanynyïïn kony ë nuanden yic, ku tɔ dhiënken tɔ kɛɛr abïk ciët ɣɔ̈k.

Diɛt 119:31

Bɛ̈nydït yɛn cï lööŋku kuany cök, du yɛn bï tɔ yäär.

Diɛt 12:5

Go Bɛ̈nydït lueel an, “Yɛn bï jɔ bɛ̈n ënɔɔnë në luɔi cïï kɔc kuanynyïïn yɔŋ ku kɔc yɔŋ keek ayek teer në arɛɛm. Abä ke gam lɔ̈ŋ kɔɔrkï ë caŋ ɣɔn.”

Diɛt 121:5

Bɛ̈nydït abï yïn tiit, atɔ̈u ë yïlɔ̈ɔ̈m ke gël yïn.

Diɛt 35:10

Ku abä ja lɛ̈k Bɛ̈nydït në yapiɔ̈u ëbɛ̈n an, “Acïn raan thöŋ ke yïn. Yïn ee raan kɔ̈c gël në raan ril ku gël raan kuany nyin në raan yɔŋ en.”

Diɛt 55:8

Yɛn duëër dap lɔ tëdiën de atiëp, tëmec në amaŋ ku apiöök.

Diɛt 72:13

Ee piɔ̈u kok kekë kɔc kɔ̈c ku kɔc kuanynyïïn, ee kɔc cïn käŋ kony wëi.

Diɛt 72:4

Melik ë luel löŋ de kɔc kuanynyïïn në yic, tɔ kony kɔc kuanynyïïn, ku tɔ tiam kɔc ee keek yɔŋ.

Diɛt 9:10

Bɛ̈nydït kɔc ŋic Yïn, abïk Yïn ŋɔ̈ɔ̈th, Yïn cïï raan cï bɛ̈n tëde Yïn ee rɛɛc,

Diɛt 91:1

Raan ëbɛ̈n raan ee lɔ thiaan tëde Bɛ̈nydït, raan ëbɛ̈n raan ye Nhialic Awärjäŋ gël.

Yith 11:4

abï löŋ de kɔc kuanynyïïn guiir ë piathëpiɔ̈u, ku ee yic de kɔc cïn nïïm riɛl kuöny keek. Në kë cï lueel abï kɔc tɔ luɔiyë këtuc, ku kɔc ee karɛc looi abïk thou.

Yith 14:32

Eeŋö buk lɛ̈k tuuc ke jur? Abuk lɛ̈k keek an Bɛ̈nydït ë Dhiɔn yïk ke kɔckɛn kuanynyïïn ke ke bï mät yök ëtɛ̈ɛ̈n.

Yith 16:3

Acïk lɛ̈k kɔc ke Juda an, “Lɛ̈kkï wook kë buk looi. Kony wook cït tim ye atïmde liɛɛr në tuöc de aköl kääc cil, ku tɔ wo lɔ̈ŋ në atïmdu yic. Wok ee kɔc ë bɔ̈ ke wo riŋ, thian wook të cïn raan bï wo yök.

Yith 17:10

Yithriɛl wek cïï nïïm määr në Nhialic ɣɔn luäk week, ku gël week cï kuur dït. Ënɔɔnë we cï röt cuöm duum yaath, në luɔi bä wek yiëth lei aa lam.

Yith 27:5

Ku të kɔɔr de ater ë kɔckï bä ke kony, ë ke loi mät në Yɛn. Ɣɛɛ, ë ke loi mät në Yɛn.”

Yith 28:6

Abï ŋiëc guiëër ë löŋ gäm kɔc ee löŋ guiir, ku gëm kɔc ee pänydït gël riët de piɔ̈u bï kek pänydït gël në kɔc bï ye mak.

Yith 29:19

Kɔc kuanynyïïn ku kɔc ee röt kuɔɔr piny abïk miɛtëpiɔ̈u bɛ yök tëde Bɛ̈nydït, Nhialic Ɣeric de Yithriɛl.

Yith 29:20

Abï aa thök de kɔc ee kɔc kɔ̈k yɔŋ, ku nyuthkï Nhialic abiaan ë guöp. Raan ee kërac looi ëbɛ̈n abï nɔ̈k.

Yith 29:5

Jeruthalem, juöör alɛi cï yïn mak ëbɛ̈n, abïï ke kuɔɔth wei cït man ë abuui, ku remdɛn ë tɔŋ cï riɔ̈ɔ̈c abïk wɛɛr cï wal ë gɔp yom. Ë thiäu ke kuckï

Yith 32:2

Raan ëbɛ̈n ë keyiic abï ciët gëlgël ë yom ku cït tëde thiaan në amaŋ. Abïk ciët awɛɛŋ ke pïïu wat ë jɔ̈ɔ̈ric, ku cïtkï atïm liir ë kuur dït nu piny tuc cie luɔk.

Yith 33:16

Ëtɛ̈ɛ̈n we bï kony, ka we bï ciët ka nu të cï gël. We bï nïïm dɛ këcam camkï ku pïïu dɛkï.

Yith 33:2

Bɛ̈nydït kokëpiɔ̈u we wook, ee cï aŋäthda tääu në yïguöp. Ye we gël akööl yiic ëbɛ̈n ku kony wook në akööl ke nuan.

Yith 37:36

Go tunynhial ë Bɛ̈nydït lɔ në paany cïï Athiriya piɔ̈ɔ̈t thïn ku nɛ̈k bɔt ku thiërbɛ̈t ku dhïc de agum 185,000 de rem de tɔŋ ɣɔn akɔ̈u, na ɣɔn amiäk aa lɔ kɔc pääc, go kɔc cï döŋ apïïr kɔc ëbɛ̈n tïŋ adhɔt piny ke ke cï thou.

Yith 49:25

Go ë Bɛ̈nydït bɛ̈ɛ̈r an, “Kë bï rɔt looi ka ë dhöc. Kë cï raan de tɔŋ dɔm abïï jɔt, ku kë cï raan rac peec abïï dɔm. Yɛn bï thɔ̈ɔ̈r wo raan thäär ke week, ku yɛn bï mïthkun kony.

Yith 57:13

Të Dhiaau wek ke we kɔɔr kuɔɔny, takï yiëthkun kony week! Yom thiin put aduëër ke jat wei! Ku kɔc ŋäth Ɛn abïk tɔ̈u ë piny yic ku abïk Ɛn aa lam në kuurdiën ɣeric nɔm.”

Yith 66:2

Yɛn në guöpdï Yɛn aa cak pinynɔm! Yɛn mit piɔ̈u wo kɔc ee röt kuɔɔr piny ku gɛmkï awɛ̈ɛ̈cken, kɔc ee riɔ̈ɔ̈c në Yɛn ku yek ya riëëu.

Yith 8:14

Në biäk bïï yen aa tëɣeric arëët, Yɛn cït kuur ee kɔc tɔ kɔ̈th, ku Yɛn cït wïn ë dɛ̈p bï kɔc ke ciɛɛŋ de Juda ku kɔc ke ciɛɛŋ de Yithriɛl dɔm ku kɔc ke Jeruthalem.

Jeremia 16:19

Bɛ̈nydït ee Yïn ee Raan ee ya gël ku gämë yɛn riɛl, Yïn cï kuɔny në akööl ke nuan, juöör abïk aa bɛ̈n tëde de Yïn ë piny thar ku luelkï an, “Kuarkuɔ aake de nïïm yiëth alueth, ayek yiëth cïn naamden.

Edhekiɛl 38:9

Yen kekë remdɛn ë tɔŋ ku jɔ ya juöör kɔ̈k tɔ̈u në yen ëtök, abïk kɔc mak cït man amaŋ ku kum piny cït luäät.”

Dhep 3:12

Ku yɛn bï kɔc kor piɔ̈ɔ̈th ee rö kuɔɔr piny nyääŋ ëtɛ̈ɛ̈n, kɔc bï kuɔɔny bɛ̈n kɔɔr tëde Yɛn.

Jakop 2:5

Piɛŋkï wek mïthëkɔckuɔn nhiaar! Kën Nhialic kɔc kuanynyïïn lɔc, kɔc kuanynyïïn në kakë piny nɔm, bïk aa kɔc dïït ë gäm, ku yek kɔc bï ciɛɛŋ lɔ̈ɔ̈k lak, ciɛɛŋ cïï Nhialic kɔn lueel an, bï gäm kɔc nhiaar en?