Yith 25:2 - JAM DE NHIALIC 2011

² Yïn cï pɛ̈ɛ̈nydït puk ke ke ye dhuur nɔm ku riäk ɣäänkɛn cï gël. Ɣään ë yïk ë kɔckuɔn ke ater keek acï jäl aɣet athɛɛr.

Yith 25:2 ပူးပေါင်းရင်းမြစ်များ

Jop 12:14

Kë cïï Nhialic jäp piny, acïn raan duëër e lëu në yïk, ku raan cï guöör ɣöt, acïn raan duëër e lëu në bïï bei.

Yith 13:20

Acïn raan töŋ bï bɛ rëër ëtɛ̈ɛ̈n. Acïn Arab bï paanyde bɛ piäät ëtɛ̈ɛ̈n, ku acïn tïn bï ɣɔ̈kke bɛ aa nyuääth ëtɛ̈ɛ̈n.

Yith 13:21

Abï aa të bï läi ke jɔ̈ɔ̈ric aa rëër thïn ku yïk agumuut ɣöötken, ku wuut abïk rëër ëtɛ̈ɛ̈n, ayï bɔɔth roor abïk aa thuëëc ëtɛ̈ɛ̈n.

Yith 13:22

Ɣööt bär ku ɣööt ke bääny ayek awuɔɔu de aŋuööth ku kɔ̈ɔ̈rgɔl aa gamic ëbɛ̈n. Kööl de Babilon ëbɛ̈n! Aköölke acïk thiɔ̈k ë thök.”

Yith 14:23

Yɛn bï Babilon puk ke ye bäc, ka agumuut abïk ceŋ ëtɛ̈ɛ̈n. Yɛn bï Babilon napic në wëëny ee këriëëc ëbɛ̈n nap wei. Acä lueel, Yɛn Bɛ̈nydït de rɛm.”

Yith 17:1

Go Bɛ̈nydït lueel an, “Damathko acï bï bɛ aa pänydït, abï ya dhuur de ɣööt cï riääk.

Yith 17:3

Yithriɛl abï nɔm ciën tëde riɛl, ku ciɛɛŋ de Damathko abï nɔm ciɛ̈n nɔm lääu. Kɔc lik ke Thiriya cï döŋ apïïr abïk gup yäär cï mïth ke Yithriɛl. Acä lueel, Yɛn Bɛ̈nydït de rɛm.”

Yith 21:9

Kɔc acïk guɔ bɛ̈n ëthiäu! Kɔc nu ë jöŋgöör kɔ̈ɔ̈th aciɛthkï ë rou ku rou. Aŋoot raan tït ke ciɛɛl thok an, “Babilon ë wïïk! Yiëthkɛn yek lam adhɔtkï piny ke ke cï dhuɔɔŋ.”

Yith 23:11

Bɛ̈nydït ë Yecin riɛny ë wɛ̈ɛ̈r nɔm, ku jiëp ciɛɛŋ piny. Ë kɔc ke Kanaan yɔ̈ɔ̈k bïk ɣään ke ɣööc riɔ̈ɔ̈k.

Yith 23:13

(Aa ye kɔc ke Babilonia, acie kɔc ke Athiriya kek ë tɔ läi roor nöm Tayer. Aa ye kɔc ke Babilonia kek ë took wut në aloc bär, ku dhoŋkï ɣään ke riɛl de Tayer piny, ku nyiëëŋkï pänydït piny ke cï riääk)

Yith 24:10

Këriëëc ëbɛ̈n ë nuɔɔn ë pänydït yic, ku kɔc röt thiɔ̈ɔ̈k në ɣöötken yiic, ke cïn kë bï ke yök.

Yith 25:12

Abï ɣään bär ke Mowap cï gël riɔ̈ɔ̈k, ku jiëp kɛ̈l ke piny në abuui yic.

Yith 26:5

Ee kɔc ɣɔn ë röt tɔ dït kuɔɔr piny, acï pänydït ë rëër kek thïn riɔ̈ɔ̈k, ku jiëp kɛ̈lke piny abïk lɔ thorthor në abuui yic

Yith 27:10

Pänydït cï gël adhɔt piny ke cï riääk. Acï nyääŋ piny cï jɔ̈ɔ̈r. Acï aa të ye ɣɔ̈k nyuäth thïn, të ye kek lɔ̈ŋ ku ciëmkï në wal.

Yith 32:14

Acakaa ɣöndït abï nyääŋ piny, ku pänydït abï yic ciɛ̈n raan taitai. Ɣööt ku ɣään cï gël abïk nu në riääkic aɣet athɛɛr. Mul roor abïk aa cath ëtɛ̈ɛ̈n, ku thök abïk aa nyuäth ëtɛ̈ɛ̈n.

Yith 32:19

(Ku deŋ kɔɔi abï lööny piny rooric, ku pänydït abï tiɛɛr nɔm piny.)

Yith 34:13

Kuɔɔth ku thil, acïn të cïï kek bï cil thïn piny ayï kɛ̈l ke wuöt yiic, ku kɔ̈ɔ̈rgɔl ku agumuut abïk ceŋ thïn.

Yith 37:26

“Kɛ̈në piŋ nɔn cän ye kiëët ɣɔn thɛɛr? Ku ënɔɔnë acä looi. Yïn cä gäm riɛl bï yïn pɛ̈ɛ̈nydït cï gël abïk aa kuut ke ka cï riääk.

Jeremia 51:26

Acïn kuur tök në kurkuön cï riääk yiic bï bɛ röŋ kekë yïk. Yïn bï ciët jɔ̈ɔ̈r aɣet athɛɛr. Acä lueel, Yɛn Bɛ̈nydït.

Jeremia 9:11

Aye Bɛ̈nydït lueel an, “Yɛn bï Jeruthalem tɔ e dhuur de ka cï riääk, të bï kɔ̈ɔ̈rgɔl aa ceŋ thïn, pɛ̈ɛ̈nydït ke Juda abïk aa jɔ̈ɔ̈r, të cïn raan bï rëër thïn.”

Nyöŋ 13:16

Bɛ̈ɛ̈ikï kake kɔc ceŋ ee wunë tëtök kedhie, ku kuötkï kenïïm wutic cil. Ku nyuɔpkï keek wutic kekë këriëëc nu thïn ëbɛ̈n, ke ee miɔ̈c de Bɛ̈nydït Nhialicdun. Abï pɔ̈l ke cï riääk aɣet athɛɛr, ku acïï bïï bɛ nyɔk ë yïk taitai.

Nyuuth 18:19

Agokï abuui dɛɛny ë kenïïm, kiiukï, ku dhiaukï, ku biëkkï keyöth, luelkï, an, “Amawoou! Madinoou, gök de pänydït oou! Pänydïït cï kɔc tɔ kueth ë wëu thïn kedhie, kɔc de abëëlkɛn ee cath ë wɛ̈ɛ̈ric, në juëc juëc ë wëuke! Ee thaar tök tei en aa tɔ ye kuany nyin oou!”