Yith 25:1 - JAM DE NHIALIC 2011

¹ Bɛ̈nydït Yïn ee Nhialicdï, Yïn bä dhuëëŋ guöp ku lɛɛc rinku. Yïn cï kagɛ̈iyë looi, në piɔ̈nduön adöt Yïn cï kakuön cï kiëët ɣɔn thɛɛr looi.

Yith 25:1 ပူးပေါင်းရင်းမြစ်များ

Diɛt 111:4

Bɛ̈nydït acïï wook ee tɔ mär nïïm në ka gɛ̈iyë cï ke looi, Yen adhuɛ̈ŋ ku ee piɔ̈u kok.

Diɛt 118:28

Yïn ee Nhialicdï, ku Yïn bä gäm lɛc, yɛn bï dïtdu lɛ̈k raan ëbɛ̈n.

Diɛt 145:1

Yɛn bï dïtdu aa thieei Nhialinydï ku ë meliŋdï, Yïn bä leec aɣet athɛɛr ku athɛɛr.

Diɛt 146:2

Abä ya leec në pïïrdï yic ëbɛ̈n, yɛn bï Nhialinydï kɛ̈t diɛt ë pïïrdï yic ëbɛ̈n.

Diɛt 31:15

Pïïrdï atɔ̈u në Yïciin, kony ɛn në kɔc de wok ater, ku në kɔc yɔŋ ɛn kedhie.

Diɛt 40:5

Yïn cï kajuëc luöi wook Bɛ̈nydït Nhialicda. Acïn raan cït Yïn! Yïn cï kïït ke gäi juëc luöi wook. Yɛn cïï duëër jam ë biäkden ëbɛ̈n, kuënden adït aläl!

Diɛt 40:6

Yïn cie köör në miɔ̈c gëmë yïn, yïn cïï län ye nyop ëbɛ̈n në yïk nɔm ee kɔɔr, ku cïï miɔ̈c de kërac ee thiëëc. Yïn aa gëm ɛn yïth bän kë lueel aa piŋ,

Diɛt 46:10

Go lueel an, “Dɔ̈mkï tɔŋ kɔ̈ɔ̈c, ku ŋiɛckï ee Yɛn Nhialic, Yɛn adït, në juöör ke pinynɔm nïïm, ku Yɛn adït në pinynɔm ëbɛ̈n.”

Diɛt 75:2

Acï Nhialic lueel an, “Yɛn cï kööl de luk kiëët, ku Yɛn bï luk ŋiëc guiir.

Diɛt 78:4

Acuku keek bï thiaan në mïthkuɔ, abuk keek lëk rem däŋ bï bɛ bɛ̈n abuk keek lëk riɛl de Bɛ̈nydït, ku kadït cï looi ku göökdït ke käŋ cï ke looi.

Diɛt 89:1

Bɛ̈nydït yɛn bï nhiëërduön agɔk piɔɔny aköölnyïïn, nhiëër agɔk de Bɛ̈nydït aɣet athɛɛr, ku yɛn bï piɔ̈nduön adöt lɛ̈k rɛm ëbɛ̈n në yathok.

Diɛt 98:1

Kɛ̈tkï Bɛ̈nydït din ë piac cak, në biäk cïï Yen kake gäi looi! Në riɛlde ku në köŋdɛn ɣeric acï Yen tɔ tiëm.

Diɛt 99:5

Pianykï Bɛ̈nydït Nhialinyda, lämkï ë thööcde nɔm! Yen Aɣeric!

Bɛ̈n 15:2

Bɛ̈nydït yen aye riɛldï, ee yen ë kony ɛn. Ee yen ee Nhialicdï, ka abä leec. Ee Nhialic de awuur, ka abä piɔ̈ny dhuëëŋde.

Yith 11:5

Abï kɔcke mac në piathëpiɔ̈u ku yic.

Yith 12:1

Ade kööl bɔ̈, kööl bïï ë kɔc ket an, “Yïn cä leec, Bɛ̈nydït! Yïn aa göth we yɛn, ku ënɔɔnë Yïn ë ya duut piɔ̈u ku cïï be gɔ̈th.

Yith 26:13

Bɛ̈nydït Nhialicda, bäny kɔ̈k anukï ë wo nïïm, ku ee yïn ee Bɛ̈nydïïtda Yïtök.

Yith 26:8

Wok ee këde piɔ̈ndu kuany cök ku tɛ̈ɛ̈uku aŋäthda në yïguöp, ee Yïn yok kɔɔr në wopiɔ̈ɔ̈th ëbɛ̈n.

Yith 28:29

Pɛlënɔmë ëbɛ̈n aa bɔ̈ tëde Bɛ̈nydït de rɛm. Kiɛɛr ye Nhialic looi ayek kake pɛlënɔm, ku ayek tiam ananden.

Yith 40:27

Yïn Yithriɛl, eeŋö ee yïn gööny an kuc Bɛ̈nydït nuandun ku cie diɛɛr të guöm wek në kuöc ciɛɛŋ?

Yith 46:10

Ɣɔn gɔl ë käŋ yɛn cï kë tuöl caar, ɣɔn thɛɛr yɛn cï kë bï tïc guiir. Acä lueel an, kë cä kiëët acïï bï löny, ku Yɛn bï këriëëc kaar bä looi ë bɛ̈n looi.

Yith 46:11

Yɛn cɔl raan bï bɛ̈n të lɔ aköl amiäk: abï lööny piny cït cuɔɔr, ku looi kë cä guiir. Yɛn cï jam ku abïï looi.

Yith 49:4

Guɔ lueel an, “Yɛn cï luui, ku acïn aŋäth nu ke yɛn! Yɛn cï riɛldï thöl, ku acïn kë cä yök.” Ku yɛn bï ŋoot ke ya ŋäth Bɛ̈nydït bïï yicdï gël, abï yɛn gäm ariöp de kë cä looi.

Yith 49:5

Bɛ̈nydït ë yɛn lɔc ke ya kënë dhiëëth, acï yɛn tɔ ye awunde bä kɔcke pɔ̈k nïïm ciëën, bä kɔc ke Yithriɛl cï thiäi pɔ̈k nïïm ciëën. Bɛ̈nydït acï ya gäm dhuëëŋ, ee yen awaŋ de riɛldï.

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Yith 7:13

Go Yithaya bɛ̈ɛ̈r an, “Piɛŋkï ënɔɔnë wek kuat ë melik Debid. Arac aläl tëde week bäk kɔc tɔ bäp piɔ̈ɔ̈th, ku kaarkï bäk Nhialic tɔ bäp piɔ̈u aya?

Jowɛl 2:26

Ka wek bï nïïm bɛ dɛ kacaam bï we kueth. Ka wek bï Bɛ̈nydït Nhialicdun bɛ lɛc nɔm, Raan cï we luöi kake gäi. Kɔckï acïï keek bï bɛ biɔɔn gup ananden.

Kuɛ̈n 23:19

Nhialic acïï lueth ee töör, acie raan. Ku cïï yenɔm ee waar cït man ë raan. Ke cï than ee rɔt tiiŋ, ku ke cï lueel, ee rɔt looi.

Epethiei 1:11

Abï ke tääu ë Kërtho cin, raan cï wo tɔ yök ka buk lɔ̈ɔ̈k lak, në mɛ̈k cï wo kɔn meek cït man cï Nhialic e lueel ë yepiɔ̈u, Raan ë këriëëc looi ëbɛ̈n, cït löŋ cï tak ë yepiɔ̈u.

Nyuuth 15:3

Ku kitkï din ë Mothe lïm ë Nhialic, ku din ë Nyɔŋamääl, luelkï, an: “Yïn Bɛ̈nydït Nhialic Awärjäŋ, luɔidu adït ee kɔc tɔ gäi! Yïn Melik de Juöör kuɛɛrku apiɛthkï ku yek yith!

Nyuuth 19:11

Na wën, ke ya tïŋ paannhial aɣɔ̈ɔ̈r, na wën, ke jöŋgör akuur tul, ku raan rɛ̈ɛ̈r ë yekɔ̈u, acɔl Adöt ku cɔl Yic, ku ee piathëpiɔ̈u yen aye löŋ guiir ku yen aye tɔŋ lɛɛr.

Nyuuth 7:12

luelkï, an, “Amiin: Athiɛɛi, ku dhuëëŋ, ku pɛlënɔm, ku thieithieei, ku riëëu, ku riɛldït, ku riɛl ee käŋ lëu, ë ke ye tɔ̈u në Nhialicda aɣet wadäŋ thɛɛr ya. Amiin!”