Yith 24:5 - JAM DE NHIALIC 2011

⁵ Kɔc acïk piny jɔ dhiöök, në luɔi cïï kek lööŋ ke Bɛ̈nydït dhuööŋ kɔ̈ɔ̈th, ku në luɔi cï kek löŋ ɣɔn cï mac, löŋ bï tɔ̈u aɣet athɛɛr yal yic.

Yith 24:5 ပူးပေါင်းရင်းမြစ်များ

2 Tham 23:5

Yen luɔi bïï Nhialic käudï thieei ka, në baŋ cï yen män bï tɔ̈u athɛɛr looi kekë yɛn, amat cïï bïï bɛ dhoŋ kɔ̈u, ee gutguut cïï bïï waar. Yen kë ya kɔɔr ëbɛ̈n ka, kënë abï ya tiëmdï, ku abï Nhialic tɔ loi rɔt.

2 Mel 21:12

Në biäk de ee kënë, acï Bɛ̈nydït Nhialic de Yithriɛl lueel an, Yɛn bï riäŋdït bɛ̈ɛ̈i Jeruthalem ku Juda, ago raan cï ye piŋ ëbɛ̈n gäi.

2 Mel 21:15

Në luɔi cïï kek karɛc looi në Ya nyin, ku tɔkï Ya göth arëët, gɔl në akööl ɣɔn bïï kuarken biic piny de Rip, agut cï ee köölë.”

2 Lëk 33:9

Go Manatha kɔc ke Juda tɔ loi karɛc wär karɛc wään, cï juöör wään bïï ë Bɛ̈nydït keek cuɔp wei piny yic looi, ɣɔn jɔ kɔc lɔ ke ke bɔ̈ thïn.

Diɛt 105:10

Bɛ̈nydït acï mät looi kekë Jakop, män bï tɔ̈u aɣet athɛɛr.

Diɛt 55:5

Yɛn lɛthë në riɔ̈ɔ̈c, yɛn cï riɔ̈ɔ̈cdït tiaam.

Yith 10:6

Yɛn cï Athiriya tooc bïï jur kuc Nhialic lɔ mak, kɔc cï Ya tɔ göth. Acä tooc bïï lɔ yak ku kuël ku dum kɔc yiic cït kë cath ë dhuur nɔm kueer.”

Yith 30:9

Ayek tɔ̈u ë ceŋ ke ke reec Nhialic, ku yek käŋ töör ë ceŋ, ku reeckï wëët de Bɛ̈nydït ë ceŋ.

Yith 33:8

Kuɛɛr acï ke pɔ̈l, acïn raan ee bɛ cath thïn. Amɛɛt acï ke riɔ̈ɔ̈k ku dhoŋ löŋ cï mac kɔ̈u. Acïn raan be ë riëëu guöp.

Yith 50:1

Aye Bɛ̈nydït lueel an, “Yak tak nɔn cän kɔckï cuɔp wei, cït man ye raan tiiŋde pɔ̈l? Tɔ̈u awereek ke pääl ënou? Yak tak nɔn cän we ɣɔ̈c pɛ̈c bïï we peec cït man ë raan ee mïthke ɣaac ke ke ye lïïm? Ei, wek aake leerë keek ë pɛ̈cic në biäk de awɛ̈ɛ̈ckun, wek aa toocë wei në biäk de karɛc yak looi.

Yith 9:17

Në biäk de ee kënë Bɛ̈nydït acïï wɛ̈ɛ̈t dhuökken bï tɔ poth, ku acïn kokdepiɔ̈u bïï nyuöth mïthkɛn abɛɛr ku diëër abɛɛr, në biäk cïï kɔc kedhie Nhialic kuc ku yek karɛc looi, raan ëbɛ̈n ee jamde pialëpiɔ̈u bɛ̈ɛ̈i bei në yethok. Cakaa yen ë tɔ̈u aya, agönh de Bɛ̈nydït abï ŋoot ke cïï thök, ku ciinde abï ŋoot ke nu biic ke kɔɔr bï këtuc looi.

Jeremia 11:10

Acïk lɔ ciëën ë karɛc ke kuarken yiic, kɔc wään reec luɔi de kë cä lueel, acïk yiëth kɔ̈k lam. Baai de Yithriɛl ku baai de Juda acïk löŋ cä mac wo kuarken dhoŋ kɔ̈u kedhie.

Jeremia 50:5

Abïk kueer lɔ Dhiɔn luɔp, ku abïk jäl ke ke wel kenïïm ë tɛ̈ɛ̈n. Abïk löŋ bï tɔ̈u athɛɛr mac në Yɛn, ku acïkï bï bɛ dhoŋ kɔ̈u.

Edhekiɛl 16:59

Aye Bɛ̈nydït Awärjäŋ lueel an, “Wek bä luöi kë rɔ̈ŋ ke week, në biäk ya wek gutguutdun dhöl yic, ku dhuɔŋkï mät kɔ̈u.

Edhekiɛl 20:13

Ku wään tɔ̈u kek ë jɔ̈ɔ̈ric baai de Yithriɛl acï a bɛ̈n rɛɛc. Acïk lööŋkï dhoŋ kɔ̈ɔ̈th, ku reeckï ka cä lɛ̈k keek, kën ee raan rïïu keek gäm pïïr. Acïk kööl de Thabath rɛɛc taitai. Yɛn aa cï rɔt guiir bä keek tɔ yök agönhdiën tuc në jɔ̈ɔ̈ric ku riääk keek.

Edhekiɛl 20:24

Yɛn aa loi ee kënë në biäk cï kek ka cä lɛ̈k keek rɛɛc, ku dhoŋkï lööŋkï kɔ̈ɔ̈th, ku riäkkï kööl ë Thabath ku lamkï yiëth wään ye kuarken luööi.

Edhekiɛl 37:26

Yɛn bï dɛk mät we keek män bï aa këërkëër de riëër piɛth aɣet athɛɛr. Abä ke thieei, ku ŋuak kuënden nyin, ku yɛn bï tëdiën ɣeric yïk ë keyiic, të bïï yen tɔ̈u thïn aɣet athɛɛr.

Danyel 7:25

Abï jam rac luɛɛl ë Nhialic dït guöp, ku abï kɔc ke Nhialic yɔŋ. Abïï them në luɔi bï yen löŋdɛn ë lɔ̈ŋ wel yiic, ayï lööŋken ayï akööl ke dhuëëŋken, ku abï kɔc ke Nhialic cieŋ në run kadiäk ku pɛ̈i kadhetem.

Danyel 9:10

Bɛ̈nydït Nhialicda yïn kënku piŋ thok, wään bï yïn wook yöök, buk aa rëër cït man ë kë cï lööŋkuön wään bä gäm wook në lïïmkuön tït thook lueel.

Danyel 9:5

“Wok cï karɛc looi, wok ee kɔc rac, wok cï wäc. Wok cï kë cï lɛ̈k wook an, loiku rɛɛc, ku yɛlku röt wei në lööŋ ku wëët piɛth cï nyuöth wook.

Ɣodh 6:7

“Acïk löŋ de mät dhoŋ kɔ̈u, cït man ɣɔn kɔn Adam en dhoŋ kɔ̈u. Akënkï löŋdï bɛ̈n döt ëtɛ̈ɛ̈n.

Lebai 20:22

Go Bɛ̈nydït lueel an, “Dɔ̈tkï wëëtdï kedhie kekë lööŋkï ku kuanykï keek cök. Ago piny lɛɛr Ɛn week thïn, bäk lɔ cieŋ, ago week cïï gök bei.

Lebai 26:35

Në aköölkɛn bï en ke tɔ̈u ke cïn yic kɔc, piny abï lɔ̈ŋde jɔ yök. Lɔ̈ŋ awään cïï ee yök në run wään rɛ̈ɛ̈r wek thïn.

Maika 2:10

Ka week, jatkï röt jälkï, wek cï bï bɛ lɔ̈ŋ eenë taitai. Awänydun ë piny ë Yithriɛl riɔ̈ɔ̈k ë taiwei, ka cïï duëër kɔn bɛ piath.

Luk 1:6

Ku piɛthkï piɔ̈ɔ̈th ë Nhialic nɔm keek kaarou, ayek lööŋ ke Bɛ̈nydït döt kedhie, ku dötkï luɔɔide ëbɛ̈n ke cïn gääk bï ke gɔ̈k.

Nyöŋ 32:15

“Kɔc ke Bɛ̈nydït acïk lɔ ke ke kueth, ku reeckï gäm, acïk cuai ku kuethkï në këcam. Acïk Nhialic Aciëŋden nyääŋ piny ku reeckï Awärjäŋ Konyden.

Nyöŋ 32:20

Ku lueel, an, Acä keek bï bɛ kony, ku ja daai në kë bï tuöl tëde keek, kek kɔc rilnïïm ku cïnkï piɔ̈ɔ̈th.

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.

Ɣeberuu 9:1

Ee yic, löŋ cï mac thɛɛr aa de nɔm kuɛɛr cï kiëët ye kɔc Nhialic lam tëɣeric yic, ɣön cï yïk ë piny nɔm eenë, në kɔc.

Jocua 23:16

Të la wek löŋ de Bɛ̈nydït Nhialicdun dhoŋ kɔ̈u, löŋ cï thɔ̈n week, ku lak yiëth kɔ̈k lam, ku luöikï keek, Bɛ̈nydït abï gɔ̈th ke week arëët, ku riëëk week arëët në piny piɛth cï gäm week.”

Jocua 24:25

Go Jocua mät looi kekë kɔc ke Yithriɛl në Cekem ee köölë. Ku gëm keek lööŋ bï kek cath.