Yith 24:15 - JAM DE NHIALIC 2011

¹⁵ ku kɔc nu të lɔ aköl amiäk abïk piɔɔny. Kɔc rɛ̈ɛ̈r në wɛ̈ɛ̈r yɔu abïk Bɛ̈nydït, Nhialic de Yithriɛl piɔɔny.

Yith 24:15 ပူးပေါင်းရင်းမြစ်များ

Ethta 10:1

Ku ëtɛ̈ɛ̈n, Melik Athuwereth acï kɔc kedhie, kɔc tɔ̈u rɛɛr ku kɔc tɔ̈u ë Abäpdit yɔu, bɛ̈n tɔ kut athölbö.

Yith 12:4

Ade kööl bɔ̈, kööl bïï röördït ket an, “Gɛ̈mkï Bɛ̈nydït lɛc! Calkï bï we kony! Lɛ̈kkï juöör kë cï looi ëbɛ̈n! Lɛ̈kkï luɔi dïït En!

Yith 25:3

Kɔc ke juöör ril abïk Yï piɔɔny, Yïn bïï ë riɔ̈ɔ̈c në pɛ̈ɛ̈nydït ke juöör ee kɔc kuur.

Yith 26:8

Wok ee këde piɔ̈ndu kuany cök ku tɛ̈ɛ̈uku aŋäthda në yïguöp, ee Yïn yok kɔɔr në wopiɔ̈ɔ̈th ëbɛ̈n.

Yith 41:5

“Acï kɔc tɔ̈u në wɛ̈ɛ̈r thok tïŋ agokï riɔ̈ɔ̈c, ku päu kɔc ke piny thar ku lɛthë ë keek, gokï keyiic määt ku bïkkï.

Yith 42:10

Kɛ̈të Bɛ̈nydït din piac cak, kɛ̈tkï lɛcde, wek pinynɔm ëbɛ̈n! Lɛckï wek kɔc ee cath në wïïr, lɛckï wek ka cï cak në abäpdit yic! Kɛ̈tkï wek piiny mec, ku kɔc ëbɛ̈n rɛ̈ɛ̈r ëtɛ̈ɛ̈n!

Yith 42:12

Takkï kɔc rɛ̈ɛ̈r në piiny mec gëm lɛc ku dhuëëŋ Bɛ̈nydït!

Yith 42:4

Acïï piɔ̈u bï bäp në aŋäth ku cïï bäp ë riëtëpiɔ̈u, abï yic looi ë pinynɔm. Piiny mec atitkï wëëtde aläl.”

Yith 49:1

Piɛŋkï kë luɛɛl, wek juöör mec, wek kɔc rɛ̈ɛ̈r të mec! Wään kën ë ya dhiëëth, Bɛ̈nydït acï ya lɔc ku kuɛny yɛn ke ya ye awunde.

Yith 51:5

Yɛn bï dap bɛ̈n bä ke kony, kööl de tiëmdï acï thiɔ̈k. Yɛn guöpdï Yɛn bï juöör cieŋ. Piiny mec atitkï yɛn bä bɛ̈n, atitkï yɛn në aŋäth bän keek bɛ̈n luök.

Yith 60:9

Kek abëël wïïr ke Tarcic bɔ̈ piny mec abïïkï kɔc ke Nhialic baai. Abïïkï atek ku adhɛ̈p në keek ëtök bïï kek Bɛ̈nydït bɛ̈n dhuëëŋ guöp. Nhialic Ɣeric de Yithriɛl, Raan cï juöör ëbɛ̈n tɔ dhuëŋ kɔcke gup.

Yith 66:19

ku abïk ŋic nɔn ee Yɛn ee kɔc luöi këtuc. “Ku yɛn bï kɔ̈k pɔ̈l në keyiic ku tuɔɔc keek në juöör yiic ëbɛ̈n, ë piiny mec yiic, kɔc kën kɛkdï kɔn piŋ, ku kënkï dïtdï ku riɛldï tïŋ: të lɔ Tarcic, ku Put, ku Ludia, kekë kɔckɛn ŋic muny de dhaŋ, ku lee Tubal ku Girikii. Në ye juöörkë yiic abïk dïtdï lɔ luɛɛl.

Dhep 2:11

Abïï Bɛ̈nydït ke riääc, të le Yen yiëth ke pinynɔm riɔ̈ɔ̈k kedhie. Ku juöör ëbɛ̈n abïk En jɔ aa lam, ŋɛk tëde.

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.

Luɔi 16:25

Na wën, ë wɛ̈ɛ̈ric cil, ke Paulo ku Thila ke ke läŋ ku kitkï diɛt leec kek ke Nhialic, ku piŋ kɔc kɔ̈k cï mac ë keek ëtök.

2 Theth 1:12

ke rin ke Bɛ̈nydan Yecu Kërtho ke ke bï dhuëëŋ yök ë weyiic, ku bäk dhuëëŋ yök në yen, në dhuëëŋ de Nhialic piɔ̈u kekë Bɛ̈nydan Yecu Kërtho.

1 Pet 1:7

ke thëm cïï gämdun them, luɔi ee yen këpiɛth aläl awär adhääp bï riääk, acakaa yen ë them ë mac, ka bï yök aye këde lɛc ku dhuëëŋ ku riëëu ëkööl bï Yecu Kërtho rɔt nyuɔɔth.

1 Pet 3:15

Ku yak Kërtho theek ë wepiɔ̈ɔ̈th takï ë Bɛ̈nydït. Yak cool ë cuɔc wek röt, ke we bï löŋ de raan ëbɛ̈n ŋiëc aa bɛ̈ɛ̈r, raan ee we thiëëc në këde aŋäth ŋäthkï, abäk aa bɛ̈ɛ̈r në piɔ̈nlir ku riëëu,