Yith 23:11 - JAM DE NHIALIC 2011

¹¹ Bɛ̈nydït ë Yecin riɛny ë wɛ̈ɛ̈r nɔm, ku jiëp ciɛɛŋ piny. Ë kɔc ke Kanaan yɔ̈ɔ̈k bïk ɣään ke ɣööc riɔ̈ɔ̈k.

Yith 23:11 ပူးပေါင်းရင်းမြစ်များ

Cäk 9:25

ke lueel an, “Aciɛɛn anu në Kanaan yeth! Abï ya lïm de mïthëkɔcken.

Diɛt 46:6

Juöör ayek riɔ̈ɔ̈c ku lɛthë ciɛɛŋ Nhialic ee määr cï deŋ, go piny lëëŋ.

Diɛt 71:3

Tɔ rɔt ee kuurdiën de luäk, ku gëlgël ril. Yïn ee gëlgëldï ku konydï.

Bɛ̈n 14:21

Na wën, ke Mothe yɔɔk yecin nhial në wɛ̈ɛ̈r nɔm, go Bɛ̈nydït wɛ̈ɛ̈r tɔ lɔ ciëën në amaŋdïït bɔ̈ në baŋ të lɔ aköl amiäk, amaŋ ruu ke put në wɛ̈ɛ̈ric ëbɛ̈n. Go pïïu tɔ tek keyiic, ku jɔ wɛ̈ɛ̈r aa tëril.

Yith 10:6

Yɛn cï Athiriya tooc bïï jur kuc Nhialic lɔ mak, kɔc cï Ya tɔ göth. Acä tooc bïï lɔ yak ku kuël ku dum kɔc yiic cït kë cath ë dhuur nɔm kueer.”

Yith 13:13

Yɛn bï paannhial niɛŋ, ku ta piny lɛthë abï rɔt wuuk tëde, në kööl bän agönhdï nyuɔɔth, Yɛn Bɛ̈nydït de rɛm.

Yith 14:26

Kiɛɛrdï kï në biäk de piny nɔm, köŋdï acä jat nhial bä këtuc luöi juöör.”

Yith 19:5

Pïïu ke Kiir abïk lɔ piny, ku jɔ Kiir dëu ë määth.

Yith 2:19

Kɔc abïk mol në pɔ̈liic piny, ku lɔ kɔ̈k thiaan në kɔ̈k ke kuriic, themkï bïk röt kual në agönh ë Bɛ̈nydït, ku riɛldïïtde ku dhuëëŋ, të le Yen Bɛ̈n bïï piny bɛ̈n lath.

Yith 23:10

Lak cuɔmkï piny, wek kɔc nu ë Tarcic! Acïn raan bï we bɛ kony.

Yith 23:3

lɔŋ de wɛ̈ɛ̈r, bïk aa ɣööc ku ɣɛɛckï rap ku kak ee luɔk ë Rip në Kiir yɔu, ku ɣööc aa looi në juöör ke piny nɔm.

Yith 25:2

Yïn cï pɛ̈ɛ̈nydït puk ke ke ye dhuur nɔm ku riäk ɣäänkɛn cï gël. Ɣään ë yïk ë kɔckuɔn ke ater keek acï jäl aɣet athɛɛr.

Yith 5:25

Bɛ̈nydït agöth ke kɔcke, ku ë Yecin jɔ̈t keek bï ke luöi këtuc, kur abï ke lath, ku gup ke kɔc cï thou abïï ke nyääŋ piny në kuɛɛriic ëbɛ̈n cït man ë nuöön. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Yith 50:2

“Eeŋö ye kɔckï mim ke cïn kë cïk lueel, wään la Yɛn tëden bä keek la ke luök? Eeŋö kën kek cɔ̈tdï puk nɔm wën cɔ̈ɔ̈t Ɛn? Cä guɔ ciën riɛl kuɔny ɛn keek? Yɛn duëër wɛ̈ɛ̈r tɔ dëu abïï yic riɛl të cän e lueel ku pɔ̈k kiɛɛr ke ke ye jɔ̈ɔ̈r, abï rec nu thïn thou në biäk de ciɛ̈n pïïu.

Jeremia 47:7

Ku bïï lɔ lɔ̈ŋ adï, ku acïï Bɛ̈nydït yɔ̈ɔ̈k bïï looi? Acïï Bɛ̈nydït yɔ̈ɔ̈k bïï thɔ̈ɔ̈r ke Acekelon ku kɔc ceŋ wɛ̈ɛ̈r yɔu.”

Edhekiɛl 26:10

Luändïït de tɔɔr ye ë jöŋgöörken tuk abïk we kuöm piny. Awuööu de jöŋgöörkɛn ke abëël ke tɔŋ abïk pɛ̈ɛ̈nykun lath, të jɔ kek lɔ ke ke tëëk në thook ke kal de pänydït cï riääk.

Edhekiɛl 26:4

Abïk kal ë pänydïït de Tayer riɔ̈ɔ̈k, ku dhoŋkï ɣöötkuön bär piny. Ku yɛn bï abuui nap wei ëbɛ̈n, ku nyääŋ kuur piny yetök ke cïn kë nu ë yekɔ̈u.

Edhekiɛl 31:16

Të lan en tuɔɔc piny paan ë thuɔɔu, awuɔɔu de wïïkde piny abï juöör tïŋ. Tiim ke Eden kedhie, ku tiim kɔ̈k cï lɔc, tiim ke Lebanɔn ye ŋiëc piɔɔk ka ɣɔn cï lɔ në piny thar, abïk piɔ̈ɔ̈th miɛt në wïïkde.

Naɣum 1:14

Bɛ̈nydït ë löŋ tääu piny në biäkdu yïn Ninebe, acï lueel an, “Acïn mïth bï rinkun bɛ lɔ̈ɔ̈k cäk. Ku Yɛn bï yiëthkuön cäk looi riɔ̈ɔ̈k ɣönduön ë yiëth. Ku Yɛn bï rɛ̈ŋkun kiëët, në luɔi ya wek kɔc ee karɛc looi.

Ɣagai 2:7

Aye Bɛ̈nydït de rɛm lueel an, Yɛn bï juöör pɔ̈k piny kedhie, ka wëuken abïk guëër eenë, ka Luaŋdït abï thiäŋ ke athiɛɛi.

Dhek 14:21

Töny ke thät ëbɛ̈n, töny nu ë Jeruthalem ku töny ë Juda abïï keek tɔ̈ɔ̈u pei, bï ke aa luui në läm de Bɛ̈nydït de rɛm, abïï kɔc ee miɔ̈c cï nɔ̈k gam aa luui në keek, thɛɛl kek rïŋ de miɔ̈c cï nɔ̈k. Të le ee köölë bɛ̈n abï ciën raan ee käŋ ɣaac bï bɛ nu Luaŋdït de Bɛ̈nydït de rɛm yic.

Mak 11:17

Go ke wɛ̈ɛ̈t, yöök keek an, “Kënë gɔ̈ɔ̈r an, ‘Ɣöndï abï aa cɔl ɣön ye juöör lɔ̈ŋ thïn ëbɛ̈n?’ Ku week, acäk tɔ ye ruŋ ë kɔc ee käŋ rum!”

Jɔn 2:16

ku lëk kɔc ë ajiël ke guuk ɣaac an, “Nyaaikï kakë ee tënë, duökï ɣön ë wäär ë tɔ ye ɣön ë ɣööc.