Yith 23:1 - JAM DE NHIALIC 2011

¹ Kënë ee jam në biäk de Tayer. Dhuöörkï në dhiën ë piɔ̈u, wek abëël wïïr ëbɔ̈ ë Tarcic! Në luɔi cïï Tayer riɔ̈ɔ̈k taitai, abï ciën ɣööt ayï të ye abëël wïïr mac. Wään bïï abëëlkun ciëën ë Thaiperuth, yen aa piɛŋ wek thok.

Yith 23:1 ပူးပေါင်းရင်းမြစ်များ

Cäk 10:4

Ku käu de Yaban ee kek aye kɔc ke Eliica, ku Tarcic, ku Kitim ku Dodanim.

1 Mel 10:22

Ku melik ade nɔm abëël wïïr ke Tarcic në wɛ̈ɛ̈ric ee käŋ lɔ ɣaac raan tök të cï run kadiäk tëëk në abëël wïïr ke Ɣiram ëtök, ku të bï kek ciëën në abëël wïïr ke Tarcic ayek adhääp ku ateek, ku tuŋ ke akɔ̈ɔ̈n, ku agaŋ jak, ku agɔk lok bɛ̈ɛ̈i.

1 Mel 22:48

Jeɣocapat acï abëël wïïr dït ee lɔ Tarcic looi, abëël wïïr bï aa ɣet piny de Opir bïk adhääp aa lɔ bɛ̈ɛ̈i, ku abëël wïïr dït akënkï bɛ̈n ɣet, acïk bɛ̈n guɔ dhuɔɔŋ të cɔl Edhiongeber.

1 Mel 5:1

Na ɣɔn ke Ɣiram melik ë Tayer toc kɔckɛn ee ye luööi, tuc ke Tholomon, në luɔi yen e piŋ nɔn cïï ye tɔc bï aa melik në nyin ë wunic. Në luɔi ye Debid mɛ̈thë thɛɛr.

2 Lëk 9:21

Melik Tholomon aa de nɔm abëël wïïr juëc ee lɔ Tarcic, ayek cath në abëël wïïr ke melik Ɣiram. Na cï run kadiäk wan abëël wïïr ayek kenïïm pɔ̈k ciëën në Tarcic, ke ke bïï adhääp, ku atek, ku tuŋ ke akɔ̈ɔ̈n, ku agaŋ jak, ku agaŋ lok.

Diɛt 48:7

cït man ye abëël wïïr ke Tarcic miɔɔkic në yom ee bɛ̈n të lɔ aköl amiäk.

Yith 15:8

Röl de kɔc dhiau aye piŋ në akɛɛth ke Mowap nïïm ëbɛ̈n. Ku piŋ ke në wuöt ke Eglaim ku Beerelim.

Yith 2:16

Ayï abëël wïïr dït läk ke Tarcic abï ke mou.

Yith 23:12

Pänydït de Thidon, miɛtëpiɔ̈ndu ë thök, ku kɔcku acï ke yɔŋ. Cak an cïk kat ke ke lɔ Thaiperuth, aŋootkï ke ke cïï bï lɔ̈ŋ.

Yith 23:6

Dhuöörkï në dhiëëu, wek kɔc ke Ponicia! Themkï bäk kat ke we lɔ Tarcic!

Yith 24:10

Këriëëc ëbɛ̈n ë nuɔɔn ë pänydït yic, ku kɔc röt thiɔ̈ɔ̈k në ɣöötken yiic, ke cïn kë bï ke yök.

Yith 60:9

Kek abëël wïïr ke Tarcic bɔ̈ piny mec abïïkï kɔc ke Nhialic baai. Abïïkï atek ku adhɛ̈p në keek ëtök bïï kek Bɛ̈nydït bɛ̈n dhuëëŋ guöp. Nhialic Ɣeric de Yithriɛl, Raan cï juöör ëbɛ̈n tɔ dhuëŋ kɔcke gup.

Jeremia 2:10

Lakkï të lɔ aköl athɛ̈i në tuur de Thaiperuth, ku tuɔɔckï raan të lɔ aköl amiäk piny de Kedar. Abäk tïŋ, acïn kë cït ee kënë cï rɔt kɔn looi.

Jeremia 25:15

Acï Bɛ̈nydït Nhialic de Yithriɛl Lueel an, “Kënë ee cum de mɔ̈u cä thiɔ̈ɔ̈ŋ në agönhdï. Yiɛ̈në juöör ëbɛ̈n, juöör tuɔɔc Yɛn yïn tënu kek, ku tɔ keek dëk në ye.

Jeremia 47:4

Akööl acïk bɛ̈n akööl bïï ë ke Pilithtiya riɔ̈ɔ̈k, bïï ë ye tɛɛm wei tëde Tayer kekë Thidon ku kuɔɔny cï döŋ ë bɛ̈n. Yɛn Bɛ̈nydït Yɛn bï Pilithtiya riɔ̈ɔ̈k, kɔc ë bɔ̈ në wɛ̈ɛ̈r de Keret yɔu ëbɛ̈n.

Edhekiɛl 26:1

Në kööl tueŋ në pɛɛi yic, në ruöön de thiëër ku tök ë pɛ̈cic, go jam de Bɛ̈nydït bɛ̈n tëde yɛn an:

Edhekiɛl 26:2

“Mɛnh ë raan, kënë ee kë ye kɔc nu në pänydït de Tayer lueel ke ke mit piɔ̈ɔ̈th. Ayek cööt an, ‘Jeruthalem acï riääk! Riɛldɛn de ɣɛɛc ë käŋ ë jäl! Acïï bï bɛ teer ke wook taitai!’

Edhekiɛl 27:30

Adhiëëukï yïn kedhie në jiɛthëpiɔ̈u, ayek kenïïm wäl abuui ku dɛɛlkï röt në ŋethic.

Edhekiɛl 27:6

Ku nömkï tiim ke ɣok ke Bacan looi kek lɛ̈th, ku loikï thöckun në tiim ke pain ke Thaiperuth, Ku jɔkï jämic në tuŋ ke aköön.

Danyel 11:30

Kɔc ke Rom abïk bɛ̈n në abëël wïïr, ku luikï yen tɔŋ, ka bï riɔ̈ɔ̈c. “Na ëlë abï lɔ ciëën ke cï gɔ̈th aläl, ku abïï them bï kɔc ke löŋ ɣeric cï mac riɔ̈ɔ̈k. Ku abï rɔt puk le jam de kɔc cï löŋ ɣeric cï mac nyääŋ piny gam.

Jona 1:3

Go Jona yenɔm cɔ̈k Tarcic, an kɔt në Bɛ̈nydït. Ago lɔ Jopa ku yök abël wïïr ëtɛ̈ɛ̈n, ke kɔɔr lɔ wun mec cɔl Tarcic. Ago wëu ke ariöpde yen kɔ̈u cuat piny, ku jɔkï ger ke ke lɔ Tarcic, të cïï yen Bɛ̈nydït bï bɛ tïŋ nyin.

Kuɛ̈n 24:24

Kɔc rum baai abïk bɛ̈n në Kitim, Abïk Acuur kekë Eber peec, ku keek aya, abïk thou aɣet athɛɛr.”

Luk 10:13

Amawoou në yïn, Koradhin! Amawoou në yïn, Bethaida! Tëë kadït ril cï looi ë Tayer ku Thidon cït man cï ke looi ë weyiic, adï cïk kepiɔ̈ɔ̈th puk ɣɔn thɛɛr, ke ke ceŋ cual ku yek rëër ë aropic!

Jocua 19:29

Ku jɔ akeu rɔt puɔ̈k Rama abï ɣet Tayer wun dïït cï gël aril, ku puk rɔt Ɣotha ale guut në Wɛ̈ɛ̈rdïït ɣer. Acï Maɣala mat thïn ayï Akedhip,