Yith 22:9 - JAM DE NHIALIC 2011

⁹ Wek cï ɣään cï riääk në kal ë pänydït de Debid kɔ̈u tïŋ ke ke juëc, ku yak pïïu kueet në wɛ̈k yiic.

Yith 22:9 ပူးပေါင်းရင်းမြစ်များ

2 Mel 20:20

Këriëëc cï Ɣedhekia looi ëbɛ̈n, luɔidɛn ë jööt, ku kueer ë wec yen kal ë pänydït thar piny, bïï pïïu wutic, acï ke gɔ̈ɔ̈r në awerek de kathɛɛr ke meliik ke Juda yiic.

2 Lëk 32:30

Ku melik Ɣedhekia guöpde ee yen ë thiɔ̈k nyin de Giɣon ee wat në biäk lɔ aköl athɛ̈i, pɛ̈n pïïu tëëk në biäk thïn de Pänydït de Debid. Go melik Ɣedhekia aa tiam në ka ye looi yic ëbɛ̈n.

Neɣe 3:16

Neɣemia wën de Adhibuk bɛ̈ny de biäk de wun cɔl Bethdhur acï kal biäk däŋë yïk ɣeetkï të lɔ raŋ de Debid kekë awuöl, ku ɣön ë jööt ke tɔŋ.

Yith 22:10

Wek cï ɣööt ke Jeruthalem kueen, ku wek cï ɣööt jäp piny ke we bï ɣään wään cï riääk në kal ë pänydït kɔ̈u yïk.