Yith 22:12 - JAM DE NHIALIC 2011

¹² Bɛ̈nydït Awärjäŋ aa cɔl week bäk bɛ̈n dhiau ku dhuöörkï, ku mɔ̈tkï wenïïm në dhiënë piɔ̈u ku cieŋkï lupɔɔ ke cuɔl.

Yith 22:12 ပူးပေါင်းရင်းမြစ်များ

2 Lëk 35:25

Go Jeremia diɛt ke dhiëëu cak në këde thon ë melik Jothia. Agut cï ee köölë kɔc ke Yithriɛl, röör ku diäär ayek diɛt ket dhiëëu kek en. Ku dinë aaye yök në diɛt ke dhiëëu cï ke määt yiic.

Edhr 9:3

Na wën aa piɛŋ ee kënë, guɔ lupɔɔkï rɛtiic ë yakɔ̈u në dhiën ë piɔ̈u, ku nyuän nhïm bei në yanɔm ku yathok, ku nyuööc piny ke ya cï ŋɛɛr ku ja thuc.

Neɣe 9:9

“Acï tïŋ guöm cïï kuarkuɔ gum ɣɔn piny de Rip, Yïn cï cɔ̈tdɛn kɔɔr kek kuɔɔny piŋ në Wɛ̈ɛ̈r Thith nɔm.

Jop 1:20

Ëtɛ̈ɛ̈n, Jop ë rɔt jɔt ku ret lupɔ de yen kɔ̈uwic, ku muut enɔm në jiɛth ë piɔ̈u ku gut enɔm piny ke lam Nhialic.

Wɛ̈ɛ̈t 3:11

Acï këriëëc ëbɛ̈n tɔ läk në köölde. Ku acï tän athɛɛr cak ë kɔc piɔ̈ɔ̈th ayadäŋ, ke ke cïï kë cï Nhialic looi ee yökic, gɔl të ɣɔn thɛɛr gɔl ë käŋ aɣet cï thökde.

Wɛ̈ɛ̈t 3:4

Ade kööl ë dhiëëu, ku kööl ë dɔl, ade kööl ë dhiënëpiɔ̈u, ku kööl ë miɛtëpiɔ̈u.

Yith 15:2

Kɔc nu Dibon abïk yïïŋden dhiëëu. Kɔc ke Mowap akïmkï në dhiën ë piɔ̈u në këde wuöt ke Nebo ku Medeba, acïk kenïïm muut ku kethook në dhiën ë piɔ̈u.

Yith 26:10

Na cakaa nɔn Yïn piɔ̈u kok wekë kɔc ee karɛc looi, acïkï bï kɔn wëët në luɔi de piathëpiɔ̈u. Acakaa piny de kɔc a piɔ̈ɔ̈th wai ayek ŋoot ke ke loi karɛc, ku jiɛikï në luɔi bï kek dïtdu tïŋ.

Yith 29:1

Amawoou në Jeruthalem guöpde, yïïŋ de Nhialic! Amawoou në pänydïït ɣɔn cieŋ ë Debid! Takï ruöön ku nɔn ee run kaarou ke dhuëëŋ tëk,

Yith 3:24

Luɔi duëër en aa miök tum ke go aa ŋuäc yen ŋörkï, ku luɔi duëër en aa thiönh läk ke go aa wïïn kek cieŋkï, ku luɔi duëër en aa nhïm läk cï ŋiëc nai yen nu në kenïïm ke go aa baar enɔm, ku luɔi duëër en aa lupɔɔ läk kek cieŋkï ke go ye anuɛɛr, ku puk läkden rɔt ke ye ayäär!

Yith 32:11

Wek aa cïn kë dhäl tëde week, ku cäkkï ee diɛɛr, ku ënɔɔnë takï röt lɛthë në riɔ̈ɔ̈c! Yɔ̈ɔ̈tkï lupɔɔ bei ë wekɔ̈ɔ̈th, ku duötkï we yiic anuɛɛr.

Yith 37:1

Na wën aa cï melik Ɣedhekia këdɛn cïk lueel piŋ, go lupɔɔ rɛtiic në dhiënëpiɔ̈u, ku tɛ̈ɛ̈u lupɔɔ ke cuɔl ë yekɔ̈u, ku le Luaŋdït.

Yith 37:2

Go Eliakim tooc, raan nu ë kake baai de melik nɔm, ku Cebana raan ee kake gööny gɔ̈ɔ̈r, ku bɛ̈nydïït ë kake Nhialic bïk lɔ tëde tiët ë Nhialic Yithaya wën de Amodh ke ke ceŋ lupɔɔ ke cuɔl.

Yith 58:3

Go kɔc thiëc an, “Eeŋö ye wok thek të cïï Bɛ̈nydït ye ŋic? Eeŋö ee wok mɔ̈l në cäm të cïï Bɛ̈nydït këda ee woi?” Aye Bɛ̈nydït lɛ̈k keek an, “Yic kï, të ya wek thek, wek ee lɔ ke we kɔɔr kake piɔ̈ɔ̈thkun, ku yak kɔc lui në week yɔŋ.

Jeremia 16:6

Kɔc kueth ku kɔc kuanynyïïn abïk thou ee pinyë, ku acïn raan bï ke tɔ̈ɔ̈u ku cïn raan bï ke dhiëëu. Acïn raan bï rɔt ŋuɛ̈ɛ̈t ku cïn raan mut yenɔm bïï yen ke dhiëndepiɔ̈u nyuɔɔth.

Jeremia 16:8

“Du lɔ ɣön looi ë kɔc dhuëëŋ thïn. Du nyuc piny we keek, du cam ku du dëk we keek.

Jeremia 4:8

Ka tääukï lupɔɔ ke cual në we kɔ̈ɔ̈th, ku dhiaukï, ku dhuöörkï, në biäk kën agönh tuc de Bɛ̈nydït thök, akën rɔt yal wei në Juda.

Jeremia 7:29

“Kɔc ke Jeruthalem dhiaukï, tɛmkï nhïmkun ku cuatkï keek wei. Kiɛtkï diɛt ke dhiëëu në kur nïïm, në biäk cän göth, Yɛn Bɛ̈nydït, ku Yɛn cï kɔckï rɛɛc.

Edhekiɛl 27:31

Acïk kenïïm muut në këdu ku tɛ̈ɛ̈ukï lupɔɔ ke cual në kekɔ̈ɔ̈th. Acïk piɔ̈ɔ̈th jiɛth arëët të dhiɛɛu kek.

Danyel 5:1

Na ɣɔn ke melik Belcadhar ë cɔl agum de kɔc adhuëëŋke, bïk bɛ̈n cam ë këcamdït ku dëkkï ë mɔ̈u.

Ɣodh 9:1

Wek kɔc ke Yithriɛl, duökï dhuëëŋ loi cï juöör kën gam. Wek kën kake Nhialicdun döt, wek nhiaar ariöp de akɔɔrröör cït man ya wek en tak nɔn yen yiëth kek ee week gäm jööŋ ke rap!

Jowɛl 1:13

Dhiaukï, wek bäny ke kake Nhialic, ku jiɛthkï piɔ̈ɔ̈th, wek bäny ee luui në yïk kɔ̈u. Niɛnkï ke we kïïu, wek kɔc ee Nhialicdï luööi. Në luɔi cïï miɔ̈c ë rap, ku miɔ̈c ye dek tɛɛm wei ɣön ë Nhialicdun.

Jowɛl 1:8

Dhiaukï cït man ë nyan dhueny dhiëëu monydɛn ë dhuuk kek cï ye thiaak.

Jowɛl 2:12

Go Bɛ̈nydït lueel an, “Agut cï ënɔɔnë, puɔ̈kkï wenïïm Ɛn në wepiɔ̈ɔ̈th ëbɛ̈n, në reec de cäm, ku dhuöör, ku dhiëëu.

Jowɛl 2:17

Ku takï bäny ke kake Nhialic läŋ, bäny ee Bɛ̈nydït luööi në kaam de yïk kekë Luaŋdït. Ë ke dhiau ku lɛ̈ŋkï: an, “Kok piɔ̈u we kɔcku, Bɛ̈nydït. Du kɔc ke nɔmdu tɔ biɔn gup, du ke bï tɔ ye kääŋ yup në juööriic. Acïï rɔ̈ŋ bï kɔc aa lop an, “Nu Nhialicdu ë nou?”

Amoth 8:10

Aköölkuön ke dhuëëŋ abä ke puk abïk ya akööl ke dhiëëu, ku pɔ̈k aköölkuön ke diɛt ke miɛtëpiɔ̈u, ke ke ye akööl ke diɛt ke jiɛthëpiɔ̈u ke tuaar. Wek bä tɔ mut wenïïm, ku ciɛŋkï lupɔɔ ke cual, ka wek bï ciët wun meth kekë man meth dhiëëu wëndɛn tök. Ku yen ee köölë abï thök ke kec.

Jona 3:6

Ku tɛ̈ɛ̈u meliŋ de Ninebe löŋ piny, lëk kɔc ke Ninebe kedhie an, “Kënë ee löŋ cä tääu piny, yɛn bɛ̈ny tueŋ wökë bäny nu në yacök, ë ciën raan de kë ciɛm, kɔc kedhie, ayï ɣɔ̈k, ayï thök, ëke cïï lony lek nyuäth, ayï dëk.

Maika 1:16

Muɔ̈tkï wenïïm, dhiëëukï mïth nhiaarkï. Lɛnykï wenïïm abäk ciët anyigoon, në biäk bïï ë mïthkun lɛɛr piny lei.

Jakop 5:1

Cai week, wek kɔc kueth, dhiaukï abäk kiɛɛu moc, në katuc bɔ̈ ka bï we dhal!