Yith 21:2 - JAM DE NHIALIC 2011

² Yɛn ë nyuuth de yic riäŋ rac ku riɔ̈ɔ̈c tïŋ. Rem de tɔŋ de Eelam ku Media amɛkkï rem de tɔŋ ë Media, ku tookkï pɛ̈ɛ̈nydït! Bɛ̈nydït abï nuan cïï Babilon luöi kɔc tɔ thök.

Yith 21:2 ပူးပေါင်းရင်းမြစ်များ

Cäk 10:22

Mïth ke Cem ee yï Elam kekë Acuur ku Arapakad, ku Lud, ku Aram.

2 Mel 17:6

Në ruöön ye run ke Ɣocia dhoŋuan, go melik de Athiriya Thamaria dɔm, ku peec kɔc ke Yithriɛl leerë ke Athiriya, ku tɔ kɔc kɔ̈k rɛ̈ɛ̈r wun cɔl Ɣala, ku tɔ kɔ̈k rɛ̈ɛ̈r në wɛ̈ɛ̈r ë Ɣabor yɔu në aken ë Godhan nɔm, ku tɔ kɔc kɔ̈k rɛ̈ɛ̈r në wuöt ke Media yiic.

Diɛt 119:158

Të yan kɔc cïn gäm tïŋ, yɛn ee piɔ̈u jiɛth, në biäk cïï kek lööŋku ee döt.

Diɛt 12:5

Go Bɛ̈nydït lueel an, “Yɛn bï jɔ bɛ̈n ënɔɔnë në luɔi cïï kɔc kuanynyïïn yɔŋ ku kɔc yɔŋ keek ayek teer në arɛɛm. Abä ke gam lɔ̈ŋ kɔɔrkï ë caŋ ɣɔn.”

Diɛt 25:3

Ee yic, acïn raan ee Yïn ŋɔ̈ɔ̈th ee yäär, ee kɔc ee Yï dap rɛɛc thok kek ee yäär.

Diɛt 60:3

Yïn cï kɔcku tɔ nuan aläldïïtë, wok ee tuëk cït kɔc cï miɔ̈l ë mɔ̈u.

Diɛt 79:11

Piŋ luɔi teer ë kɔc cï mac, ku në riɛldu luönyë kɔc cï mäc thuɔɔu bei!

Kɛ̈ŋ 13:15

Ŋïny de yöŋ ë käŋiic ee nhiëër bɛ̈ɛ̈i, ku kueer cïn adöt ee nuan.

Yith 11:11

Të lee köölë bɛ̈n, Bɛ̈nydït abï riɛlde bɛ looi ku bïï kɔc baai, kɔckɛn wään cï döŋ Athiriya ku Rip, ku piny de Pathroth, ku Kuc ku Eelam, Ku Babilonia ku Ɣamath ku wɛ̈th thook ku tuöör ke wɛ̈ɛ̈r yiic.

Yith 14:4

Të looi yen ee kënë, abïk melik de Babilonia aa dɔl guöp ku lueelkï an, “Melik de guöp akuöörkuöör ë wïïk! Acïn raan bïï bɛ yɔŋ!

Yith 14:7

Ku ënɔɔnë piny nɔm ë piɔ̈u miɛt kekë lɔ̈ŋ ku mät, ku raan ëbɛ̈n akït në miɛtëpiɔ̈u.

Yith 22:6

Rem de tɔŋ de Eelam acïk bɛ̈n ke ke cath ë jöŋgöör kɔ̈ɔ̈th, ke ke muk wiɛth ke dhɛ̈ŋ. Ku rem de tɔŋ de Kir acïk köötken guiir.

Yith 24:16

Në wuöt nu ë piny thar, wo ee diɛt ke dhuëëŋ leecë Raan piɛthpiɔ̈u piŋ. Ku acïn aŋäth tëde Yɛn! Amawoou, yɛn dhiau piɔ̈u! Kɔc ayek a nyiɛɛn, ku nyiinden ee lɔ ke ŋuak rɔt arëët.

Yith 33:1

Amawoou në kɔc ke aterda! Wek ee käŋ riɔ̈ɔ̈k ku wek kënë ë riɔ̈ɔ̈k, wek ee käŋ rum ku wek kënë ë rum. Ku aköölkuön ke rum de käŋ ku riäk de käŋ abï thök, ku keek gupken abïï keek bɛ rum ku riäk keek.

Yith 35:10

Abïk ɣet Jeruthalem ke ke mitpiɔ̈ɔ̈th, ke ke kët ku yek kiɛɛu de miɛtëpiɔ̈u moc. Abïk piɔ̈ɔ̈th miɛt aɣet athɛɛr, ku abïk nïïm ciɛ̈n dhiënëpiɔ̈u kekë jiɛthëpiɔ̈u aɣet athɛɛr.

Yith 47:6

Yɛn aa göth wo kɔckï, acä ke luööi cït ka cïï be aa kɔckï: acä ke tääu në yïciin ku akën ë keek nyuöth kokdepiɔ̈u, acakaa kɔc cï dhiɔp acï keek luööi arac.

Jeremia 31:20

“Yithriɛl Yïn ee wënhdiën läk, mɛnh nhiaar aläl. Të yan yïn lueel rin, yïn ya tak ë nhiëër. Piɔ̈ndï ee lɔ biic tënu yïn, Yɛn bï piɔ̈u kok.

Jeremia 31:25

Yɛn bï kɔc cï bäp bɛ tɔ ril, ku yɛn bï raan ëbɛ̈n raan cï cɔk tɔ kɔ̈c tɔ kueth ë kuïn.

Jeremia 45:3

Aye lueel an, ‘Amawoou, yɛn cï bäp! Bɛ̈nydït acï jiɛthëpiɔ̈n dït ŋuak në nuɛɛnkï yiic. Yɛn cï bäp wo dhiëndepiɔ̈u, acïn lɔ̈ŋ cä yök!’

Jeremia 49:34

Na ɣɔn cï Dhedekia aa melik de Juda, go Bɛ̈nydït jam ke tiët Jeremia në biäk de paan de Eelam.

Jeremia 49:35

Acï Bɛ̈nydït de rɛm lueel an, “Yɛn bï kɔc cï Eelam tɔ ril nɔ̈k kedhie.

Jeremia 50:14

“Go kɔc moc dhɛ̈ŋ röt kueer ke ke mɛk Babilonia, ku jɔkï gɛɛu cil. Mɔckï Babilonia në dhɛ̈ŋkun ëbɛ̈n, në biäk cï yen a luöi awäc, Yɛn Bɛ̈nydït.

Jeremia 50:34

Ku raan bï keek luök aril, rinke acɔl keek Bɛ̈nydït de rɛm. Yen guöpde abï këden nööm ku abï mät bɛ̈ɛ̈i ë piny nɔm, ku kɔc ke Babilonia abïk nuan.”

Jeremia 51:11

Bɛ̈nydït acï meliik ke Media tuök nhial, në biäk cï Yen ye guiir nɔn bïï En Babilonia riɔ̈ɔ̈k. Yen kueer bïï Yen riääk de luaŋde guöör ka. Bɛ̈ny de rem mɛk wut ee kɔc yɔ̈ɔ̈k an, “Cuɔthkï wiɛthkun thook! Guiirkï köötkun apiɛth!

Jeremia 51:44

Yɛn bï Bel luöi këtuc, yanh de Babilonia, ku abä tɔ gɛm wëukɛn cï kual, ku acïï juöör yen bï bɛ aa lam. “Kɛ̈l ke Babilon acïk wïïk.

Jeremia 51:53

Cakaa Babilon yen ë be kɛɛc tënhial ku yïk të cï gël ril ëtɛ̈ɛ̈n, Yɛn duëër ŋoot ke ya tooc kɔc bïk lɔ riɔ̈ɔ̈k. Acä lueel Yɛn Bɛ̈nydït.”

Dhiëëu 1:22

“Guiir löŋden në biäk de karɛcken ëbɛ̈n, luöi ë keek këtuc cït man cï yïn yɛn luöi këtuc në biäk de karɛckï. Yɛn teer ë nuanic, ku yɛn tök piɔ̈u në jɔk.

Danyel 5:28

Tëŋë yic, ciɛɛŋdu acï tekic ku acï gäm Mede ku Perthia.

Danyel 5:9

Melik Belcadhar acï nɔm mum aläl në riɔ̈ɔ̈cdït, ku adhuëëŋke acïnkï nïïm kë lëukï në luɔi.

Danyel 8:2

Në nyuuth yic yɛn cï rɔt yök ëthiäu ke ya rɛ̈ɛ̈r në Thutha pänydïït cï geeu nu wundït de Eelam. Yɛn aa kääc ë kiir de Yulai nɔm,

Danyel 8:20

“Yen nyɔɔŋ amäl cï tïŋ ke de tuŋ kaarou, anyooth ciɛɛŋ ke yï Media ku Perthia.

Nyuuth 13:10

Raan ë kɔc peec tɔŋ, ka bï peec tɔŋ aya: ku raan ë kɔc nɔ̈k ë abätäu ke bï dhil nɔ̈k ë abätäu aya. Ruöt ee kɔc ɣerpiɔ̈ɔ̈th kepiɔ̈ɔ̈th ruut kï, ku gäm ee kek gam kï.”

1 Tham 24:13

Cït man cï kääŋ ɣɔn thɛɛr ye lueel an, ‘Kɔc rac piɔ̈ɔ̈th, ee kek ee karɛc looi.’ Ka yɛn cïï yaciin bï tääu në yïguöp.