Yith 21:16 - JAM DE NHIALIC 2011

¹⁶ Go Bɛ̈nydït lɛ̈k ɛn an, “An në ruöön tökic ëgök kɛk ë dhiën de Kedar abï thök.

Yith 21:16 ပူးပေါင်းရင်းမြစ်များ

Cäk 25:13

Akueerkï kɔ̈ɔ̈th cït man ë dhiënh ë dhiëëthë keek, gɔl ë mɛnh tueŋ alɔ gut në mɛnh ciëën. Rinken kï: Nebayɔth ee yen ee kɛ̈ɛ̈i de Yicmiɛl, ku Kedar, ku Adbeel, ku Miptham,

1 Lëk 1:29

Wɛ̈ɛ̈t ke Yicmiɛl kek acï bɛ̈n aa thook ke juöör kathiëër ku rou yï, Nebayɔth, yen ee wënkɛ̈i de Yicmiɛl ku jɔ aa yï, Kedar, Adbeel, Miptham.

Jop 7:1

Akööl ke mɛnh ë raan ë piny nɔm cïkï yiic ril cït luɔi de rem de tɔŋ, cïkï ril cït akööl ke raan lui ariöp ë kööl tök,

Diɛt 120:5

Amawoou në yɛn, yɛn raan rɛ̈ɛ̈r ë Mecek ku ciët raan rɛ̈ɛ̈r ë kɔc ke Kedar yiic.

Diɛt ke 1:5

Diëër ke Jeruthalem, yɛn col ku läk, yɛn col cï pɛɛny ke jɔ̈ɔ̈r de Kedar, ku läk cï lupɔɔ ke awëërnyïïn nu ɣön bɛ̈ɛ̈r de Tholomon yic.

Yith 16:14

Ku ënɔɔnë aye Bɛ̈nydït lueel an, “Në run kadiäk yiic ëdhöc, kuɛth dïït de Mowap abï määr. Ayï kɔc juëcke abïk thök, ee kɔc lik kek bï döŋ apïïr, ku abïk nïïm ciën riɛl.”

Yith 42:11

Takkï jɔ̈ɔ̈r ku pɛ̈ɛ̈nydïtke piɔny Nhialic, takkï bɛ̈i ke Kedar piɔny Yen! Takkï kɔc rɛ̈ɛ̈r në pänydïït de Thela moc kiɛɛu de miɛtëpiɔ̈u, në kur nïïm.

Yith 60:7

Thök ke Kedar ku Nebayɔth abï ke yiɛ̈n week ke ke ye miɔ̈c näk ku abï ke gam në yïk nɔm agokï Bɛ̈nydït miët piɔ̈u. Bɛ̈nydït abï ɣönde gäm dhuëëŋ dït cïn kë kït kek.

Jeremia 2:10

Lakkï të lɔ aköl athɛ̈i në tuur de Thaiperuth, ku tuɔɔckï raan të lɔ aköl amiäk piny de Kedar. Abäk tïŋ, acïn kë cït ee kënë cï rɔt kɔn looi.

Jeremia 49:28

Kën ë lueel Bɛ̈nydït kï në biäk de dhiën de Kedar ku lɔ wuöt mɛc ë Ɣadhor keek, wuöt cï Nebukadnedhar melik de Babilon ke peec ë Edom an, “Makkï kɔc ke Kedar, ku riäk dhiën de kɔc nu të lɔ aköl amiäk!

Edhekiɛl 27:21

Kɔc ke Arabia ku bäny ke piny de Kedar, ayek Kakuön yak ɣaac ɣɔɔc në nyök amɛ̈l kor, ku amɛ̈l, ku bɔɔth.