Yith 21:10 - JAM DE NHIALIC 2011

¹⁰ Kɔckiën ke Yithriɛl we cï kɔ̈ɔ̈m cït man ë agamɔ, ënɔɔnë wek cä guɔ lɛ̈k thoŋ piɛth cä piŋ tëde Bɛ̈nydït de rɛm, Nhialic de Yithriɛl.

Yith 21:10 ပူးပေါင်းရင်းမြစ်များ

1 Mel 22:14

Ago Mikaya bɛ̈ɛ̈r an, “Yɛn cï kuëëŋ në Bɛ̈nydït pïïr, nɔn bän kë cï Bɛ̈nydït lɛ̈k ɛn guiir!”

2 Mel 13:7

Jeɣowadh, aa cïn nɔm rem de tɔŋdɛn ë cï döŋ, aa döŋ ke ye kɔc kathiërdhïc ee cath ë jöŋgöör kɔ̈ɔ̈th kapäc, ku abëël ke tɔŋ kathiëër, ku aguum kathiëër de rem de tɔŋ cath ë yecök 10,000, në luɔi cïï melik de Thiriya rɛm kɔ̈kkë riɔ̈ɔ̈k, aake dum ke piny abïk ciët abuui.

Yith 28:28

Acïï agamɔ bï riɔ̈ɔ̈k në käm cïn pëk, aŋic kämden në luɔi yen abël de jöŋgöör käm tɛ̈ɛ̈k në kekɔ̈ɔ̈th nhial ëmääth ke cïï rap bï ɣääriic.

Jeremia 23:28

Tiët de nɔm nyuöth, aduëër lueel an ee nyuöth tei, ku tiët cï jamdï piŋ aduëër ee jamë lueel në piɔ̈n piɛth. Eeŋö piɛth në kaam de wal kekë agamɔ?

Jeremia 51:33

Abïï kɔc ke ater keek dhuɔŋ piny ënɔɔnë, ku dum keek yiic cït man ye anyuɔl kɔ̈ɔ̈m ë jöŋic. Acä lueel Yɛn Bɛ̈nydït de rɛm, Nhialic de Yithriɛl.”

Edhekiɛl 40:4

Go lɛ̈k ɛn an, “Daaiyë në yïnyin, mɛnh ë raan. Piëŋë apiɛth, ku kët yïyic ke yï cï rɔt päl piny ku woi këriëëc bä nyuöth yïn ëbɛ̈n, në biäk ë bïï yïn ee tënë në biäk de ee kënë. Yïn bï baai de Yithriɛl lɔ lɛ̈k këriëëc cï tïŋ ëbɛ̈n.”

Amoth 3:8

Të cïï köör ŋäär eeŋa cïï duëër riɔ̈ɔ̈c? Të cïï Bɛ̈nydït Nhialic jam, eeŋa duëër mim ke cïï jamde lueel?

Maika 4:13

Aye Bɛ̈nydït lueel an, “Jatkï röt wek kɔc ke nyan de Dhiɔn, ku luöikï kɔc ke ater këtuc. Wek bä tɔ cït thɔn cï jök cï leŋ tuŋ. Ka wek bï juöör juëc aa dhuööŋ. Ka wek bï Yɛn aa gäm këriëëcduön bäk lɔ rum ëbɛ̈n, ke ye miɔ̈cdï, Yɛn Bɛ̈nydïït de pinynɔm ëbɛ̈n.

Ɣabakuk 3:12

Yïn ee piny käc aläl në agɔ̈th të ciɛth Yïn ë yenɔm, ku dum juöör yiic të cïï Yïn piɔ̈u diu.

Math 3:12

amuk kën ee yen rap kɔ̈l ë yeciin, ku abï yiɛɛude nap abï lipëlip, ago agamɔde kuöt ë adhaanic, ku nyop ayiɛl ë many cie lëu në näk.”